LEVIHEY 16:10 - Bible en langue guiziga

¹⁰ Amma bazuway, ceregezleŋ midiɗ anga ngi biga i ngi Azazel na ya kwana, a soko di titiri kine, deŋ a mbuŋ ɗu, ɓa a gaka mezegwel ngi vula jiviɗ ngi pula mungra a hirnga naŋ, a slinam di da Azazel nga wuzlaɓuh.

LEVIHEY 16:10 ပူးပေါင်းရင်းမြစ်များ

LEVIHEY 14:7

Masay a kuca da mbur miɗiyi tuwa, hã is tarnaˀa. A ɓa njah: mbur hana, naŋ manja dili. Waɗ a pula ɗiyuw misi titiri na, a slikiɗ a cuh nga wuzlaɓuh.

LEVIHEY 16:8

Akẽh na, Aroŋ a gi ceregezleŋ ar bazuwayay mucuw tuwa, ɓa ngi biga bazuway nga ya Bumbulvuŋ waɗ ngi Azazele.

LEVIHEY 16:9

Bazuway, ceregezleŋ midiɗ anga ngi biga inga ya Bumbulvuŋ tuwa, Aroŋ a gi di mikuli ngi pula mungra.

ROMAHAY 3:25

Buymisemuŋ a vul di i Yesu vuna ngi gi mikuli a mbuŋ Buymisemuŋ ngi buna mungra ngi mizli ti pumbus naŋ, asi tiɓi taŋ. Buymisemuŋ a wuɗ ɓa a biga avu mizli, naŋ jeŋŋe: asi ti mizli migam mungra angi hin naŋ muɓus ɓi zleˀe na, a pula ɓi nah le, a ga taŋ kiita ta.

ROMAHAY 4:25

Buymisemuŋ a vula Kristu ɓa mizli a kiɗaka vagay, asi ndra migam gwat malambaˀa, yo a slikiɗa ti wuzla mumucahaya, ɓa a ɗiya ndra jeŋŋe a mbuŋ naŋ.

KORENTIHEY MUCUW NAŊ 5:21

Kristu a gi mungra ɗaˀ ta. Amma Buymisemuŋ a tiri di misi purla ati ndra migi mungrahay, ɓa Buymisemuŋ a ɗiya ndra jeŋŋe a mbuŋ naŋ, ti seˀeŋ.

ZAŊ MUDUMBUŊ NAŊ 2:2

Asi naŋ, i mbur muvula hirnga naŋ ngi gi mikuli a mbuŋ Buymisemuŋ ɓa ngi zuɓa mungra ndrahay avra. I mungra ngi ndrahay tew ta, amma vur mungra ngi mizli ngi duniya gar.

ZAŊ MUDUMBUŊ NAŊ 3:16

Kristu a vula siifa naŋ le vur ndra, zle dana, ndra masinaka wuɗavu na, avaˀa. Ndra kwana, sey i vulaka siifa ndra vur sukum ndraˀahaya ya.