LEVIHEY 16:17 - Bible en langue guiziga

¹⁷ Hirak ti Aroŋ maci nga ga mezegwel ngi vula jiviɗ ngi pula mungra, ar hay nga ya Bumbulvuŋ na, mbur anta ndir purla le ar guɗuk ngi zlir ti ya na ta, sey da naŋ mubo le a muŋ far. A dirba naŋ miga mezegwel ngi vula jiviɗ ngi pula mungra ngi hirnga naŋ le, ngi mizli ngi hay naŋhay, waɗ ngi mizli Israyeley jom gar na le na,

LEVIHEY 16:17 ပူးပေါင်းရင်းမြစ်များ

ƁI NGI HIN GAR MUDUMBUŊ NAŊ 6:34

Aroŋ ati ziri naŋhaya, slra nga taŋ i zluma ginewey ar li gi mikuli waɗ wura urdi ar li nga naŋ ya. Gwat ngi gi ar li mipal wãˀ na, magaka i taŋ. Magaka mezegwel ngi puya mungra ngi Israyeley i taŋ ma, a gaka kasl kasl kaɓa Moyis, gawla ngi Buymisemuŋ miɓa taŋ di ɗaˀ le na.

BI NGI ISRAYELEY 34:3

Anja mbur a jiɗ asi ka ta, hirnga muwã kurzluˀ gar, anja a puram mbur loŋ ara ta, anja ko ginew: tumuŋ, ˀaw malla sla a zum gweˀ a cikeˀe akẽh ta.»

EZAYI 53:6

Ndra gar zleˀe, zlaɗ lambaˀ kaɓa tumuŋhoy, mbur gar aru ti sipi jiviɗ naŋ, malambaˀ ndra gar migaka na, Bumbulvuŋ a paŋ di nga hirnga naŋ.

DANIYEL 9:24

A ɗuvam vihey le tarnaˀ tarnaˀ makaw kukur tarnaˀ, vur mizli ɗikey ati walahay ka misi ara na, ɓa ngi kiɗa mi ngi moˀore ati mungra, ɓa ngi pula mungra, ngi so ti gi jeŋŋe ngi sete. Ɓa pura gwat ti kleŋ ati ɓi ngi mijiviɗey a gam muduba, yo ɓa a pam mal ngi vula li mihĩˀĩ da Buymisemuŋ a muŋ.

LEVIHEY 16:16

Naŋ kine, Aroŋ a ga mezegwel ar hay nga ya Bumbulvuŋ, ngi vula jiviɗ ngi zuɓa dili ati slikiɗa ɓi ngi Israyeleye, mbiɗeˀvra, mungra taŋ migaka gar, waɗ a ga mezegwele kanah ma, ar guɗuk ngi zlir ti ya, misi a wuzla mizli misi dilihey na.

LEVIHEY 16:18

a bo tir guɗuko, aru ng'avi li gi mikuli misi a mbuŋ ɗu, ya Bumbulvuŋ, a ga mezegwel ngi vula jiviɗ ngi pula mungra a hirnga li gi mikuli tuwa. A zuɓa pumbus ngi gusoŋ ati ngi bazuwaya, a ga da mivay ngi li gi mikuli muyoŋ yoŋ kaɓa durumoy tuwa gun gun zlar.

Ɓimezle ngi Yesu Kristu LUK mitil di mi 1:10

Hirak ti naŋ mira zluma mukuturɓuy tuwa na, naɓa zigiduw gar ara dir dibiɗ avra.

SLRA 4:12

Milaha vu, i naŋ pal naŋ tewle. Asi gazlavay kurzluˀ gar na, Buymisemuŋ a vul slimiɗ mekelem da mizli, ɓa i laham ti naŋ na, anta.»

TIMOTE MUDUMBUŊ NAŊ 2:5

Asi Buymisemuŋ, naŋ purla tewle, yo mbur misi ar wala ngi mizli ati Buymisemuŋ kwana, naŋ purla ma, i Yesu Kristu.

HEBEREY 1:3

Mangal nah na, i wucuɗ ngi dudok ngi Buymisemuŋ, Buymisemuŋ, naŋ kahana kahana na, a bugo di le wãˀ. Yo majaha gwatay gar na, i naŋ ti mingiɓi naŋ migidaŋ. A dirba naŋ mubuna mungra ngi mizli avra na, a cifi a muŋ tir vay hazum ngi Buymisemuŋ migidaŋ wãˀa.

HEBEREY 9:7

Amma guɗuk mucuw naŋ na, sey masay madiɗa maci ng'ara is purla vur vi gar, yo sey a ci vuna ma na, ti pumbus ngi ginew a haŋ ngi gi mikuli, mikuli vur mungra ngi hirnga naŋ waɗ vur mungra ngi mizli gar.

PIYER MUDUMBUŊ NAŊ 2:24

Kristu ti haŋ naŋ, a zuɓa mungra ndraˀahaya le avu dumvu naŋ, angi dum mizliraŋ, ɓa i micam avu mungra ndraˀahaya, yo ɓa i cifam ti gi gwat mijeŋŋe. Kum mumbulom na, asi waˀa naŋhay na.

PIYER MUDUMBUŊ NAŊ 3:18

Asi mike na, Kristu ti haŋ naŋ, a muc is purla tewle vur mungra ngi mizli. Naŋ, mbur mijeŋŋe, a muc vur mizli migi gwat mijeŋ tahay, ɓa a sa bugukum da Buymisemuŋ. A kiɗaka le vagay ar dumvu naŋ, amma ˀUf Mipal, a mo di le ar siifa a muŋ.