LEVIHEY 13:3 - Bible en langue guiziga

³ Masay a pura jiji ngi vu vu ngi mbur nah. Da kaɓa ngwic ngi raˀa a mbiɗi le babaraŋ, yo ara pur kaɓa li naŋ kuɗoˀo na, naɓa i jiji ngi kukula. Masaya, a dirba naŋ mupura le na, a ɓa njah: i mbur misi dili.

LEVIHEY 13:3 ပူးပေါင်းရင်းမြစ်များ

ZLI VIRZI 13:3

A slikiɗ nga mbuŋ neˀneˀ, hã sesẽŋ a Betel, ar li naŋ micifi dumbuŋ, ar wala ngi Betel ati Ay tuwa.

EZEKIYEL 16:30

Gwat tayna, ka maga taŋ gar na, sulome madiɗa, kay, i hĩhĩy madiɗa a mevel ɗike! I ya Bumbulvuŋ, Buymisemuŋ maɓi.

EZEKIYEL 44:23

A sa dubunam da mizli ɗuwoyo, ɓa a slaka wala ngi gwat mipal ati gwat muho gara, yo a sa bigaka taŋ sli wala ngi gwat manja dili ati gwat misi dili.

Ɗerewol OZE 7:9

Mulakay ara zumaka gidaŋ naŋ, amma ko naŋ a si na ta, yo mana, hol a bo galaŋ galaŋ a hirnga, amma ko naŋ a si na ta.

LEVIHEY 10:10

Hana ɓa ngi wuɗuka wala ngi gwat mipal ati gwat muho gar, gwat misi dili ati gwat manja dili.

LEVIHEY 13:10

Masay a puraŋ. Da hisl ngi vu vu na, naŋ babara, a mbiɗa ngwic ngi raˀa le babaraŋ, yo vu naŋ mubo kop kop tuwa, i waˀa virngis virngis na,

LEVIHEY 13:2

«Da kaɓa mburo, vu naŋ a hisl le liw liw, malla gwat a bo le avu vu naŋ kop kop malla piɗwir piɗwir, a wucuɗ, a bam vu ati kukula na, sey a ram ti mbur nah ng'avu masay Aroŋ, malla ng'avu masay purla a wuzla ziri naŋhaya.

LEVIHEY 13:20

Masay a pura: Da a pura le, vu mukop kop tuwa, li naŋ naŋ kuɗoˀ kuɗoˀ, yo ngwic ngi raˀa a tiri le babara ˀufroho na, sey a ɓa njah: mburo, naŋ ti dili, i sukwi ngi kukula mabawa ar vivi ngi digwi mukuf tuwa.

LEVIHEY 13:4

Da li mukop kop ngi vu vu naŋ na, ara wucuɗ, naŋ babaraŋ, naŋ anta pur kuɗoˀ avu vu ta, yo ngwic ngi raˀa a mbiɗi babara ta ma na, masay a cifa mbur misi jiji tuwa pal naŋ, hã hin tarnaˀa.

LEVIHEY 13:8

Masay a puraŋ ava ma, da ngweɗek tuwa, ara ndih nga mbuŋ na, masay a ɓa njah: i mbur misi dili, i kukula.

LEVIHEY 14:37

Masay a pura gwat mukoppo avu dalam tuwa. Da kaɓa dalam vuna a hur le, yo gwat mukoppo ara na, ara pur kaɓa naŋ kalaf kalaf neˀ neˀ, malla gagaza neˀ neˀ, yo hirak ar li nah, ara pur kaɓa naŋ kuɗoˀo na,

LEVIHEY 14:54

Dubunoy vur sukwi ngi kukulahay gar, movroko,

LEVIHEY 14:56

hisl avu vu, ngweɗek ati gwat mabo kop kop avu vu, a wucuɗ,

LEVIHEY 5:3

Malla ta na, mbur a ja haŋ le avu mbur misi dili, dili wanaka gar matiri ti mburo naŋ ti dili. Mbur nah, a si na zleˀe ta. Akẽh na, naŋ misa si na le sin muduba na, naɓa a ci le ar mungra.

Ɗerewol AZE 2:11

«Ɓa masayaya, anja ɓa a dubunam vur ɓihey ani. Bumbulvuŋ misi gidaŋ wãˀa a ɓi na:

MALASI 2:7

Asi mike na, masay a dubun di i sin da mizli, yo mizli a sipam dubun mabo ti balam naŋ, asi naŋ i mislin ngi Bumbulvuŋ misi gidaŋ wãˀa.

Matiye 16:19

I sa vuluw lakle ngi Zumabuy ngi muŋ. Gwat gar ka misa juwa ɓi nah le a ruwuyo na, a sa juwaka ɓi nah a muŋ aya. Gwat gar ka misa pusuka ɓi nah le a ruwuyo na, a sa puskaka ɓi nah a muŋ aya.»

Ɓimezle ngi Yesu Kristu ZAŊ mitil di mi 20:23

Mizli kum masa puyaka taŋ mungra taŋhay avra na, Buymisemuŋ a sa puya taŋ mungra taŋhaya. Mizli kum masa ngumam puya mungra taŋhay avra ta na, Buymisemuŋ anta sa puya taŋ di ta ya.»

SLRA 20:28

Jiginaka hirnga kumo, yo jiginaka ginewey, ˀUf Mipal mucufukum ɓa ki jiginaka taŋ na. Cikil ngi misikristuhoy, naŋ mimbiɗa hirnga naŋ ti pumbus naŋ na, jiginakaŋ.

ROMAHAY 7:7

I sa ɓam mbri ska? ɓimujuwa i mungra kwa? Kanah ta wãˀ! Amma mungra, ya miga le na, mabigiy di i gi mungra le na, i ɓimujuwa. Ɓimujuwa a ɓi zleˀe: «Ki hiyĩ gwat lambaˀ lambaˀ ta.» Da a ɓa zleˀe ta na, anja i si na hiyĩ gwat lambaˀ lambaˀ vuna ta.

TIMOTE MUDUMBUŊ NAŊ 1:20

Himene ati Alekzaŋdire, t'ada a wuzla mizli tayna. Yi vula taŋ le da Satan, ɓa a sinaka, dambalaka a zaka Buymisemuŋ ta.

TIMOTE MUCUW NAŊ 3:13

Amma mizli malambaˀhay ati mizli migi gilaw da mizli ti slirey na, a sa ram ti malambaˀ taŋ na nga mbuŋ nga mbuŋ. A sa gam gilaw da mizli, waɗ da hirnga taŋ vuna tehhe a muŋ.

HEBEREY 13:7

Wulkam keŋ angi mizli micawwa kumoy mubugukum jiviɗi, mutulukum mi ti ɓi ngi Buymisemuŋ na, Cifi taŋ ar siifa a sa kiɗ mi mbrike na! Sipaka tiɓi taŋ na.

ƁIMUNJUYO 2:23

I sa kiɗa zir naŋhaya vagay vagay, ɓa kahana na, cikil ngi misikristuhoy gar a sa sinaka, ya, yi misina wuluk ngi mizli ati gwat taŋ mawuɗam a mevel taŋ. Yo ko wa gar a wuzla kumo, yi sa vulaŋ migir naŋ weˀe avu slra naŋ.