LEVIHEY 14:7 - Bible en langue guiziga

⁷ Masay a kuca da mbur miɗiyi tuwa, hã is tarnaˀa. A ɓa njah: mbur hana, naŋ manja dili. Waɗ a pula ɗiyuw misi titiri na, a slikiɗ a cuh nga wuzlaɓuh.

LEVIHEY 14:7 ပူးပေါင်းရင်းမြစ်များ

BUYOY MUCUW NAŊ 5:10

Elize a slino mbur ng'avaŋ, a ɓaŋ: «Aru, ɓa ki ra ci jugoɓ jugoɓ is tarnaˀar yam a mizaw Zurdeŋ. A dirba nah, kisa mbul, yo kisa ɗiyi.»

BUYOY MUCUW NAŊ 5:14

Akẽh na, Naˀaman tuwa, a pi sar nga mizaw Zurdeŋ so, waɗ a ci jugoɓ jugoɓ is tarnaˀ, kaɓa mijiviɗ ngi Bumbulvuŋ miɓaŋ tuwa. Garak ngi dumvu naŋ a tiri kaɓa ngi zuŋ meciɗeke. Naˀaman a ɗiyi le.

DIMISEY 51:2

A ɓi ɓi ngi mijiviɗ Nataŋ mira pura Davit, a dirba Davit vuna migam madama ati Batseba.

DIMISEY 51:7

Pura, a yikiy cak ar gi gwat malambaˀa, ya guzluv ar mungra, diga ya misi a kwacay maha.

EZAYI 52:15

Wurenna, ɓi naŋ a zuma hirnga le da sukwi ngi mizli gar, buyoy a sa ndiram guɗum guɗum lek, asi gwat miɓaka taŋ ɓi nah zleˀe ɗaˀ ta na, ara purakaŋ, yo gwat taŋ micinaka zleˀe ɗaˀ ta na, ara singilakaŋ.

EZEKIYEL 36:25

I sa kicukum yam miɗelelle, ɓa kisa ndiram manja dili. Dili kumoy ati ɓi ngi huruk huruk kum a mbuŋ kuli kumoy na, i sa zuɓukum taŋ avra.

DANIYEL 9:24

A ɗuvam vihey le tarnaˀ tarnaˀ makaw kukur tarnaˀ, vur mizli ɗikey ati walahay ka misi ara na, ɓa ngi kiɗa mi ngi moˀore ati mungra, ɓa ngi pula mungra, ngi so ti gi jeŋŋe ngi sete. Ɓa pura gwat ti kleŋ ati ɓi ngi mijiviɗey a gam muduba, yo ɓa a pam mal ngi vula li mihĩˀĩ da Buymisemuŋ a muŋ.

LEVIHEY 13:13

a purakaŋ kuy kuy ava. Da masay a pura le, waˀa naŋ kaˀ kaˀ zlar vu gar na, a ɓa njah: mbur nah naŋ ti dili ta. Dum vu naŋ gar babaraŋ, naŋ anta ti dili ta na, vurˀeŋ.

LEVIHEY 13:17

Akẽh na, masay a pura, da waˀa mukop kop tuwa, ara pusluɗa hiri babara gisiŋ na, a ɓa njah: jiji nah, i jiji ngi dili ta. Mbur nah, naŋ manja dili.

LEVIHEY 14:51

A sa wuɗ dum ngi miter, ngi izop, ngwic ngi tumuŋ, munduva ndezze waɗ ɗiyuw misi titiri tuwa, a ca taŋ jugoɓ ng'ar pumbus ngi ɗiyuw, naŋ misla ˀay naŋ tuwa, waɗ ng'ar yam ngir miviɗiviɗi misi ar gandafa, a kuca haya kwic kwic is tarnaˀ.

LEVIHEY 16:14

Akẽh na, a ca muzuŋ haŋ yop ar pumbus ngi gusoŋ tuwa, a kuca mivay ngi mi ngi akoti, kini tir vay ngisi pas ngi mipriki naŋ, yo waɗ a kuca pumbuso is tarnaˀ a mbuŋ mi ngi akoti tuwa.

LEVIHEY 16:19

A ca muzuŋ haŋ yop ar pumbuso, a kuca da li gi mikuli tuwa kwic kwic is tarnaˀa. Naŋ mazuɓa hiryi ngi Israyeley avra, yo naŋ matiri taŋ pal na, naŋ kahana.

LEVIHEY 16:22

Bazuway a jijira mungra taŋhaya gar ng'ar li mikirɗak kirɗaka. Ti naŋ muɓula bazuwaya le ɓak ɓak nga wuzlaɓuh na,

LEVIHEY 4:17

Masay tuwa, a ca muzuŋ haŋ naŋ yop ar pumbus naŋ muwuɗo di tuwa. Yo a kuca pumbus tuwa is tarnaˀ da godo vay mapur misi a mbuŋ ɗu na.

LEVIHEY 4:6

A ca muzuŋ haŋ yop ar pumbuso, a kuca pumbus tuwa is tarnaˀ da godo vay mapur ngir li mipal misi a mbuŋ ɗu na.

LEVIHEY 8:11

A kuca li gi mikuli ti mal tuwa hã is tarnaˀ, yo gwat ngi gi slra naŋhaya gar, waɗ kisa ngi bun ati gwat ngi ɗuv naŋ ma, a tiri taŋ i ngi Buymisemuŋ.

MISE 7:19

Ki sa pura ndra ircece ava ma, kisa ɗuva sar ar mungra ndraˀahaya. kisa zliɗa malambaˀ ndraˀahaya gar ng'asi mubuliy.

SLUFA VU 19:12

Hin mimakir naŋ ati mitarnaˀ naŋ na, sey a zuɓa dili naŋ ti yam. Amma da a zuɓa dili ar hin mimakir naŋ ati mitarnaˀ naŋ ta na, a sa ndir di.

Ɓimezle ngi Yesu Kristu ZAŊ mitil di mi 19:34

Amma mbur soje pal a zligaŋ ar cakaya ti ziwit, pumbus lahaɗ ati yam a bo a haŋhaŋ si.

HEBEREY 10:22

Vurˀe, kuruhukum ng'avu Buymisemuŋ, ti mevel mezle so, ti tiɓi migisiŋ gisiŋ, ti mevel mubuna le avu wuluk malambaˀ gar, ti dumvu mubuna le ti yam mipal

HEBEREY 12:24

yo ki kiraham ng'avu Yesu misi ar wala ngi jumoˀay manawaya, waɗ ng'avu pumbus naŋ mipa, pumbus maɓi ɓi fineˀ pumbus ngi Abel ma.

HEBEREY 9:13

Asi mike na, pumbus ngi bazuway ati ngi gusoŋhoy, yo fucu ngi bulkoŋhoy mapaka pik pik ng'ar mizli misi diliheye, ada zuɓa taŋ dili ngi dumvu taŋ avra.

HEBEREY 9:19

Dumbuŋ na, Moyis a til mi ti ɓimuɗuva da mizli gar, kaɓa naŋ muluma ar ɓimujuwa. A dirba nah, a wuɗ pumbus ngi ngarihey ati ngi bazuwayaya, lahaɗ ti yam, a kuca da ɗerewol ngi ɓimujuwa vuna waɗ da mizli gar. A kuca ti zana gagaza ngi ngwic ngi tumuŋ waɗ ti mihaŋ ngi izop.

HEBEREY 9:21

Yo a kuca da guɗuk waɗ da gazlangahay magam taŋ slra ngi huruk huruk a mbuŋ Buymisemuŋ gar ti pumbus tuwa ma.

HEBEREY 9:26

Da Kristu a ga kanah zleˀe ta na, zle avu ɗuva virzi ngi duniya na, anja a si bonoy le is mbeˀ mbeˀe. Amma naŋ a bugo vu is purla tewle, gweˀ avu kiɗa mi ngi hin, ɓa a susuymo mungra ngi mizli ti gi mikuli a mbuŋ Buymisemuŋ ti hirnga naŋ tehhe a muŋ.

PIYER MUDUMBUŊ NAŊ 1:2

Cine ndra Buymisemuŋ muwunukum kaɓa naŋ miɗiya jiviɗ naŋ zleˀe si na, tisi ˀUf Mipal, ɓa ki cinaka mi da Yesu Kristu, yo ɓa pumbus naŋ a bunukum. Anja Buymisemuŋ a gukum mezle, a vulukum zuy haɗa haɗa.

ZAŊ MUDUMBUŊ NAŊ 5:6

Yesu Kristu i mbur muso ti yam waɗ pumbusu. A so ti yam pal naŋ ta, amma yam waɗ pumbusu. I ˀUf ngi Buymisemuŋ maga sedewo naŋ. Asi mike na, ˀUf ngi Buymisemuŋ i ɓi mikaslsla.