LEVIHEY 17:16 - Bible en langue guiziga

¹⁶ Da a buna zana naŋhaya ta, yo naŋ vuna a bun ta ma na, zayɓi ngi mungra nah, naŋ a hirnga naŋ.»

LEVIHEY 17:16 ပူးပေါင်းရင်းမြစ်များ

EZAYI 53:11

Ya Buymisemuŋ i ɓi na: Naŋ misi bonoy haɗa tuwa na, a sa pura dideˀ naŋhaya, hin ngi siifa naŋ a sa giɗi. Naŋ gawla ɗu, mizli a sa sinakaŋ, naŋ jeŋŋe, akẽh, a sa dubuna gi jeŋŋe da zigiduw haɗa, joˀ naŋ vuna a sa ɓusa jijira malambaˀ taŋ.

LEVIHEY 18:1

Bumbulvuŋ a ɓa Moyise:

LEVIHEY 19:8

Mbur muzuma le na, a hiryi di i gwat muvula le da ya Bumbulvuŋ, naɓa a jijir ti zayɓi ngi malambaˀ nah, yo a sa gwahaka mbur nah ti wuzla muy naŋhay avra.

LEVIHEY 20:17

Da mbur a zuɓ ngi ngwasa i sukum naŋ mongoso, miya mandaf mandaf malla ngi wazlaray, a pura mbuŋ ngi zuŋ le, yo zuŋ kwana a puraŋ mbuŋ naŋ le na, i gwat mukuyta wãˀ. A sa gwahaka taŋ avra, a mihiri ngi mizli taŋhaya. Mbur mizile, zayɓi ngi malambaˀ naŋ na, a ndir a hirnga naŋ, asi naŋ mupura mbuŋ ngi sukum naŋ mongoso na.

LEVIHEY 5:1

Kaɓa ani so, mbur a cin na, ara zilam mizli haɗa haɗa ng'ar kiita, ɓa a gam sedewo ar ɓi mucuhu. Ɓi mucuh na, naŋ a si na le, yo a pura le ngbaŋ, amma da a ngum njika ɓi naŋ ta na, kite a zuɓa zayɓi ngi mungra naŋ le nga hirnga naŋ.

LEVIHEY 7:18

Useˀ ngi mikuli ngi ngiɓiˀaya, ar hin mimakir naŋ, da mbur a zuma le gbaˀa si na, Buymisemuŋ anta tiɓa mbur miga mikuli nah vuna ta, anta slufa kaɓa i mikuli ta, asi useˀ nah a tiri le i useˀ misi dili. Mbur muzuma le na, a jijira zayɓi ngi malambaˀ naŋ nga hirnga naŋ.

Ɓimezle ngi Yesu Kristu ZAŊ mitil di mi 13:8

Piyer a ɓaŋ: «Ĩˀĩ, k'anta buniy sar ɗu ta ndiɗaˀ si!» Yesu a mbiɗaŋ di: «Da i bunuw di ta na, naɓa lum ɗik anta avu ya ta.»

HEBEREY 9:28

Naŋ kine, Kristu kwana, a vula hirnga naŋ ngi gi mikuli a mbuŋ Buymisemuŋ is purla, ɓa ngi zuɓa mungra ngi zigiduw haɗi avra, yo a sa bugo vu is purla sar mucuw naŋ ma, anta ngi zuɓa mungra mata, amma ngi laha mizli makutukokoŋ.

PIYER MUDUMBUŊ NAŊ 2:24

Kristu ti haŋ naŋ, a zuɓa mungra ndraˀahaya le avu dumvu naŋ, angi dum mizliraŋ, ɓa i micam avu mungra ndraˀahaya, yo ɓa i cifam ti gi gwat mijeŋŋe. Kum mumbulom na, asi waˀa naŋhay na.