LEVIHEY 10:9 - Bible en langue guiziga

⁹ «Aroŋ, ka ati ziri ɗikeye, dumbuŋ ɓa kum masa cam ng'ar guɗuk ngi zlir ti ya Buymisemuŋ na, mbaazla malla baraasa gar na, ko kisam ta, ɓa kanah na, kisa micam. Hana avu kumo, i ɓimujuwa mambiɗi ta, hã avu dideˀ kumoy nga mbuŋ nga mbuŋ.

LEVIHEY 10:9 ပူးပေါင်းရင်းမြစ်များ

BI NGI ISRAYELEY 27:21

Aroŋ ati ziri naŋhaya, a sa ɗuvaka taˀ ar guɗuku, a mbuŋ zana minjar a mihiri ngi akoti ngi jumoˀaya, lampehey a sa ndiram njahha zle ti hiikuɗ hã li daŋ daŋ a mbuŋ ɗu. Ɓi hana i ɓi micica le avu Israyeleye nga mbuŋ nga mbuŋ, anta mbiɗi ta wãˀ.»

MIKUCUWULOY 20:1

Mbaazla a ga mburo, a singir ar mizli, yo barasa kwana, a ga mburo, a duf mi, mbur mawi ti mbaazla na, naŋ anta luuma sinmijileŋ ta.

EZAYI 28:7

Naŋ kine, masayay ati mijiviɗeye, mbaazla ara ziza taŋ ya. A ram zaway zaway, asi a sam barasa le. Baraasa ara ziza taŋ, mbaazla ara zuma taŋ, a ram zaway zaway, asi a sam baraasa le. Pura gwat taŋ ti kleŋ, ara ziza taŋ, Da ara gam kiita na, a zluɓaka zlaɓ zlaɓ.

EZEKIYEL 44:21

Masay gar, muwuɗ le ɓa a sa ci nga wazlaray ngi huroˀo na, naŋ anta si mbaazla seˀ le ta.

Ɗerewol OZE 4:11

Gi sulome ati wi ti mbaazla, a zliɗa taŋ lesle le.

LEVIHEY 10:8

Bumbulvuŋ a ɓa Aroŋ:

LEVIHEY 3:17

Mungul ati pumbus gar na, kum anta sa zumaka ta. Hana i ɓimujuwa avu kum, ar li wanaka gar kum masa cifam anga na, anta mbiɗi ta, a ndir avu dideˀ avu dideˀ kumoy hã ngi caˀa kine.»

SLUFA VU 6:20

Akẽh na, masay tuwa, a vula taŋ ti haŋ naŋ da ya Bumbulvuŋ, ti gi mezegwel ngi vula gwata. I gwat muvula le da ya Bumbulvuŋ mandir da masay, bac nga hirnga didak naŋ ati tuwal naŋ, misi inga naŋhay tuwa ma. A dirba nah so na, mbur muvula vu naŋ ngi gi slra ɗu tuwa, a si mbaazla zuy muduba.

SLUFA VU 6:3

Mbur nah, sey a pula mbaazla ati gwat mawi vuhoyo gar: ko yam ngadaw, ko mbaazla mikwereke, a si ta, ko yam ngi gudubun wanaka magam di mbaazla gar na, a sa ta, ko yi ngi gudubun mutukuzo malla muˀulo kwana, a zuma ta.

Ɓimezle ngi Yesu Kristu LUK mitil di mi 1:15

Asi mike na, a sa tiri mbur madiɗa a mbuŋ Bumbulvuŋ. N'anta sa si mbaazla ta, anta sa si baraasa ta. A sa nih ti ˀUf Mipal zle a kwacay mumuŋ.

EFESEY 5:18

Ki wam ti mbaazla ta, aru ti mburo ngra zizi. Amma naham ti ˀUf Mipal.

TIMOTE MUDUMBUŊ NAŊ 3:3

Anja i mbur miwi ti mbaazla ta, i mbur muwuɗa mi ta, amma i mbur mileleŋ, anta tiri ta, yo i mbur misi may dala ta ma.

TIMOTE MUDUMBUŊ NAŊ 3:8

Mijini vuhoy a wuzla misikristuhoy kwana, anja i mizli mindilaka le ya. A ɓam ɓi dar purla, a sam mbaazla haɗi ta, a lumaka gwata ti jiviɗ malambaˀ ta.

TIMOTE MUDUMBUŊ NAŊ 5:23

Anja ki si yam tewle ta. Si mbaazla neˀ ɓa a vuluw kefek da kwacaya, asi jiji masupuw ndrehhe na.

Ɗerewol TIT 1:7

Asi mike na, mbur madiɗa ngir Cikil ngi misikristuhoy na, a gi di i slra ngi Buymisemuŋ. Vurˀe, anja a lumam ɓi ava ngi mbiɗaŋ hirnga ta. Anja ko i mbur mahuhum vu ta, a slikiɗ himaˀ ta, a si mbaazla haɗa ta, a wuɗ kiɗa vu ta, a lum gwata ti jiviɗ malambaˀ ta.