LEVIHEY 10:3 - Bible en langue guiziga

³ Moyis a ɓa Aroŋ na: «Bumbulvuŋ a ɓa le ngbaŋ takwa! A ɓi na: ‹Mizli makirohoko ng'avi ya na, anja a purikiy, ya pal, yo a mihiri ngi mizli gar na, yi wuɗ anja a gikiy dudok.›» Aroŋ a ndir lek.

LEVIHEY 10:3 ပူးပေါင်းရင်းမြစ်များ

ZLI VIRZI 18:25

Kay, ɓa ki ga kanah na, naŋ kuy ta! Ɓa ki kiɗa mbur mijeŋŋe jom ati migi mungra sukwa? Naɓa mbur mijeŋŋe a tiri le rak rak ati migi mungra. Kay naŋ kuyta wãˀ! Migi kiita da duniya keɗeɗe, ɓa a ga kiita kaslsla ta na, a gi ta.»

Ɗerewol JOP 2:10

Jop a mbiɗaŋ di: «Ki ɓi di mi mi ka mibirnga ka? Mumul i gwat Buymisemuŋ mavula ndra di, i ra tiɓakaŋ. Na, bonoyo i gwat Buymisemuŋ mavula ndra di, i tiɓaka ta vur mi walka?» Gar ti nah kwana, ko Jop a gi mungra ar mingiɓi naŋ ta.

DIMISEY 119:120

Dum vu ɗu gar ara jijik ti zluwun a mbuŋ ɗike, yo ɓi ka mujuwa a mevel na, ara giy zluwuno ma.

DIMISEY 148:14

A vula gidaŋ le da mizli naŋhaya, ɓa a ram hirnga kaˀ a muŋ. a ɗuva hirnga le da mizli miteŋteŋ naŋhaya, da sukwi Israyel gar, mizli migweˀ gweˀ avaˀahay. Haleluya, yawwa Bumbulvuŋ!

DIMISEY 39:10

I tiɗa me le, y'anta wuna mata, asi migiy ɓa i tiɗa mi i ka.

DIMISEY 39:9

Lihiy avu mungra ɗuwoyo gar, ki puliy mbak da gilaway, ɓa a zikiy ta.

DIMISEY 46:10

A cica vurum magaka asi duniya keɗeɗe, a ngila lekey ati ziwit ngi vurumoyo, a ɗuva vu da mbarayaya.

DIMISEY 89:7

Mbur ngi wi ati Bumbulvuŋ a muŋ i waka? A wuzla gwatay, mizli mahuruk hurukam a mbuŋ taŋ gar na, mirak rak ati naŋ da kwa?

DIMISEY 93:5

Bi muɗuva ɗikey na, i ɓi mikaslslahay wãˀ gisiŋ! Bumbulvuŋ, hay ɗike naŋ pal vur ka, hã avu duniya masa kiɗ mi.

BI NGI ISRAYELEY 14:17

Na ya, yi sa ga ɓa hirnga ngi Eziptehey a tiri gidaŋ, ɓa a cam ng'ar mubuliy a dirba kumo. Dar yi sa biga gidaŋ ɗu angi buy Ezipte ati mizli naŋhaya gar, angi mota ngi vurum naŋhay waɗ misi pilis naŋhay.

BI NGI ISRAYELEY 14:4

I sa ga ɓa hirnga ngi buy Ezipte a tiri gidaŋ, a sa supukum. Amma i sa biga dudok ɗu ava, ti ya masa ngizla taŋ ati soje naŋhay gar na, Eziptehey a sa sinaka yi Bumbulvuŋ.» Joˀ Israyeley a gaka kanah gisiŋ.

BI NGI ISRAYELEY 19:22

Ko masayay makirohoko ng'avi ya gu na kwana, sey a bunaka mungra taŋhaya ceɗ ceɗ le, da kine ta na, ya Bumbulvuŋ i kiɗa taŋ.»

BI NGI ISRAYELEY 19:24

Bumbulvuŋ a ɓaŋ: «Pi sar a muŋ, ɓa kisa jiɗoko ati Aroŋ. Amma masayay waɗ mizli, anja a wusam vu ngi jiɗo ng'avi ya Bumbulvuŋ ta, vur ya makiɗa taŋ!»

BI NGI ISRAYELEY 30:30

Ki sa pa mal nah da Aroŋ ati ziri naŋhay aya. Ki sa tiri taŋ nga yahay ɓa a gikiy mikuli.

EZAYI 39:8

Ezekiyas a mbiɗa da Ezaya: «Mingiɓi ngi Bumbulvuŋ ka miɓa na, i ɓi mezle.» Asi mike na, a ɓi a kwacay naŋ: «Angi siifa ɗu gar na, mizli a sa ndiram zuy zuy, a sa cifam setette takwa?»

EZAYI 49:3

Dar a ɓiy: «Gawla ɗu i ka Israyel, yi sa biga dudok ɗu ti ka.»

EZAYI 52:11

Kum mijijira gazlanga ngi gi mezegweley da Bumbulvuŋ na, bam kutum ti Babiloŋ, zuɓaka dili kumoy avra. Ki jam haŋ avu gwat misi dili ta.

EZEKIYEL 20:41

Ya misa bo ti kum le ti wuzla mizli mekelemeye, yo ya misa kuso hirnga kumo le tisi ruwuy kum mizliɗam hirnga nga diga tuwa na, yi sa tuɓukum kaɓa urdi matisl mevel. I sa biga ya mipal na a mihiri ngi sukwi ngi mizli, tisi kum.

EZEKIYEL 28:22

Ki sa ɓaŋ, Bumbulvuŋ, Buymisemuŋ a ɓuw na: Y'ani i ra lumuw akẽh Sidoŋ. I sa biga dudok ɗu avu ka. Ti ya masa guw kiita na, i sa biga da mizli ya pal. Dar mizli a sa sinaka yi Bumbulvuŋ.

EZEKIYEL 38:16

Ki sa ra luuma Israyel, mizli ɗuwoyo, hã hirwuyo sirit wãˀ kaɓa gazlavay masirta li. Hana a sa gi sey hin naŋ mindila le. Ka Gok, ti ya misa biga ya mipal na le a mihiri mizli tisi ka na, i sa puluw jiviɗ ɓa ki ra zuma hirwuy ɗu, ɓa sukwi mekelemey a sinaka, yi Buymisemuŋ gisiŋ.

EZEKIYEL 40:46

Yo viŋ mupuɗak ng'ar vay muŋ na kwana, i ngi masayay magam slra ar li ngi gi mikuli. I ziri ngi Sadokoy a wuzla dideˀ ngi Leviheye tewle makirohoko ng'avu Bumbulvuŋ ngi gaŋ mezegwele.»

EZEKIYEL 42:13

Mbur tuwa a ɓiy na: «Viŋ vay muŋhoy ati viŋ vay ruwuyoy mupuɗak puɗak hiri ng'ar li mupula firndiw na, i viŋ muvuku vu taŋ. Asi masayay masoko nga mbuŋ Bumbulvuŋ, a zumaka gwat ngi zum muvuku vu taŋ wãˀ na, a diga. Gwat muvuku vu taŋ wãˀ, gwat ngi mikuli ti gwat ngi migamay, mikuli vur mungra ati mikuli ngi ɗiya ɓi na, a paka taŋ a diga, asi i li mipal.

LEVIHEY 21:15

vur naŋ maco ti sukwi mekelem nga wuzla muy naŋhaya, asi matiri di ɓa naŋ pal na, i ya Bumbulvuŋ.»

LEVIHEY 21:17

«Ɓa Aroŋ: Ziri ngi kwacay ɗikey nga mbuŋ gar, da mburo i misi ble na, anja a kiroho kirah le ng'avi li gi mikuli, ɓa a siy ti ɗaf da ya Buymisemuŋ naŋ ta.

LEVIHEY 21:21

Angi tizer ngi masay Aroŋ, da mbur i misi ble na, a kiroho kirah le ng'avi li gi mikuli, ngi so ti gwat ngi zum da ya Bumbulvuŋ ta. Naŋ misi ble tuwa na, anja a kiroho kirah le ngi siy ti ɗaf da ya Buymisemuŋ ta.

LEVIHEY 21:6

Masayay i mizli muvulahay le wãˀ da Buymisemuŋ, anja a hiryaka slimiɗ ngi Buymisemuŋ ta. Anja a ndiram ar joˀ taŋ, taŋ pal, asi i taŋ mavulaka gwat ngi zum da Bumbulvuŋ, yo i taŋ mavulaka ɗaf da ya Buymisemuŋ taŋ.

LEVIHEY 21:8

Mbur Israyel gar na, sey a pura masaya, naŋ pal, asi i naŋ mavula ɗaf da ya Buymisemuŋ naŋ. Anja naŋ a ndir i mbur mipal avu ka, asi ya Bumbulvuŋ matiri ti kum pal na, ya pal.

LEVIHEY 22:9

Ɓimuɗuva ɗuwoyo, sey masayay a jaka taŋ a hirnga kuy kuy, ɓa a gam mungra ti gwat ngi zum ti zumo mata. Da a tiram ti ɗaf nah le kaɓa i gwat ngi zum muho gar na, a micam, asi matiri ti taŋ, taŋ pal na, i ya Bumbulvuŋ.

LEVIHEY 8:35

Kum ada mizlingre guɗuk ngi zlir ti Buymisemuŋ duvuɗ ati papas, hã hin tarnaˀa. Kanah so na, kisa gaka slra ngi Bumbulvuŋ gu, manja ki micam. I naŋ miɓiy ɓi nah ɗaˀ le kanah.»

SLUFA VU 16:5

Joˀ a ɓa Kore ati mizli naŋhaya: «Ti prik, ti miprike, Bumbulvuŋ a sa biga mbur nga naŋ, mbur misi ti seˀe, magumbuˀ ng'ava gu. A sa pula mbur naŋ muwunaŋ na, ɓa a kirih ng'avaŋ.

SLUFA VU 20:12

Amma Bumbulvuŋ a ɓa Moyis ati Aroŋ: «Ki tiɓaka ɓi ɗu ta, yi Buymisemuŋ migisiŋ na, ki bigaka a mbuŋ Israyele ta. Vurˀe, masaram ti mizli hanayna, nga hirwuy ya muvula taŋ di na, i kum ta.»

Matiye 10:37

«Mbur mawuɗ cine malla mumuŋ naŋ fineˀ ya na, a ndila ɓa a tiri mbur ɗu ta. Mbur mawuɗ mangal naŋ malla zuŋ naŋ fineˀ ya na, a ndila ɓa a tiri mbur ɗu ta.

Ɓimezle ngi Yesu Kristu ZAŊ mitil di mi 12:28

Baha, ga ɓa slimiɗ ɗik a zil.» Dar ˀay a cino paɗ a muŋ: «Yi ga le si ɓa slimiɗ ɗu a zil, yo i sa ga ɓa a sa zil ava ma.»

Ɓimezle ngi Yesu Kristu ZAŊ mitil di mi 14:13

Ko mike gar, kum misa cufuɗam le ti slimiɗ ɗu na, i sa gaŋ, ɓa Cine a lum gi dudok tisi naŋ mujum ati Mangala.

Slu cuw 32:51

Asi mike na, kum ati Aroŋ, ki gam malambaˀ madiɗa le avu ya a mbuŋ Israyele. Vur ɓi ngi yam ngi Meriba a Kades, a wuzlaɓuh mikirɗak kirɗak ngi Siŋ. Tapasa, Bumbulvuŋ i ya na, ki bigaka a wuzla Israyeleye ta.

TESALONIKEY MUCUW NAŊ 1:10

Tapas naŋ masa mawa, ɓa mizli naŋhay keɗeɗe, a sa ɗuvakaŋ hirngaŋ, a sa purakaŋ hiri ngal ngal, waɗ a sa tiɓakaŋ na, kumo kwana, kisa ndiram bumoˀ ati taŋ aya, asi ki tiɓaka ɓi ndra mutulukum di mi na le.

PIYER MUDUMBUŊ NAŊ 4:17

Asi mike na, i zli hin ngi gi kiita, ɓa Buymisemuŋ a zla gi naŋ tivu mizli naŋhay ɗagay. Ani, da a zla le avu ndra na, mizli mangumam tiɓa Ɓimezle ngi Buymisemuŋ ta na, kiita nga taŋ a sa kiɗ mi mbrike?

SAMUYEL MUDUMBUŊ NAŊ 2:30

Vurˀe, ya Bumbulvuŋ Buymisemuŋ, ngi Israyel a ɓi na, yi ɓuw le zleˀeŋ: «Hay ɗik ati hay ngi dideˀ ɗike, kisa ndiram kum i masayay a mbuŋ ɗu, hã ngi sete. Ani wurenna i ɓuw na, a gi kanah mata. Asi, yi ɗuva hirnga da mizli maduvikiy hirnga, amma mizli mahirsikiy na, a sa hirsaka taŋ ya.

SAMUYEL MUDUMBUŊ NAŊ 3:18

Dar Samuyel a ɓaŋ ɓi Buymisemuŋ miɓaŋ taŋ tuwa gar, ko a ɗumoŋ pal ta. Eli a ɓaŋ: «I Buymisemuŋ. Gwat naŋ mapura kuy gar na, anja a gaŋ.»

SAMUYEL MUDUMBUŊ NAŊ 6:20

Dar mizli Bet-Semesey a ɓam: «Bumbulvuŋ Buymisemuŋ, mipal hana, masa cici a mbuŋ naŋ gu i waka?» Yo Anja a kirih kileŋ avu ndra, na ngi hay waniy ka?