LEVIHEY 12:7 - Bible en langue guiziga

⁷ Akẽh na, masay, a biga taŋ a mbuŋ ɗu, ya Bumbulvuŋ, yo da naŋ miga mezegwel ngi vula jiviɗ ngi pula mungra le ar ngwas tuwa na, naɓa a buna medevle naŋ le muduba.» Ngwas gar miyi mangal mizile malla zuŋ mongoso le na, ɓi mudubuna vurˀe i hana.

LEVIHEY 12:7 ပူးပေါင်းရင်းမြစ်များ

Ɗerewol JOP 1:5

Da a zliram le tiɗeˀe ngi gi muguzlum a hay taŋhaya na, Jop a zilo taŋ, ɓa a zuɓa taŋ dili avra. A slikiɗ ti li, a gi mikuli mizlamzlam wãˀ vur hirnga taŋ tiɗeˀe, asi a ɓi ti kwacay naŋ na: «Asinta, ziri ɗuwoy na, a gam mungra le, yo a zaka Buymisemuŋ le a mevel taŋ kwani? Jop a ga kanah ndrehhe»

Ɗerewol JOP 14:4

Mabo ti gwat manja dili tir gwat misi dili i waka? Ko mbur anta.

LEVIHEY 1:4

Mbur tuwa, a buca haŋ bac a hirnga ginewe, ginew nah na, kite i mitiɓa le ti haŋ mbur muso di ngi gi mezegwel ngi vula jiviɗ ngi pula mungra.

LEVIHEY 12:6

«Da hin ngi medevle naŋ mikiɗ mi le na, da i mangal mizile malla i zuŋ mongoso kwana, a so ti zuŋ tumuŋ ngi vi pal da masaya, nga mizlingre guɗuk ngi zlir ti ya Buymisemuŋ, ɓa ngi gi gi mikuli mizlam zlam wãˀ, waɗ ɗiyuw dirgwaɗ purla malla gonok purla, ɓa ngi gi di mikuli ngi pula mungra.

LEVIHEY 12:8

«Da ngwas a vula zuŋ tumuŋ gu ta na, a wuɗ gonokoy cuw malla ɗiyuw dirgwaɗay cuw, mupurla mekeleme, ngi gi mikuli mizlam zlam wãˀ, yo mupurla numuŋ kwana, ngi gi mikuli ngi pula mungra. Da tapas masay miga mezegwel ngi vula jiviɗ ngi pula mungra le ar ngwas tuwa na, naɓa medevle naŋ a bun le.»

LEVIHEY 15:15

Ɗiyuw pal mekeleme, masay a gi di mikuli ngi pula mungra, yo mipal numuŋ kwana, a gi di mikuli mizlam zlam wãˀ. Dar masay a ga mezegwel ngi vula jiviɗ ngi pula mungra ngi mbur tuwa, a mbuŋ ɗu.

LEVIHEY 4:20

A gi ti useˀ ngi gusoŋ hana kaɓa naŋ migi ti useˀ ngi gusoŋ ngi mikuli ngi pula mungra nga naŋ na ya. Masay miga mezegwel ngi pula mungra le da mizli kahana na, naɓa ya Bumbulvuŋ i pula mungra taŋhaya le avra ya.

LEVIHEY 4:26

Li misi malay gar na, a wura taŋ ar li gi mikuli, kaɓa magaka mikuli ngi ngiɓiˀay na ya. Masay miga mezegwel ngi pula mungra ngi buyo le na, naɓa ya Bumbulvuŋ i pulaŋ mungra naŋ le ya.

LEVIHEY 4:31

Li misi malay gar na, a zuɓa taŋ nyaˀ nyaˀ kaɓa muzuɓaka taŋ avu ngi useˀ ngi gi mikuli ngi ngiɓiˀay na ya. Dar masay a zluma taŋ ar li gi mikuli, zĩˀĩ naŋ a tisliy mevel da ya Bumbulvuŋ. Masay miga mezegwel ngi mbur mici ar mungra na le na, naɓa ya Bumbulvuŋ i pulaŋ mungra naŋ le ya.

LEVIHEY 4:35

Li misi malay gar na, a zuɓa taŋ nyaˀ nyaˀ, kaɓa muzuɓaka avu useˀ ngi tumuŋ migam di mikuli ngi ngiɓiˀay na ya. Joˀ masay a wura taŋ jom ati gwat ngi zum mizlam zlam wãˀ da ya Bumbulvuŋ. Masay miga mezegwel ngi pula mungra ngi mbur mici ar mungra na le na, naɓa ya Bumbulvuŋ i pulaŋ mungra naŋ le ya.

ROMAHAY 3:23

Mizli gar a gam mungra le, a ndiram le manja luuma dudok ngi Buymisemuŋ.

ROMAHAY 3:26

Amma dana so na, ara biga, naŋ, naŋ jeŋŋe. Asi a wuɗ ɓa naŋ da jeŋŋe, yo mbur mandir ti siifa vur naŋ matiɓa Yesu na, a ɗiyaŋ jeŋŋe ma.

KORENTIHEY MUDUMBUŊ 7:14

Vur zil mitiɓi ta na, Buymisemuŋ a tiɓaŋ asi ngwas naŋ. Yo ngwas mitiɓi ta na kwana, Buymisemuŋ a tiɓaŋ asi zil naŋ ya. Da naŋ kine zleˀe ta na, naɓa ziri kumoyo, Buymisemuŋ anta sa tiɓa taŋ ta. Dambalaka, Buymisemuŋ a tiɓa taŋ le.

GALATAY 3:28

Vurˀe, mbur Yude malla Grek, asinta, beke malla diimu, asinta, zil malla ngwas, asinta. Asi kum jom purla gar kumo, tisi Yesu Kristu.