12 a zuɓ taasa meciɗek, mbaf ti zayvu munjulili ngir li gi mikuli a mbuŋ ɗu, ya Bumbulvuŋ waɗ urdi hapa hapa, ngi zlum ti zlum ngbal ngbal haŋ cuw, aru di nga duba zana minjar tuwa.
Ziri ngi Aroŋhoy, Nadap ati Abihu, mbur gar a zuɓa taasa naŋ meciɗek ngi zluma urdi, a kam zayvu angi taŋ waɗ a pam urdi angi taŋ. Naŋ kahana, a ram ti vu muho gar nga mbuŋ Bumbulvuŋ. Jiviɗ ngi gi kanah anta ngbaŋ.
Kore ati mizli naŋhaya, mbur gar a zuɓa gwat ngi zluma urdi nga naŋ nga naŋ. A pam zayvu ara waɗ mukuturɓuy a hirnga naŋ, a cicam dedeŋ a mizlingre guɗuk ngi zlir ti Buymisemuŋ, Moyis ati Aroŋ t'ada ma.
Na, pumbus ngi Kristu, naŋ gidaŋ fineˀ nah ta jak kwa? Naŋ ti haŋ naŋ, a vula hirnga naŋ ti ˀUf Mipal ngi sete, a gi di mikuli manja gwat malambaˀ araŋ. Pumbus naŋ a buna wuluk malambaˀ ngir mevel ndra, ɓa i huruk hurukam a mbuŋ Buymisemuŋ misi ti siifa.
Amma guɗuk mucuw naŋ na, sey masay madiɗa maci ng'ara is purla vur vi gar, yo sey a ci vuna ma na, ti pumbus ngi ginew a haŋ ngi gi mikuli, mikuli vur mungra ngi hirnga naŋ waɗ vur mungra ngi mizli gar.
Amma da i ra ram angi li minjahha kaɓa naŋ vuna misi angi li minjahha na, naɓa jumoˀay ada ar wala ndra, yo pumbus ngi Yesu Kristu, Mangal ngi Buymisemuŋ, a buna mungra ndraˀahaya gar avra.
Modro a zuɓa gandaf ngi zluma mukuturɓuy tuwa, a naha ti zayvu ngir li gi mikuli a mbuŋ Buymisemuŋ, a hiziga nga ruwuy. Angi nana, vuŋ a ndisl, ˀay a cin, vuŋ a wucuɗ, hirwuy a wus hiɓik hiɓik.