LEVIHEY 11:8 - Bible en langue guiziga

⁸ Ko ki zumaka useˀ taŋhaya ta, ko maara taŋ kwana, ki jaka haŋ avu taŋ ta. I gwat mitikahay le ngi zumo.

LEVIHEY 11:8 ပူးပေါင်းရင်းမြစ်များ

EZAYI 52:11

Kum mijijira gazlanga ngi gi mezegweley da Bumbulvuŋ na, bam kutum ti Babiloŋ, zuɓaka dili kumoy avra. Ki jam haŋ avu gwat misi dili ta.

Ɗerewol OZE 9:3

Efrayimeye, t'anta sa cifam a ruwuy ngi Bumbulvuŋ ta, a sa mam nga Ezipte a muŋ, waɗ nga Asiri, a sa zumam gwat ngi zum mitikahay.

LEVIHEY 11:7

Fedeme, zleneke wurkek cuw ɓula, amma naŋ anta ˀur ta. I gwat mitika le ngi zumo.

LEVIHEY 11:9

A wuzla gwat misãmi ngir yamay gar na, misi ki zumaka zuyo, t'ani hĩ: gwat misãmi ngir mubuliy malla ngi mizaw, misi saray njor njor ava, yo dubaˀ tupãˀ tupãˀ ava gar na, ki zumaka zuy.

LEVIHEY 5:2

Ɓi mekelem ani ma: Mbur mija haŋ le avu gwat misi dili ko wanaka gar, manja a sinaŋ: maara ngi gwat misãmi ngi ɓuh, mitika le ngi zum, ko maara ngi ginew malla mevreŋ ngi zum tahay gar na, naɓa a tiri le naŋ ti dili, yo a ci le ar mungra.

Matiye 15:11

Maci ti mbur ar dili i gwat maci nga balam ta, amma maci ti mbur ar dili na, i gwat mabo ti balam jaka.»

Matiye 15:20

Maci ti mbur ar dili i naŋ. Amma zuma gwat manja buna haŋ na, anta ci ti mbur ar dili ta.»

Mark 7:15

Gwat ngi vra gar, maci nga hur mbur na, a ci ti mbur ar dili gu ta. Amma maci ti mbur ar dili, i gwat mabo ti hur mevele.»

Mark 7:18

Yesu a ɓa taŋ: «Kumo kwana, kum manja lesley ya kwa? Gwat ngi vra maci nga hur mburo, a caŋ ar dili gu ta na, ki sinaka ta kwa?

Mark 7:2

A puraka na, mekelemey a wuzla mizli ngisi Yesuhoyo, a zumam ɗaf ti haŋ misi dili, mbiɗeˀvra: manja buna haŋ ceɗceɗ le.

SLRA 10:28

Dar a zla a ɓi: «Ɓa mbur Yude, a ndir ɓaˀ ngi ru ngi hay mbur Yude ta, malla ko ngi ru blaw blaw kwana, ki sinaka le, i mungra madiɗaŋ. Amma ya, Buymisemuŋ a bigiy di le, ɓa i pura mburo i misi dili malla i manja dili na, a gi ta.

SLRA 15:29

Useˀ ngi kuli, pumbus malla gwat muɓuto ti ɓut gar na, ki zumaka ta. Yo ki gam sulome ta. Da ki pulaka gwat tayna le gar na, naɓa ki gam gwat mezle le. Zikam zuy so!»

ROMAHAY 14:21

Kuy naŋ na, anja ki zum ˀuse ta, ki si mbaazla ta, ko gwat wanaka gar mahizigiɗa sukum ɗik ng'ar mungra na, ki ga ta si.

KORENTIHEY MUDUMBUŊ 8:8

Masa kiraha ndra gweˀ ng'avu Buymisemuŋ i gwat ngi zum ta. Da ndr'anta zumam gwat ta kwana, anta ma ndra nga dirba ta. Da ko i ra zumam gwat kwana, anta kiraha ndra gweˀ haɗa ng'ava ta ma.

KORENTIHEY MUCUW NAŊ 6:17

Vurˀe, Bumbulvuŋ a ɓi: «Bam avra ti wuzla mizli tayna so. Cifam baˀ pal kum. Gwat misi dili na, ki jaka haŋ ava ta, ɓa ya, i sa tuɓukum.

EFESEY 5:11

Anja ki jumom ar gwat ngi gi malambaˀ ngir luvuŋ na ta. Zuwen njuyoko taŋ avra jaka.

EFESEY 5:7

Anja ki jumom ati mizli tayna ta so.

KOLOSOY 2:16

Zle wurenna, anja mbur a gukum kiita asi ɓi ngi gwat ngi zum ati gwat ngisi ta, malla ko asi ɓi ngi muguzlum, malla kiya muslo le, malla asi ɓi ngi sabata ta.

HEBEREY 9:10

Asi gwat tayna gar na, i ɓi ngi gwat ngi zumoy, gwat ngi sihey waɗ mezegwel ngi buna vuhoy wal wal haɗi. Tayna gar i mezegweley mizli titirahay magaka taŋ tewle, hã tapas Buymisemuŋ miɗiya gwataya le gar ti jiviɗ naŋ.