LEVIHEY 13:4 - Bible en langue guiziga

⁴ Da li mukop kop ngi vu vu naŋ na, ara wucuɗ, naŋ babaraŋ, naŋ anta pur kuɗoˀ avu vu ta, yo ngwic ngi raˀa a mbiɗi babara ta ma na, masay a cifa mbur misi jiji tuwa pal naŋ, hã hin tarnaˀa.

LEVIHEY 13:4 ပူးပေါင်းရင်းမြစ်များ

EZEKIYEL 44:10

Amma Levihey mubaˀam le kileŋ avu ya, ti hin mizli Israyeley mingizlam jiviɗ a wuzlaɓuh mikirɗak kirɗak, ɓa a ram ti sipi kulihey na, taŋ a sa jijiraka zayɓi ngi mungra taŋ na.

LEVIHEY 13:11

naɓa i kukula mukuyta wãˀ. Masay a ɓa njah: i mbur misi dili. Masay anta gir vu gar le ɓa a cifaŋ pal naŋ mata, asi a njik le njak, i mbur misi dili.

LEVIHEY 13:25

akẽh, masay a puraŋ. Gwat mubo koppo avu vu mawucuɗo, da ngwic ngi raˀa a mbiɗi le ˀufroho babaraŋ, yo da li naŋ a gi le kuɗoˀ na, naɓa i kukula mabawa ar vivi ngi wur tuwa. Masay a ɓa njah: i mbur misi dili, i sukwi ngi jiji ngi kukula.

LEVIHEY 13:26

Da kaɓa masay mupura le, gwat mubo koppo avu vu ngi mbur tuwa, ngwic naŋ anta babara ta, li naŋ anta kuɗoˀo ta, yo naŋ ˀufroho na, masay a cifa mbur nah baˀ pal naŋ hã hin tarnaˀa.

LEVIHEY 13:3

Masay a pura jiji ngi vu vu ngi mbur nah. Da kaɓa ngwic ngi raˀa a mbiɗi le babaraŋ, yo ara pur kaɓa li naŋ kuɗoˀo na, naɓa i jiji ngi kukula. Masaya, a dirba naŋ mupura le na, a ɓa njah: i mbur misi dili.

LEVIHEY 13:31

Malla ta, da masay a pura movroko nah tuwa le, kuturkuy ngir li naŋ anta gi kuɗoˀo ta, yo ngwic titra anta ar li naŋ ta na, masay a cifa mbur misi movroko nah baˀ pal naŋ, hã hin tarnaˀa.

LEVIHEY 13:5

Angi hin mitarnaˀ naŋ na, masay a pura jiji ngi mbur tuwa sar mucuw naŋ ma. Da jiji mukop kop tuwa, naŋ da nga naŋ nga naŋ, a ndih nga mbuŋ ta na, masay a cifa mbur tuwa pal naŋ hã hin tarnaˀ ava ma.

LEVIHEY 13:50

Duduf nah tuwa na, masay a puraŋ, akẽh, a gica gwata giceˀ ɗum, hã hin tarnaˀa.

LEVIHEY 14:38

masay a sa bo ti haya, naŋ mubo le a miviŋ wãˀ na, a gica miviŋ giceˀ ngi hin tarnaˀa.

SLUFA VU 12:14

Bumbulvuŋ a mbiɗaŋ di: «Miriyama, da i cine mutufaŋ tazlay nga mihiri na, a sa ndir ti mesem, hã luuma pal takwa! Da kine na, ɓulaka tir walahaya ngi luuma pala ya. A dirba nah, a sa pulakaŋ jiviɗ ngi ci ng'ar walahay a muŋ.»

SLUFA VU 12:15

A bam ti Miriyama tir walahaya ngi luuma pal. Israyeley a slikiɗam ta, a kutukoko hã a mo ɗagay.

KORENTIHEY MUDUMBUŊ 4:5

Vurˀe, anja ki gam kiita da mbur daf dumbuŋ ta, sey da Bumbulvuŋ muso le. Gwat muɗum ar luvuŋ gar na, i naŋ masa bo taŋ ngbah ar li babara, yo i naŋ masa njika wuluk miyaŋ ngir mevel ngi mizli gar. Dar Buymisemuŋ a sa hunuma mbur gar weˀe avu gwat naŋ migaŋ.

Slu cuw 13:14

sulomehey a slam le asi kumo, ara paka mi da mizli ngir walahay taŋhaya, ɓa a gam mezegwel da kulihey, i kulihey kum misinaka taŋ ta na,

TIMOTE MUDUMBUŊ NAŊ 5:24

Mungra ngi mizli mekelemeye, ko a gaka taŋ kiita t'aruŋ kwana, naŋ njak ar li babara si. Amma ngi mizli numuŋhoyo, a sa njikam ti naˀnaˀ aruŋ.