LEVIHEY 16:34 - Bible en langue guiziga

³⁴ A sa gi i ɓimujuwa vur kumo ngi caˀa, kisa gaka mezegwel ngi vula jiviɗ ngi pula mungra hana is purla vur vi gar, ngi pula mungra ngi Israyeley migaka le gar. Ɓi Bumbulvuŋ muɗuva da Moyis gar na, Aroŋ a ga taŋ le tiɗeˀe.

LEVIHEY 16:34 ပူးပေါင်းရင်းမြစ်များ

BI NGI ISRAYELEY 27:21

Aroŋ ati ziri naŋhaya, a sa ɗuvaka taˀ ar guɗuku, a mbuŋ zana minjar a mihiri ngi akoti ngi jumoˀaya, lampehey a sa ndiram njahha zle ti hiikuɗ hã li daŋ daŋ a mbuŋ ɗu. Ɓi hana i ɓi micica le avu Israyeleye nga mbuŋ nga mbuŋ, anta mbiɗi ta wãˀ.»

BI NGI ISRAYELEY 30:10

«Sar pal angi vi gar na, Aroŋ a sa zuɓa hiryi ngi li gi mikuli avra, a sa gica pumbus ngi gwat ngi mikuli da mivay naŋhay muyoŋ yoŋ na, ngi pula mungra ngi mizli. A sa mahiri ngi mikuli nah na vur vi vur vi hã ngi set. Li gi mikuli nah na, a sa ndir da ya Bumbulvuŋ, i li mipal wãˀ.»

BI NGI ISRAYELEY 39:43

Moyis mupura slra a gi le kasl kasl kaɓa Bumbulvuŋ miɓa ɗaˀ le zleˀe tuwa na, a ɗuwula mi da Israyeleye.

LEVIHEY 16:2

«Ɓa sukum ɗik Aroŋ na, zana minjar ngi wuɗuka wala ngi hay nga ya Bumbulvuŋ, ar li akoti ngi jumoˀay ati mi naŋ mitiɗeˀ anga na, anja a tuwuɗ ng'ara pas wanaka gar ta. Da kanah na, naɓa ti ya masa bugo vu ar musure ngi gazlavay na, naŋ anta sa muc ta.

LEVIHEY 17:1

Bumbulvuŋ a ɓa Moyise:

LEVIHEY 23:28

Angi hin mihĩˀĩ nah na, ki gam slra neˀ le ta, asi i hin madiɗa ngi pula mungra, hin ngi gi mezegwel ar kum ngi vula jiviɗ ngi pula mungra a mbuŋ ɗu, ya Bumbulvuŋ, Buymisemuŋ kum.

LEVIHEY 23:31

Ko kum anta gam slra neˀ le tapasa ta. Hana i ɓimujuwa mambiɗi ta avu kumo ngi caˀa, ko da kum amaka gar.

LEVIHEY 24:23

Naŋ kahana, Moyis miɓa ɓimuɗuva misenna da Israyeleye. Akẽh na, mbur miza Bumbulvuŋ tuwa na, a boko di tir walahaya, a kuypakaŋ so. Ɓi Bumbulvuŋ muɗuva da Moyis gar na, Israyeley a gaka le.

LEVIHEY 3:17

Mungul ati pumbus gar na, kum anta sa zumaka ta. Hana i ɓimujuwa avu kum, ar li wanaka gar kum masa cifam anga na, anta mbiɗi ta, a ndir avu dideˀ avu dideˀ kumoy hã ngi caˀa kine.»

SLUFA VU 29:7

«Hin kuruˀ ngi kiya mitarnaˀ naŋ na, kisa kusom ngi huruk huruk a mbuŋ ɗu, ya Bumbulvuŋ, kisa gam dalyam, yo ki gaka slra kum magaka hõyyõ na ma ta.

HEBEREY 10:14

Naŋ kine, sedege naŋ miga is purla na, mizli, naŋ mazuɓa mungra taŋhay avra na, a ɗiya taŋ le hã ngi sete.

HEBEREY 10:3

Amma vur vi gar na, gi mikuli a mbuŋ Buymisemuŋ tayna ara ka taŋ mumuyuŋ zay sla a slimiɗ, ɓa a puykam hirnga ti mungra taŋhaya ta.

HEBEREY 9:25

Yo anta ɓa ngi vula vu naŋ ngi gi mikuli a mbuŋ Buymisemuŋ is mbeˀ mbeˀ ta ma. Asi masay madiɗa ngi Yudeheye, vur vi gar na, a ci ceˀ le ng'ar li mipal wãˀa, ti pumbus ngi ginew a haŋ.

HEBEREY 9:7

Amma guɗuk mucuw naŋ na, sey masay madiɗa maci ng'ara is purla vur vi gar, yo sey a ci vuna ma na, ti pumbus ngi ginew a haŋ ngi gi mikuli, mikuli vur mungra ngi hirnga naŋ waɗ vur mungra ngi mizli gar.