LEVIHEY 14:4 - Bible en langue guiziga

⁴ mbur miɗiyi tuwa, masay a ɓi ɗaˀ, a sakaŋ ti gwatay ani: ɗiyuw misi titirihey cuw, misi i mupula jiviɗ naŋ le ngi zumoy, dum ngi miter, ngwic ngi tumuŋ, munduva ndezze, waɗ mihaŋ ngi widis mazilaka izop.

LEVIHEY 14:4 ပူးပေါင်းရင်းမြစ်များ

DIMISEY 51:7

Pura, a yikiy cak ar gi gwat malambaˀa, ya guzluv ar mungra, diga ya misi a kwacay maha.

BI NGI ISRAYELEY 12:22

Ki sa wuɗam kalaf ngi izop dar haŋ, kisa caka yop ar pumbus misi ti gandaf tuwa, dar kisa puyaka da dum ngi miviŋ vay muŋ waɗ tika tika. Zle ar nah na, ko mbur a bo avra ta hã li wun.

LEVIHEY 1:14

Da mbur a wuɗ le a gi mikuli mizlam zlam wãˀ da ya Bumbulvuŋ ti ɗiyuw na, sey a jo di i gonok malla ɗiyuw dirgwaɗa.

LEVIHEY 12:8

«Da ngwas a vula zuŋ tumuŋ gu ta na, a wuɗ gonokoy cuw malla ɗiyuw dirgwaɗay cuw, mupurla mekeleme, ngi gi mikuli mizlam zlam wãˀ, yo mupurla numuŋ kwana, ngi gi mikuli ngi pula mungra. Da tapas masay miga mezegwel ngi vula jiviɗ ngi pula mungra le ar ngwas tuwa na, naɓa medevle naŋ a bun le.»

LEVIHEY 14:5

Akẽh na, masay a ɓi ɗaˀ, a slaka ˀay ngi ɗiyuw mudumbuŋ a hirnga gandaf misi ti yam munuwoko di ar miviɗiviɗi naŋ.

LEVIHEY 14:6

A zuɓa ɗiyuw misi titiri tuwa, dum ngi miter, ngwic ngi tumuŋ, munduva naŋ ndezze, waɗ mihaŋ ngi izop tuwa, jom gar taŋ ati ɗiyuw misi titiri na, a ca taŋ jugoɓ ng'ar pumbus ngi ɗiyuw mislaka ˀay naŋ a hirnga yam munuwo di ar miviɗiviɗi naŋ tuwa.

LEVIHEY 5:7

«Da mburo, gwat naŋ anta ngi vula tumuŋ malla ˀaw ngi ɗiya ɓi ngi mungra naŋ miga na ta na, ko gonokoy cuw malla ɗiyuw dirgwaɗay cuw kwana, a so taŋ da ya Bumbulvuŋ gu. Purla mekeleme, ngi gi mikuli ngi pula mungra naŋ miga na, yo purla numuŋ kwana, ngi zlum zlam zlam wãˀ.

SLUFA VU 19:18

Mbur manja dili, a wuɗ mihaŋ ngi izop. A ca yop ar yam tuwa, a kuca ng'ar guɗuk, mbur mumuca misi ara tuwa, ng'ar gwatay ati mizli misi ar guɗuko, malla a kuca da mbur mija haŋ avu tesl ngi mbur mikiɗa ti kiɗ malla mumuc ti muc tuwa, malla mija haŋ avu zivi tuwa.

SLUFA VU 19:6

Masay a sa wuɗ dum ngi miter, mihaŋ ngi izop waɗ ngwic ngi tumuŋ, ngwic munduva migagaza ndezze. A sa pa taŋ cek ng'ar vu mazlumam di sla tuwa.

HEBEREY 9:19

Dumbuŋ na, Moyis a til mi ti ɓimuɗuva da mizli gar, kaɓa naŋ muluma ar ɓimujuwa. A dirba nah, a wuɗ pumbus ngi ngarihey ati ngi bazuwayaya, lahaɗ ti yam, a kuca da ɗerewol ngi ɓimujuwa vuna waɗ da mizli gar. A kuca ti zana gagaza ngi ngwic ngi tumuŋ waɗ ti mihaŋ ngi izop.