LEVIHEY 17:11 - Bible en langue guiziga

¹¹ Asi gwat ya miga gar na, siifa naŋ, naŋ ar pumbusu, yo yi vulukum di le ar li gi mikuli, ɓa ngi vula jiviɗ ngi pula mungra ar siifa kumo. Naŋ kine, pumbus mavula jiviɗ ngi pula mungra na, asi siifa naŋ anga.

LEVIHEY 17:11 ပူးပေါင်းရင်းမြစ်များ

ZLI VIRZI 9:4

Amma gwat purla ani, ki zumaka ˀuse misi pumbus naŋ kine aruŋ ta, asi siifa naŋ ar pumbusu.

LEVIHEY 1:5

A slaka ˀay ngi ginewe daˀ a mbuŋ ɗu. Akẽh, masay, ziri ngi Aroŋhoy, a tiɓaka pumbus ngi ginew tuwa, a bigikiy di. Li gi mikuli mikaˀ a mizlingre guɗuk ngi zlir ti ya Bumbulvuŋ na, masayay a kucaka ciki naŋ gun gun zlar ti pumbus tuwa.

LEVIHEY 16:11

Akẽh na, Aroŋ a gi mikuli ti gusoŋ ngi pula mungra ngi hirnga naŋ tuwa, a ga mezegwel ngi vula jiviɗ ngi pula mungra nga naŋ ati ngi mizli ngi hay naŋhaya. A dirba naŋ misla ˀay ngi gusoŋ ngi gi mikuli ngi pula mungra ngi hirnga naŋ tuwa le na,

LEVIHEY 17:12

Ya miɓa Israyeley: ‹Mbur Israyel malla moholoy misi a wuzla kumo, anja a zum pumbuso ta na, vurˀeŋ.›

LEVIHEY 17:14

Asi mike na, gwat ya miga gar misi titiri aruŋ na, siifa naŋ, naŋ ar pumbusu, yo ma na, yi ɓa Israyeleye le: ‹Gwat ya miga wanaka gar na, ki zumaka pumbus naŋ ta, asi siifa ngi gwat ya miga gar na, i pumbus naŋ. Da mbur muzuma le na, sey a gwahaka ti wuzla Israyeley avra.›

LEVIHEY 4:25

Li gi mikuli ngi zluma gwata, mivay naŋhay muyoŋ yoŋ kaɓa durumoyo, masay a ca muzuŋ haŋ yop ar pumbus ngi ginew mikiɗaka ngi gi mikuli ngi pula mungra tuwa, a ga taŋ di njoffo njoffo, waɗ is naŋ sek ng'asi virzi ngi li gi mikuli ngi zluma gwata.

LEVIHEY 4:26

Li misi malay gar na, a wura taŋ ar li gi mikuli, kaɓa magaka mikuli ngi ngiɓiˀay na ya. Masay miga mezegwel ngi pula mungra ngi buyo le na, naɓa ya Bumbulvuŋ i pulaŋ mungra naŋ le ya.

LEVIHEY 8:15

Moyis a slaˀay ngi gusoŋ, a tiɓa pumbus naŋ. Li gi mikuli, mivay naŋhay muyoŋ yoŋ yoŋ kaɓa durumoyo, Moyis a ca muzuŋ haŋ yop ar pumbuso, a ga taŋ di njoffo njoffo, ɓa ngi bi ti hiryi naŋ avra, waɗ is naŋ sek ng'asi virzi ngi li gi mikuli, a vula da Buymisemuŋ ti gi mezegwel ngi pula mungra.

Matiye 20:28

Naŋ kanah ya, Mangal ngi mbur a so ɓa mizli a tiram gawla naŋhay ta, amma ɓa a tiri gawla taŋ jaka, ɓa a vula hirnga naŋ ngi mbiɗa hirnga ngi mizli haɗi.»

Matiye 26:28

Asi hana i pumbus ɗu, pumbus ngi jumoˀay, a pi ɓa ngi buna mungra ngi zigiduw haɗi.

Mark 14:24

Joˀ Yesu a ɓa taŋ: «Hana i pumbus ɗu, pumbus ngi jumoˀay, a pi vur mizli haɗi.

ROMAHAY 3:25

Buymisemuŋ a vul di i Yesu vuna ngi gi mikuli a mbuŋ Buymisemuŋ ngi buna mungra ngi mizli ti pumbus naŋ, asi tiɓi taŋ. Buymisemuŋ a wuɗ ɓa a biga avu mizli, naŋ jeŋŋe: asi ti mizli migam mungra angi hin naŋ muɓus ɓi zleˀe na, a pula ɓi nah le, a ga taŋ kiita ta.

ROMAHAY 5:9

Ani wurenna, Kristu a ɗiya ndra le jeŋŋe ti pumbus, naŋ mipa vur ndra ma na, a sa laha ndra ti ngi himaˀ Buymisemuŋ masa zuɓa angi ndra na ta jak kwa?

EFESEY 1:7

Kristu a mbiɗa hirnga ndra le ti pumbus naŋ ar ndra mujom ati naŋ, yo mungra ndrahay a puyam le avra kaɓa gimezle Buymisemuŋ miga ndra di haɗi na.

Slu cuw 12:23

Amma cicam kaŋ kaŋ, anja ki zumaka pumbuso ta, asi pumbuso i siifa. Anja ki zumaka siifa jom ti useˀ naŋ ta.

KOLOSOY 1:14

Mucuko ndra, yo mupula mungra ndrahay na, i Mangal naŋ vuna.

KOLOSOY 1:20

Yo gwatay naŋ miga taŋ gar na, a ɗiya ɓi naŋ ati naŋ Buymisemuŋ tisi Mangal naŋ. Gwat ngi ruwuyoy ati ngi muŋhoy gar na, Buymisemuŋ a cica ɓi ngi vula taŋ zuyo, tisi pumbus ngi Mangal naŋ muɓul ar dum mizliraŋ.

HEBEREY 13:12

Vurˀe, Yesu kwana, ɓa ngi zuɓa mungra ngi mizli avra ti pumbus nga naŋ na, a muc a duba gala.

HEBEREY 9:22

Avu ɓimujuwa mawuɗ na, vendeke ngi gwat gar na, a zuɓaka hiryi naŋ avra ti pumbusu, da pumbus a pi sek le ta na, naɓa pula mungra anta.

PIYER MUDUMBUŊ NAŊ 1:2

Cine ndra Buymisemuŋ muwunukum kaɓa naŋ miɗiya jiviɗ naŋ zleˀe si na, tisi ˀUf Mipal, ɓa ki cinaka mi da Yesu Kristu, yo ɓa pumbus naŋ a bunukum. Anja Buymisemuŋ a gukum mezle, a vulukum zuy haɗa haɗa.

ZAŊ MUDUMBUŊ NAŊ 1:7

Amma da i ra ram angi li minjahha kaɓa naŋ vuna misi angi li minjahha na, naɓa jumoˀay ada ar wala ndra, yo pumbus ngi Yesu Kristu, Mangal ngi Buymisemuŋ, a buna mungra ndraˀahaya gar avra.

ZAŊ MUDUMBUŊ NAŊ 2:2

Asi naŋ, i mbur muvula hirnga naŋ ngi gi mikuli a mbuŋ Buymisemuŋ ɓa ngi zuɓa mungra ndrahay avra. I mungra ngi ndrahay tew ta, amma vur mungra ngi mizli ngi duniya gar.

ƁIMUNJUYO 1:5

Waɗ tivu Yesu Kristu, mbur migi sedewo mikaslsla, modogom mislikiɗ dumbuŋ ti wuzla mumucahay, yo Buy miwi buy madiɗa ngi ruwuyoy. Kristu ara wuɗ ndra, a tuɓo ndra le tivu mungra ndraˀahaya ti pumbus naŋ.