LEVIHEY 16:16 - Bible en langue guiziga

¹⁶ Naŋ kine, Aroŋ a ga mezegwel ar hay nga ya Bumbulvuŋ, ngi vula jiviɗ ngi zuɓa dili ati slikiɗa ɓi ngi Israyeleye, mbiɗeˀvra, mungra taŋ migaka gar, waɗ a ga mezegwele kanah ma, ar guɗuk ngi zlir ti ya, misi a wuzla mizli misi dilihey na.

LEVIHEY 16:16 ပူးပေါင်းရင်းမြစ်များ

BI NGI ISRAYELEY 30:10

«Sar pal angi vi gar na, Aroŋ a sa zuɓa hiryi ngi li gi mikuli avra, a sa gica pumbus ngi gwat ngi mikuli da mivay naŋhay muyoŋ yoŋ na, ngi pula mungra ngi mizli. A sa mahiri ngi mikuli nah na vur vi vur vi hã ngi set. Li gi mikuli nah na, a sa ndir da ya Bumbulvuŋ, i li mipal wãˀ.»

LEVIHEY 16:17

Hirak ti Aroŋ maci nga ga mezegwel ngi vula jiviɗ ngi pula mungra, ar hay nga ya Bumbulvuŋ na, mbur anta ndir purla le ar guɗuk ngi zlir ti ya na ta, sey da naŋ mubo le a muŋ far. A dirba naŋ miga mezegwel ngi vula jiviɗ ngi pula mungra ngi hirnga naŋ le, ngi mizli ngi hay naŋhay, waɗ ngi mizli Israyeley jom gar na le na,

LEVIHEY 16:18

a bo tir guɗuko, aru ng'avi li gi mikuli misi a mbuŋ ɗu, ya Bumbulvuŋ, a ga mezegwel ngi vula jiviɗ ngi pula mungra a hirnga li gi mikuli tuwa. A zuɓa pumbus ngi gusoŋ ati ngi bazuwaya, a ga da mivay ngi li gi mikuli muyoŋ yoŋ kaɓa durumoy tuwa gun gun zlar.

LEVIHEY 23:27

«Hin kuruˀ ngi kiya mitarnaˀ naŋ hana, a sa gi i hin madiɗa ngi pula mungra. Ki sa gam kus ti slimiɗ ɗu, kisa gam dalyam, yo kisa vulam gwat ngi zum mizlam zlam wãˀ da ya Bumbulvuŋ.

LEVIHEY 8:15

Moyis a slaˀay ngi gusoŋ, a tiɓa pumbus naŋ. Li gi mikuli, mivay naŋhay muyoŋ yoŋ yoŋ kaɓa durumoyo, Moyis a ca muzuŋ haŋ yop ar pumbuso, a ga taŋ di njoffo njoffo, ɓa ngi bi ti hiryi naŋ avra, waɗ is naŋ sek ng'asi virzi ngi li gi mikuli, a vula da Buymisemuŋ ti gi mezegwel ngi pula mungra.

SLUFA VU 17:11

Moyis a ɓa Aroŋ na: «Zuɓa gwat ngi zluma urdi ɗike, pi zayvu ngir li gi mikuli angaŋ, pi mukuturɓuy, aru kutum ng'avi mizli, ga taŋ mezegwel ngi pula mungra, asi Bumbulvuŋ a ji mevel le, yo bonoy madiɗa, a zli le si.»

SLUFA VU 28:15

Yo ma na, kisa gam mikuli ti bazuway da ya Bumbulvuŋ ngi pula mungra kumoyo, kisa gaka nga mi mikuli mizlam zlam ti hin gar waɗ mbaazla pesl tuwa.

Ɓimezle ngi Yesu Kristu ZAŊ mitil di mi 14:3

Da yi ru le a ɗiyukum li na, i sa mawa, yisa hulukum a haŋ, hã kisa ndiram angi li ya misi anga na ya.

HEBEREY 2:17

Vurˀe, sey a tiri rak rak kaɓa sukum naŋhay ar gwat gar, ɓa a tiri masay madiɗa a mbuŋ Buymisemuŋ, mapur ˀircece, miteŋteŋ ar slra naŋ a mbuŋ Buymisemuŋ, ɓa ngi puya mungra ngi mizli avra.