LEVIHEY 14:8 - Bible en langue guiziga

⁸ Ar nah na, mbur misi kukula muzuɓakaŋ dili naŋ avra tuwa, a buna zana naŋhaya, a hija ngwic ngi vu vu naŋhaya gar avra, a bun, dar akẽh na, a tiri le manja dili muduba. A dirba nah na, aru ng'ar walahay guɗuko, amma a cifi ti vra hã hin tarnaˀ, a ci ng'ar guɗuk naŋ t'aruŋ.

LEVIHEY 14:8 ပူးပေါင်းရင်းမြစ်များ

ƁI NGI HINEY MUCUW NAŊ 26:21

Buy Oziyas a ndir ti kukula hã avu muc naŋ. Naŋ misi ti kukula tuwa na, sey a cifi pal naŋ ar hay naŋ baˀ avu mizli, asi a cifakaŋ baˀ avu hay ngi Bumbulvuŋ. Mangal naŋ Yotam, madiɗa ngi hay naŋ buyo, a wa mizli ngi si ruwuyo.

BI NGI ISRAYELEY 19:10

Bumbulvuŋ a ɓa Moyise na: «Aru ng'avi mizli, zuɓa taŋ hiryi avra, dana waɗ tiprik na, anja a bunaka zana taŋhaya.

BI NGI ISRAYELEY 19:14

Moyis a po sar ti muwã ng'avi mizli. A zuɓa taŋ hiryi avra, mizli a bunaka zana taŋhaya.

LEVIHEY 11:25

Da mbur muzuɓa maara taŋ le na, sey a buna zana naŋhaya ceɗ ceɗ le, yo naŋ ti dili hã pastaˀa.

LEVIHEY 14:20

Ginew ngi gi mikuli mizlam zlam wãˀ tuwa ati hapa ngi vul ngi gi sedege, jom cuw taŋ, masay a zluma taŋ cek ar li gi mikuli. Dar akẽh ma na, a ga mezegwel ngi vula jiviɗ ngi pula mungra naŋ. Ar nah na, naŋ manja dili wãˀ muduba so.

LEVIHEY 14:9

Angi hin mitarnaˀ naŋ na, a hija ngwic ngi vu vu naŋhaya gar a muŋ ma, hirnga, mazlamay waɗ ngwic ngi didak hiri ati ngwic mekelemey mindiramaya cek. A buna zana naŋhaya, a bun, akẽh so na, naŋ manja dili muduba.

LEVIHEY 15:13

Mbur misi mbuŋ maɓul tuwa, da ɓul naŋ a cici le na, a kutuk hin tarnaˀ, zle avu hin ngi ɗiyi naŋ na, a buna zana naŋhaya, yo naŋ vuna a bun ar yam miviɗiviɗi. Akẽh na, dili naŋ a zuɓ le avra muduba.

LEVIHEY 8:6

Moyis a so ti Aroŋ ati ziri naŋhaya, dar a buna taŋ ti yam ngi mezegwel.

SLUFA VU 6:9

Da mbur a muc le gurjik a cikeˀe na, hin naŋ misla le ti hudum tuwa, a pusuk le, vur naŋ mugumbuˀ ng'avu vagay ngi mbur na. Da a gi le luuma pal na, a tiri le manja dili a muŋ, a hija hirnga so.

SLUFA VU 8:7

Gwat ka masa ga ngi zuɓa taŋ dili na, ani: kuca taŋ yam ngi zuɓa dili, anja a hijaka ngwic misi avu vu taŋ cek, a bunaka zana taŋhaya, naɓa dili taŋ a zuɓ le avra.

Slu cuw 21:12

a sa ru di ngi hay naŋ. Ngwas tuwa, a sa hija hirnga, a sa sla zlenekeye,

PIYER MUDUMBUŊ NAŊ 3:21

Yam nah na, a bigi ci ar yam maluhukum wurenna na. I ci ar yam ngi buna dili ngi dumvu ta, amma ngi vula vu taˀ da Buymisemuŋ ti wuluk mezle ngir mevel. A luhukum tisi slikiɗ ngi Yesu Kristu ti wuzla mumucahay.

ƁIMUNJUYO 7:14

Yi mbiɗaŋ di: «Buy ɗu, misina, i ka!» Dar a ɓiy: «Taŋ i mizli mucohoko baɗ tir bonoy madidiɗa. A bunaka jibe taŋhaya le, yo a pusluɗaka taŋ le angi pumbus ngi tumuŋ.