LEVIHEY 17:10 - Bible en langue guiziga

¹⁰ Da mbur Israyel malla moholoy misi ada a wuzla kumo, ara zum pumbus na, i sa mbuɗo hiri ng'ar naŋ, i sa gwahaŋ ti wuzla Israyeley avra.

LEVIHEY 17:10 ပူးပေါင်းရင်းမြစ်များ

ZLI VIRZI 9:4

Amma gwat purla ani, ki zumaka ˀuse misi pumbus naŋ kine aruŋ ta, asi siifa naŋ ar pumbusu.

SAMUYEL MUCUW NAŊ 23:17

Davit a ɓi: «Da yi sa yam hana le na, anja Bumbulvuŋ a puliy jiviɗ nah ta. Mizli miram nga diga na, taŋ taˀ hiri avu mucu. Yam hana, kite i pumbus taŋ ma na, ɓa yi sa na a gi kwa?» Davit a ngum ngi sa yama ta. Gwat, bugawla mimakirey migaka na, naŋ kahana.

DIMISEY 34:16

Bumbulvuŋ a ro hiri taˀ angi mizli mijeŋŋhey, yo slimiɗ jakka ngi cine widi taŋ.

BI NGI ISRAYELEY 30:33

Mbur mijihiɗ urdi misi purla kahana le, yo a puya le da mbur ho gar na, a sa ɓulaka ti wuzla muy naŋhay avra.»

ZEREMI 21:10

Haˀaw, i sa mbiɗi hiri ng'ar walahaya, anta ngi gaŋ mezle ta, amma ngi gaŋ malambaˀa. I sa vula walahay nah asi haŋ ngi buy madiɗa ngi Babiloŋ ɓa a wuraŋ. I ya Bumbulvuŋ maɓi.»

ZEREMI 44:11

Yo mbak ɗagay so! Bumbulvuŋ misi gidaŋ wãˀ, Buymisemuŋ ngi Israyel a ɓi na: ‹I sa mbiɗi pulaˀ ng'ar kum, ɓa ngi gukum malambaˀa, yo i sa ngizla hirwuy Zudakap wãˀ.

EZEKIYEL 14:8

I sa mbiɗi pulaˀ ng'ar mbur nah, i sa tiri di mbur masa gam di mi ngi wuya, yo i sa gwahaŋ avra ti wuzla mizli ɗuwoyo. Dar kisa sinaka yi Bumbulvuŋ.

EZEKIYEL 15:7

I mbiɗi pulaˀ ng'ar taŋ, ko da a boko le tir vu kwana, vu a sa wura taŋ gbaˀ na si. Ti ya misa mbiɗi le pulaˀ ng'ar taŋ na, kisa sinaka yi Bumbulvuŋ.

EZEKIYEL 33:25

Vurˀe, ɓa taŋ: Ya Bumbulvuŋ, Buymisemuŋ i ɓa taŋ na: ki zumaka useˀe ti pumbuso kine, ki huruk hurukam a mbuŋ kuli kumoy, ki ra kiɗam hirnga ma na, ki wuɗam ɓa hirwuy a ndir da kum mbri mbrike?

EZEKIYEL 44:7

Ti kum mira vulikiy ɗaf ɗu, mungul waɗ pumbus ar hay ɗu na, mizli mulakay misi micam mizaw ta ma na, ki cam ti taŋ ng'ara, ɓa a ndiram ara, ɓa a hiryaka hay ɗu. Mbak hã jumoˀay ɗu ati kumo, ki ngilaka le ti gi gwat kum malambaˀ kum mukuyta wãˀhay na.

LEVIHEY 17:11

Asi gwat ya miga gar na, siifa naŋ, naŋ ar pumbusu, yo yi vulukum di le ar li gi mikuli, ɓa ngi vula jiviɗ ngi pula mungra ar siifa kumo. Naŋ kine, pumbus mavula jiviɗ ngi pula mungra na, asi siifa naŋ anga.

LEVIHEY 19:26

Li kum mislaka ˀay ngi ginew le ara na, ki zumaka useˀ naŋ tehhe ar li nah ta. Ki gam ketele ta, yo ki hizigam njol ta.

LEVIHEY 26:17

I sa mbiɗi pulaˀ ng'ar kumo, mesene kumoy a sa kuɗukum. Mizli magam mesene ti kumo, a sa cifam buy ar kum, joˀ kisa kilam manja a ɓulukumo si.

LEVIHEY 3:17

Mungul ati pumbus gar na, kum anta sa zumaka ta. Hana i ɓimujuwa avu kum, ar li wanaka gar kum masa cifam anga na, anta mbiɗi ta, a ndir avu dideˀ avu dideˀ kumoy hã ngi caˀa kine.»

AMOS 9:4

Da ko a jaka taŋ le, a roko ram sek a mbuŋ mesene taŋhay kwana, i sa ɓi ɗaˀ, a kiɗaka taŋ vagay vagay ti maslalam. I sa ɗuva hiri ɗu taˀ ar taŋ, ngi mezle ta ɓula, amma ngi malambaˀa.»

SLRA 15:20

Amma zuwen i tohoko taŋ ɗerewol toh toh tewle, ɓa a hiryaka vu taŋ ti useˀ ngi kuli ta, ti gi sulome ta, gwat muɓuto ti ɓut waɗ pumbuso, anja a zumaka ta.

SLRA 15:29

Useˀ ngi kuli, pumbus malla gwat muɓuto ti ɓut gar na, ki zumaka ta. Yo ki gam sulome ta. Da ki pulaka gwat tayna le gar na, naɓa ki gam gwat mezle le. Zikam zuy so!»

Slu cuw 12:16

Amma ki zumaka pumbus ngi ginewe ta, kisa pulaka a pi a ruwuy ka yam.

Slu cuw 12:23

Amma cicam kaŋ kaŋ, anja ki zumaka pumbuso ta, asi pumbuso i siifa. Anja ki zumaka siifa jom ti useˀ naŋ ta.

Slu cuw 15:23

Gar ti nah kwana, ki zumaka pumbus ngi ginewe ta, kisa pulaka a pi a ruwuy kaɓa yam.

HEBEREY 10:29

Mbur makirpa Mangal ngi Buymisemuŋ, magi lambaˀ ti pumbus ngi Yesu mipa ngi jumoˀay, naŋ muzuɓaŋ mungra naŋ avra ti naŋ, yo a za ˀUf Mipal, magi mezle na ma na, mbur nah a sa lum bonoy mihimaˀ kuyta wãˀ ta jak kwa?

SAMUYEL MUDUMBUŊ NAŊ 14:32

A cam vu kpis avu gwat mitiɓa ar vurumoyo. A jam gwat misãmi meciɗekey, slahay, ziri slahay, a slakaˀay taŋhaya daˀ a ruwuyo, a humbuɗaka ar li pumbus maɓul vuna si.»

SAMUYEL MUDUMBUŊ NAŊ 14:33

Mizli ara ɓaka ɓi nah da Sawulo: «Mizli ara gam gwat malambaˀ avu Buymisemuŋ ti humbuɗa gwatay daˀ ar pumbus maɓul vuna si.» Sawul a ɓi ti gidaŋ: «Kum anta teŋteŋ ta. Gidigiloko ɗugur madiɗa ng'avi ya aka, wureˀ wurenna.»