LEVIHEY 16:18 - Bible en langue guiziga

¹⁸ a bo tir guɗuko, aru ng'avi li gi mikuli misi a mbuŋ ɗu, ya Bumbulvuŋ, a ga mezegwel ngi vula jiviɗ ngi pula mungra a hirnga li gi mikuli tuwa. A zuɓa pumbus ngi gusoŋ ati ngi bazuwaya, a ga da mivay ngi li gi mikuli muyoŋ yoŋ kaɓa durumoy tuwa gun gun zlar.

LEVIHEY 16:18 ပူးပေါင်းရင်းမြစ်များ

BI NGI ISRAYELEY 30:10

«Sar pal angi vi gar na, Aroŋ a sa zuɓa hiryi ngi li gi mikuli avra, a sa gica pumbus ngi gwat ngi mikuli da mivay naŋhay muyoŋ yoŋ na, ngi pula mungra ngi mizli. A sa mahiri ngi mikuli nah na vur vi vur vi hã ngi set. Li gi mikuli nah na, a sa ndir da ya Bumbulvuŋ, i li mipal wãˀ.»

EZEKIYEL 43:20

Ki sa tiɓa pumbus ngi gusoŋ, kisa ga da durum mumufaɗ ngir mivay ngi li gi mikuli, da mivay ngi sar naŋhay mumufaɗ ngir zlirɗi naŋhaya, waɗ avu mi naŋ miteleŋŋe gun gun na. Ka masa zuɓa dili ngi li gi mikuli avra, yo ka masa tiri di pal na, ti jiviɗ kahana.

EZEKIYEL 43:22

Ti hin mucuw naŋ na, kisa jo bazuway manja hereweɗ ava ngi gi mikuli vur mungra, waɗ a sa gaka mezegwel ngi zuɓa mungra ngi li gi mikuli, kaɓa migaka ti gusoŋ tuwa.

EZEKIYEL 45:19

Masay a sa wuɗ pumbus ngi ginew migam di mikuli ngi pula mungra tuwa, a sa ga avu dum ngi mivay ngi miviŋ ngi hay ɗuwoyo angi zlirɗiyey mumufaɗ misi sar ngi li gi mikulihey ara, waɗ avu dum ngi mivay ngi miviŋ ngi wazlaray ngi huroˀo.

LEVIHEY 16:16

Naŋ kine, Aroŋ a ga mezegwel ar hay nga ya Bumbulvuŋ, ngi vula jiviɗ ngi zuɓa dili ati slikiɗa ɓi ngi Israyeleye, mbiɗeˀvra, mungra taŋ migaka gar, waɗ a ga mezegwele kanah ma, ar guɗuk ngi zlir ti ya, misi a wuzla mizli misi dilihey na.

LEVIHEY 16:17

Hirak ti Aroŋ maci nga ga mezegwel ngi vula jiviɗ ngi pula mungra, ar hay nga ya Bumbulvuŋ na, mbur anta ndir purla le ar guɗuk ngi zlir ti ya na ta, sey da naŋ mubo le a muŋ far. A dirba naŋ miga mezegwel ngi vula jiviɗ ngi pula mungra ngi hirnga naŋ le, ngi mizli ngi hay naŋhay, waɗ ngi mizli Israyeley jom gar na le na,

LEVIHEY 4:18

Li gi mikuli misi a mbuŋ ɗu ar guɗuk ngi zlir ti ya na, mivay naŋhay muyoŋ yoŋ kaɓa durumoyo, a ga taŋ pumbuso njoffo njoffo. Is naŋ sek wãˀ ng'asi virzi ngi li gi mikuli ngi zlum ti zlum, misi a mizlingre guɗuk ngi zlir ti ya.

LEVIHEY 4:25

Li gi mikuli ngi zluma gwata, mivay naŋhay muyoŋ yoŋ kaɓa durumoyo, masay a ca muzuŋ haŋ yop ar pumbus ngi ginew mikiɗaka ngi gi mikuli ngi pula mungra tuwa, a ga taŋ di njoffo njoffo, waɗ is naŋ sek ng'asi virzi ngi li gi mikuli ngi zluma gwata.

LEVIHEY 4:7

Li gi mikuli ti urdi misi a mbuŋ ɗu, ya Bumbulvuŋ angi guɗuk ngi zlir ti ya, mivay naŋhay muyoŋ yoŋ kaɓa durumoyo masay a ga taŋ pumbuso njoffo njoffo. Yo waɗ is ngi pumbus ngi gusoŋ tuwa na, a pa gar ng'asi virzi ngi li gi mikuli mizlam zlam wãˀ misi a mizlingre guɗuk ngi zlir ti ya.

SLUFA VU 28:22

Yo ma na, kisa gam mikuli ngi pula mungra ti bazuwaya ma. A dirba nah, a sa gukum mezegwel a hirnga kumo ngi pula mungra.

Ɓimezle ngi Yesu Kristu ZAŊ mitil di mi 17:19

Yo i ra vula hirnga ɗu ti haŋ ɗu vur taŋ, ɓa a tiram ngi ɗikey wãˀ ti mingiɓi ɗik mikaslsla.

HEBEREY 2:11

Asi mike na, Yesu, naŋ mbur migi mikuli a mbuŋ Buymisemuŋ ati mizli, naŋ muvula taŋ le da Buymisemuŋ vuna na, taŋ gar a boko ti vu Cine purla. Vurˀe, naŋ anta gi mesem ngi zila taŋ sukum naŋhaya ta.