LEVIHEY 14:3 - Bible en langue guiziga

³ Masay a bi tir walahay guɗuko, ɓa ara puraŋ. Da mbur misi kukula tuwa, a ɗiyi le gisiŋ na,

LEVIHEY 14:3 ပူးပေါင်းရင်းမြစ်များ

BUYOY MUCUW NAŊ 5:14

Akẽh na, Naˀaman tuwa, a pi sar nga mizaw Zurdeŋ so, waɗ a ci jugoɓ jugoɓ is tarnaˀ, kaɓa mijiviɗ ngi Bumbulvuŋ miɓaŋ tuwa. Garak ngi dumvu naŋ a tiri kaɓa ngi zuŋ meciɗeke. Naˀaman a ɗiyi le.

BUYOY MUCUW NAŊ 5:3

Ngi pas numuŋ, zuŋ Israyel tuwa, a ɓa buy naŋ ngwasa: «Eyˀehe! Da buy ɗu na, zliv aru zleˀe gu ng'avu mijiviɗ ngi Bumbulvuŋ ada a Samari na! Kukula naŋ na, anja ani a ɗiyaŋ gu takwa.»

Ɗerewol JOP 5:18

Asi maga bonoy da mbur, yo maɗiyaŋ kwana, i naŋ ma, da a ga waˀa le da mburo na, i naŋ makufaŋ di a muŋ ti haŋ naŋ.

BI NGI ISRAYELEY 15:26

A ɓa taŋ: «Da ki ra cinikiy mi kuy kuy da ya Bumbulvuŋ Buymisemuŋ kumo, da ki ra gam gwat mijeŋŋe a mbuŋ ɗu, da ki ra cinaka ɓimuɗuva ɗu, da ki ra sipaka ɓimujuwa ɗuwoyo gar na, bonoy ya miga taŋ da Eziptehey na, y'anta sa gukum di ko pal asi taŋ ta. Asi, yi Bumbulvuŋ mambulukum avu jijihey.»

LEVIHEY 13:2

«Da kaɓa mburo, vu naŋ a hisl le liw liw, malla gwat a bo le avu vu naŋ kop kop malla piɗwir piɗwir, a wucuɗ, a bam vu ati kukula na, sey a ram ti mbur nah ng'avu masay Aroŋ, malla ng'avu masay purla a wuzla ziri naŋhaya.

LEVIHEY 13:46

Kukula misi ada ava aruŋ gar na, naɓa i mbur misi dili na si. A cifi ti hay naŋ a duba gala.

LEVIHEY 14:48

Da kaɓa, a dirba taŋ mukupaka hay a muŋ tuwa, masay a ci le nga pur naŋ ma, da gwat mukoppo tuwa, a mo hiri a muŋ mata na, masay a ɓa njah: i hay misi dili ta, asi mike na, duduf misi ava tuwa, a susuyum le.

Matiye 10:8

Mbuloko misi jijiheye, slikiɗaka mumucahaya, ɗiyaka misi kukulahaya, ɓulaka seteneheye. Ki lumaka ngataraŋ, vulaka ngatara ya.

Matiye 11:5

Dangaray ara puram, jegwerey ara ram, misi kukulahay a ɗiyam le, midigizlahay ara cinam, mumucahay ara slikiɗam, yo ara tilam mi ti Ɓimezle da misi murgahaya.

Ɓimezle ngi Yesu Kristu LUK mitil di mi 4:27

Angi hin ngi Elize ma na, misi kukulahay ada haɗi angi hirwuy Israyele, ko mbur pal a wuzla taŋ miɗiyi anta, sey Naˀaman, mbur Siri.»

Ɓimezle ngi Yesu Kristu LUK mitil di mi 7:22

Joˀ a mbiɗa da mislin ngi Zaŋhay tuwa: «Gwat kum mupuraka ati ɓi kum micinaka na, a ram, slufaka da Zaŋ: Dangaray ara puram, jegwerey ara ram, misi kukulahay a ɗiyam le, midigizlahay ara cinam kwaŋ kwaŋ, mumucahay ara slikiɗam, yo mizli ara tilam mi ti Ɓimezle da misi murgahaya.