LEVIHEY 10:2 - Bible en langue guiziga

² Akẽh na, vu a bo ti mbuŋ Bumbulvuŋ, a zuma taŋ kap, waɗ a micam daˀ a mbuŋ Bumbulvuŋ vuna si.

LEVIHEY 10:2 ပူးပေါင်းရင်းမြစ်များ

SAMUYEL MUCUW NAŊ 6:7

Buymisemuŋ a slikiɗ himaˀ ar Uzza, a kiɗa vagay asi cin ta naŋ na. Uzza a muc daˀ a ciki akoti ngi Buymisemuŋ akẽh.

BUYOY MUDUMBUŊ NAŊ 13:28

Joˀ a ru, ara luuma vagay ngi mijiviɗ ngi Bumbulvuŋ ɓaˀ a jiviɗe, amma zungu ati moboro, t'ada dedeŋ murciki. Ko mobor a humbuɗa vagay ngi mijiviɗ vuna ta, yo a ja zungu a humbuɗa ta ma.

BUYOY MUDUMBUŊ NAŊ 18:38

Ar nah na, Bumbulvuŋ a bulo vu, a zluma useˀ ngi zlum ti zlumo, dumo, ɗuguroyo hirwuyo waɗ a hila yam misi angi vigiɗ mugun hirnga li gi mikuli tuwa ŋsoht.

BUYOY MUCUW NAŊ 1:10

Amma, Eli a mbiɗa da madiɗa ngi mizli kukur zlum tuwa: «Da yi mijiviɗ ngi Buymisemuŋ na, anja vu a po sar ti muŋ, a zumukum, ka ati mizli mizli ngir zlum na.» Dar vu a po sar paɗ ti muŋ, a zuma taŋ kap ati mizli naŋhay mizli ngir zlumo.

BUYOY MUCUW NAŊ 1:12

Amma, Eli a mbiɗaŋ di: «Da yi mijiviɗ ngi Bumbulvuŋ na, anja vu a po sar paɗ ti muŋ, a zumukum, ka ati mizli ɗikey mizli ngir zlum na.» Vu a po sar paɗ ti muŋ, a zuma taŋ kap ati mizli naŋhay mizli ngir zlumo.

ƁI NGI HIN GAR MUDUMBUŊ NAŊ 13:10

Akẽh na, Bumbulvuŋ a zuɓ himaˀ ar Uza, a kiɗa vagay, asi naŋ mija haŋ avu akoti na. Uza a muc ɓaˀ aciki akoti vuna si.

ƁI NGI HIN GAR MUDUMBUŊ NAŊ 15:13

Naŋ kine, dumbuŋ zleˀe na, kum anta, Bumbulvuŋ Buymisemuŋ ndra mikiɗa ndra na vurˀe. Asi i kam slimiɗ ar akoti ti jiviɗ naŋ ta»

ƁI NGI HIN GAR MUDUMBUŊ NAŊ 24:2

Nadap ati Abihu a micam dumbuŋ ar cine taŋ, manja a yam. Dar a vulaka slra ngi gi mikuli da Eliyazar ati Itamar tewle.

Ɗerewol JOP 1:16

Gawla mudumbuŋ ara ɓi aruŋ, amma mekelem a ndilawa, a ɓaŋ: «Vuŋ a pi sar le ar tumuŋhoy ati gawla ɗikeye, a wura taŋ le zlam zlam kap. Milahawa i ya pal ɗu, i so na nga ɓuw ɓi nah.»

DIMISEY 50:3

Anja Buymisemuŋ ndra a sawa, yo anja a taˀa mi ta! Vu mihilɓiɓ, ara zuma li a mbuŋ naŋ, burkataŋ gambara gun hirnga naŋ.

BI NGI ISRAYELEY 24:1

Bumbulvuŋ a ɓa Moyise na: «Jiɗoko ng'avi ya Bumbulvuŋ ati Aroŋ, Nadap, Abihu waɗ mizli micawwa ngi Israyeley kukur tarnaˀ mikileŋ aruŋ si na, kisa hurukom huruk huruk a ruwuy.

EZAYI 30:33

Vu i miɗiya le zleˀe si, naŋ vur buy vuna ya. A kusom dum ndit ngi ɗiy naŋ, ar li miligidaˀa. ˀUf ngi Bumbulvuŋ misi kaɓa mekepel ngi himiɗna, a sa bula vu.

LEVIHEY 10:5

Ti Mikayel ati Elisafaŋ mikiraham ng'avi Moyise na, a bam ti vagay ngi sukum taŋhay tuwa, ti jibe taŋhaya kine nga duba gala, kaɓa Moyis miɓa taŋ di tuwa.

LEVIHEY 16:1

Ti di numuŋ ada na, ziri ngi Aroŋhoy cuw a ram nga mbuŋ Bumbulvuŋ na, a micam. A dirba nah na, Bumbulvuŋ a ɓa Moyise:

LEVIHEY 9:24

Vu a bo ti mbuŋ Bumbulvuŋ, a zluma mikuli ngi zlum ti zlum ati munguloy tuwa, zlam zlam ar li gi mikuli. Mizli gar mupuraka kanah na, a jam salalay, a hurukom huruk huruk a ruwuy.

SLUFA VU 14:37

Mizli misi moˀore tayna, miɓaka ɓi ngi hirwuyo tir malambaˀ na, a micam muc mugurjik daˀ a mbuŋ Bumbulvuŋ vuna si.

SLUFA VU 16:35

Bumbulvuŋ a bulo vu ngiɗ ngiɗ, mizli mi skat skat cuw ti kukur zlum mazlumam urdihey tuwa, vu a zluma taŋ kap.

SLUFA VU 26:61

Amma ti Nadap ati Abihu a micam asi taŋ muzlumaka urdi da Bumbulvuŋ ti vu ngi vra.

SLRA 5:10

Angi nah si na, a diɗ simtra a mbuŋ Piyere, a mucu. Ti gawlahay mucoko na, a lumaka a muc le, a zuɓaka, ara dikaka aciki zile.

SLRA 5:5

Ananiyas micina mingiɓi hana na, a diɗ simtraˀ, a mucu. Mizli micinaka ɓi nah gar na, a ga taŋ zluwun haɗi teˀe.

KORENTIHEY MUDUMBUŊ 10:11

Gwat tayna gar a gam avu taŋ na, ngi biga ndra gwat, yo a tohoko taŋ ti tuh na, ɓa ngi ka ndra mumuyuŋ ngi zay sla a slimiɗe, asi ndra migweˀ avu kiɗa mi ngi hin na.

SAMUYEL MUDUMBUŊ NAŊ 6:19

Buymisemuŋ a ga bonoy da mizli ngi Bet-Semeseye asi taŋ mupuraka akoti ngi Buymisemuŋ na. A kiɗ asi taŋ mizli kukur tarnaˀ a wuzla mizli durmuk kukur zlumo. Akẽh na, mizli gar a roko ti tuwuy, asi Buymisemuŋ a ga taŋ bonoy le haɗa wãˀ.