LEVIHEY 12:3 - Bible en langue guiziga

³ Hin midangafaɗ naŋ na, a caka mangal a mizaw.

LEVIHEY 12:3 ပူးပေါင်းရင်းမြစ်များ

BI NGI ISRAYELEY 22:30

Ki sa tiram avu ya, kum i mizli ɗuwoy, kum pal. Ki zumaka maara, gwat ngi ɓuh mija ta, hizigaka da kirihey.

LEVIHEY 12:4

A dirba nah, ngwas tuwa, a kutuk hã hin kukur makir nga makir, ɓa a buna medevle. Gwat mipal na, a ja haŋ ava ta, yo aru ng'ar hay ngi Bumbulvuŋ ta, hã hin ngi buna medevle naŋ na, a kiɗ mi.

LEVIHEY 15:3

Da ko mbuŋ naŋ na, ara ɓul malla ara disl ti disl kwana, naɓa naŋ ti dili na si. Gwat maɓulo ti mbuŋ naŋ na, gwatay naŋ matiri taŋ i misi dilihey na, ani:

Ɓimezle ngi Yesu Kristu LUK mitil di mi 1:59

Angi hin midangafaɗ naŋ na, a soko ɓa a caka mangal a mizaw. A wuɗam ɓa a cakaŋ slimiɗe Zakari ka ngi cine.

Ɓimezle ngi Yesu Kristu LUK mitil di mi 2:21

Hin dangafaɗ a dirba nah na, hin ngi ca mangal a mizaw a ndila le. A cakaŋ slimiɗe Yesu, kaɓa modro mibiga taŋ di zle dumbuŋ angi gi hur naŋ na.

SLRA 15:1

Mizli mekelemey a soko zle a Yude nga Antiyos. A zlaka a dubunaka gwat da mitiɓiheye, a ɓaka taŋ na: «Da ki cam mizaw kaɓa Moyis muɗuva ɓi naŋ na ta na, ki laham gu ta.»

ROMAHAY 3:19

Naŋ kine, i sinaka le, ɓimujuwa maɓi gar na, a ɓi da mizli mahinam hirnga aseˀe, ɓa wereke a bo ti balam mizli mata, ɓa Buymisemuŋ a ga kiita da mizli ngi duniya kurzluˀ gar.

GALATAY 3:17

Wuluk ɗu anihĩ: Buymisemuŋ a ɗiya ɓi nah le kuy kuy waɗ toh toh da Abrahama zleˀe si. A dirba nah vi skat ti kukur makir ma na, ɓimujuwa a ndilawa. A susuymo ɓi mutuho hana ta. Da a susuymo le zleˀe na, anja gwat Buymisemuŋ miɓa ɗaˀ le na, a susuyum le ya.

GALATAY 5:3

Yo mbur gar mitiɓa le ɓa a ci mizaw na, i ra maŋ hiri naŋ ava ma: a juwa hirnga naŋ le ɓa a ja ɓimujuwa a hirnga keɗeɗe gar.

Slu cuw 30:6

Bumbulvuŋ Buymisemuŋ kum, a sa bunukum mevel kumoy ati ngi ziri kumoy masa ya ka taŋ nga mbuŋ, ɓa ki wuɗakaŋ ti mevel purla, ti membezleŋ ngi vu kum wãˀ, ɓa ki ndiram ti siifa.

FILIPIHEY 3:5

Ya, a cikiy a mizawa ti hin dangafaɗa, yi mbur Israyel, yi tizer ngi Benyameŋ. Yi mbur Heber mijeŋŋe naŋ, vur ɓimujuwa na, yi mbur Farisa.

KOLOSOY 2:11

Ar kum mujom ati Kristu na, a cukum le a mizaw. I ci mizaw ngi mbur titra ta, amma i ci mizaw Kristu mica, ɓa ngi cuko vu ndra magi mungra na avra.