LEVIHEY 14:34 - Bible en langue guiziga

³⁴ «Hirwuy Kanaˀan, ya mavulukum di, ɓa a ndir da kum na, ti kum misa cam le anga na, hay kum ngir hirwuy nah, da i sa bo ti duduf le kop avu dalama kaɓa kukula na,

LEVIHEY 14:34 ပူးပေါင်းရင်းမြစ်များ

ZLI VIRZI 12:7

Bumbulvuŋ a bugo vu da Abrama, a ɓaŋ: «I sa vula hirwuy hana da dideˀ ɗikey.» Abram a ɗiyi li gi mikuli da Buymisemuŋ mubugaŋ vu tuwa.

ZLI VIRZI 13:17

Slikiɗ, bula hirwuyo bal bal gar. Vur i sa vuluw di da ka.»

ZLI VIRZI 17:8

Hirwuy mulak ka misi anga wurenna na, i sa vuluw di, a ndir da ka ati dideˀ ɗikey a dirba ɗike. Hirwuy Kanaˀan gar a sa ndir da taŋ ngi set, joˀ yi sa tiri Buymisemuŋ taŋ.»

BI NGI ISRAYELEY 15:26

A ɓa taŋ: «Da ki ra cinikiy mi kuy kuy da ya Bumbulvuŋ Buymisemuŋ kumo, da ki ra gam gwat mijeŋŋe a mbuŋ ɗu, da ki ra cinaka ɓimuɗuva ɗu, da ki ra sipaka ɓimujuwa ɗuwoyo gar na, bonoy ya miga taŋ da Eziptehey na, y'anta sa gukum di ko pal asi taŋ ta. Asi, yi Bumbulvuŋ mambulukum avu jijihey.»

MIKUCUWULOY 3:33

Bumbulvuŋ a nisa hay ngi mizli misi moˀoreheye, amma a ɗuwula mi da hay ngi mizli mijeŋŋeheye.

EZAYI 45:7

I ga li minjahha, yo i ga luvuŋ ma, i go zuy da mizli, yo i go taŋ bonoy ma. Tayna cek na, maga taŋ i ya Bumbulvuŋ.

LEVIHEY 14:33

Bumbulvuŋ a ɓa Moyis ati Aroŋ na:

LEVIHEY 14:55

yo gwat mukoppo avu zana waɗ avu dalam ngi hay,

LEVIHEY 20:24

Waɗ ma na, yi ɓukum le: ‹Hirwuy taŋ a sa ndir da kum mawakaŋ. Yo mavulukum di da kum ɓa ki waka na, i ya. Hirwuy nah na, ɗuwa ati mam ara ɓulom anga.› Muwunukum a wuzla mizli gar na, i ya Bumbulvuŋ, Buymisemuŋ kum.

LEVIHEY 23:10

«Ɓa Israyeleye: Hirwuy, ya masa vulukum di na, da kum misa cam le anga, yo da kum mira gam sifi ngi gwat na, maslapa mudumbuŋ naŋ na, ki ram di da masay, i gwat micikiɗeffe ngi sifi.

LEVIHEY 25:2

«Ɓa Israyeleye: Ti kum misa cam le nga hirwuy, ya mavulukum di na, ar vi mekeleme, pulaka hirwuy a musuk vu, kite i sabat ngi ɗuva hirnga da ya Bumbulvuŋ.

AMOS 3:6

Ada a fam tulum asi ruwuyo manja a muɗa didak da mizli kwa? Da Bumbulvuŋ a ga ta na, gwat ngi mendere a gi avu mizli kwa?

AMOS 6:11

Naŋ kanah, da Bumbulvuŋ miɓi le ɗaˀ na, hay madiɗahay a mbizlam, ko hay meciɗek kwana, a cir puɗak.

MISE 6:9

Mizli mazluwunam ti Bumbulvuŋ na, naŋ a sa laha taŋ, Dar a zila mizli ngir walahayaya, a ɓa taŋ: kum sukwi ngi mizli mukos kos ar walahay, cinam:

ZAKARI 5:4

I slino nis, ɓa ara luuma hay ngi mbur muhul ati hay ngi mbur mahudum ti slire, ɓa a ndir a hay naŋ, a zlizlira haya ati mbalay waɗ ɗuguroyo talalaŋ. I ya Bumbulvuŋ misi gidaŋ wãˀ maɓi.»

SLUFA VU 32:22

hã da hirwuy gar a hin hirnga le a mbuŋ naŋ na, a dirba nah so na, kisa moko nga hirwuy kumo, naɓa gwat, ɓa Bumbulvuŋ ati Israyeley a mbuɗukum hirnga aseˀe na, ki gam ta. Dar Bumbulvuŋ a sa vulukum ciki mizaw Zurdeŋ vay ngi ka da kumo.

SLUFA VU 32:32

Ndra vuna i sa hilam gwat ngi vurumoy, i cam nga hirwuy Kanaˀan a mbuŋ Bumbulvuŋ, ɓa i lumaka hirwuy ndra misi ti dubazaw vay ngi ka na.»

SLUFA VU 35:10

«Mingiɓi ani, ɓa ki ɓa da Israyeley: Ti kum misa tuwuɗaka mizaw Zurdeŋ le, yo kum misa cam le nga hirwuy Kanaˀan na,

Slu cuw 12:1

Moyis a ɓi: Bumbulvuŋ Buymisemuŋ ngi dideˀ kumoy a sa vulukum hirwuyo da kum. Ɓimujuwa ati sirikey ani, ɓa ki kam slimiɗ ar taŋ kuy kuy, ki gam taŋ slra ar hin ngi siifa kum gar.

Slu cuw 19:1

Bumbulvuŋ Buymisemuŋ kum, a sa ngizla sukwi ngi mizli mekelemeye a mbuŋ kumo, ɓa a vulukum hirwuy taŋ da kum. A dirba nah kisa tiɓaka gwat taŋhaya, kisa pam asi ruwuy taŋ, ki cifam ar walahay taŋhay.

Slu cuw 26:1

Ti kum misa cam le nga hirwuy Bumbulvuŋ Buymisemuŋ kumo muvulukum di, ki tiɓaka da kum, yo ki pam le anga na,

Slu cuw 27:3

Kum mutuwuɗaka Zurdeŋ le si na, ki tohoko mingiɓi ngir ɓimujuwahaya cek ar ɗuguroy tuwa. Naɓa kisa cam nga hirwuy misi ɗuwa ati mam maɓulom anga, hirwuy Bumbulvuŋ Buymisemuŋ kumo miɓa ɗaˀ le zleˀe da dideˀ kumoy tuwa.

Slu cuw 32:49

«A ra jiɗ nga muwã Abarim mitilɓiŋ tilɓiŋ, muwã Nebo misi a ruwuy Moˀap misek duba cakay ati Zeriko na. Ki sa puro hirwuy Kanaˀan baɗ a diga, i hirwuy ya masa vula da Israyeley na, ɓa a ndir da taŋ tuwa.

Slu cuw 7:15

Jijihey ati muc mikiɗa Eziptehey sunok sunok na, kum vuna, ki sinaka le kuy kuy, a sa ɓula taŋ kileŋ avu kumo. N'anta sa slino di ng'ar kumo ta, a sa wi di vu da mesene kumoy.

ZOZUWE 13:1

Zozuwe a gi gal le haɗa wãˀ, dar Bumbulvuŋ a ɓaŋ: «Ani ki gi gal le haɗa, vi a gi le mbeˀ mbeˀe, na hirwuy ngi tiɓi ngi tiɓi na, a ndiram le haɗa aruŋ.

SAMUYEL MUDUMBUŊ NAŊ 2:6

siifa ati muco, taŋ asi haŋ ngi Buymisemuŋ, ci ng'ar li cifi ngi mizli mumucahay, yo slikiɗ tir li cifi ngi mizli mumucahay gar na, jiviɗ naŋ ava.