Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




LEVIHEY 10:19 - Bible en langue guiziga

19 Aroŋ a mbiɗa da Moyise: «Cina ɗi, tapas Israyeley migaka mikuli taŋ da Bumbulvuŋ, mikuli ngi pula mungra ati mikuli mizlam zlam wãˀ na, wuluk muso a hirnga ɗu ani: Gwat magam di mikuli ngi pula mungra na, ɓa i zuma useˀ naŋ angi hin hana na, Bumbulvuŋ a sa hĩyã kwa?»

အခန်းကိုကြည့်ပါ။ ကော်ပီ




LEVIHEY 10:19
17 ပူးပေါင်းရင်းမြစ်များ  

Bumbulvuŋ a ɓi: «Mikuli kumoy mihaɗa vuna, i sa gi taŋ mike? Mikuli kum ngi tumuŋ mizlam zlam wãˀ ati mungul ngi ziri slahay na, a ɓuliy mi le. Pumbus ngi gusoŋhoy, ngi ziri tumuŋ ati ngi bazuwayay na, y'anta wuɗ mata.


Kum mira hilaka haŋ hoc nga muŋ ngi diradibiɗ na, yi sirta mihiri ɗu sirit. Ko ki diram dibiɗ is mbeˀmbeˀ kwana, y'anta cine ta, asi haŋ kumoyo cih cih ti pumbusu.


Ko da ara gam dalyam kwana, y'anta cine tuwuy taŋ ta. Ko da ara gikiy mikuli mizlam zlam, yo ara sikiy ti gwat ngi vul taŋhay tekeɗe kwana, naŋ anta ciriy hiri ta. I wuɗ i ngizla taŋ pay ti maslalam, ti may waɗ ti jiji mozorbono.»


Mukuturɓuy musoko di ti ruwuy Saba, yo lavaɗ mazĩˀĩ ndum ngi ruwuy mikileŋ, i gi taŋ mike? Mikuli kumoy mizlam zlamaya, y'anta wuɗ taŋ ta ani, yo mikuli kum mekelemey gar na, y'anta hĩyã taŋ ta ma.


Tˀanta sa kucaka li ti mbaazla vur Bumbulvuŋ mata, mikuli taŋ, anta sa ciraŋ hiri mata. A sa tiri avu taŋ, kaɓa ɗaf ngi vagay, mizli mazumam gar na, a tiram taŋ ti dili. Asi mike na, masa vula taŋ siifa i ɗaf vuna, amma anta sa cam di ng'ar hay ngi Bumbulvuŋ ta.


Mi ngi Aroŋ mimbiɗaŋ di hana, Moyis a hĩyã le.


Aroŋ a sla ˀay ngi ginew ngi gi mikuli ngi zlum ti zlumo. Ziri naŋhay a tiɓakaŋ pumbus naŋ, a kuca ciki li gi mikuli gun gun zlar ti naŋ.


Akẽh na, Aroŋ a kirih ng'avi li gi mikuli, a sla ˀay ngi zuŋ sla ngi gi mikuli ngi pula mungra ngi hirnga naŋ.


Anja ɓa kisa ra bulam vu ar li gi mikuli ɗu lambaˀ ta na, a wuzla kumo, zliv mbur ada ngi gica mizlingre muduba sukwa? I ya Bumbulvuŋ misi gidaŋ wãˀ maɓi. Gwat maciriy hiri neˀ avu kum anta. Gwat kum mavulikiy di angi mikuli na, y'anta hĩyã ta ani!


Yo ki ɓam ma na: «Kayya, hana i gira vu ngatara», yo ki gam di kaɓa ɓi nah a cukum ta, i ya Bumbulvuŋ misi gidaŋ wãˀmaɓi. Ginew muhulo, mikiciɗek sar, malla misi jiji na, ki soko di, dar ki gikiy di mikuli. Ki waka na ɓa i tiɓa tisi haŋ kumo sukwani? I ya Bumbulvuŋ maɓi.


Gwat kum magaka mucuw naŋ ani ma: Ki luɓoko li gi mikuli ngi Bumbulvuŋ ti tuwuy ngi hiri kumo, hã hirnga naŋ gun ti tuwuy ati niˀici, asi naŋ maki slimiɗ ar gwat kum masakaŋ taŋ ngi mikuli na mata, yo naŋ anta tiɓa taŋ ti mevel mezle tisi haŋ kumo mata.


Kum ati ziri kumoy gar arleˀe, kisa zumaka ɗaf ar hay ngi Bumbulvuŋ Buymisemuŋ kum. Ki sa mumulom haɗa, asi Bumbulvuŋ Buymisemuŋ kumo a ɗuwulukum mi le ar gwat ngi gi kum gar si.


Ya muro ti hiriyi, gwat mingac weˀ di vu vur ka na, i zuma ɗaˀ ta. I zuɓ ɗaˀ anga, vur ɓi ngi dili ta, i vul ɗaˀ ngi gi mezegwel ngi vagayay ta. I cine mingiɓi ɗik ka Bumbulvuŋ Buymisemuŋ le, i ga gwata kaɓa ka miɓiy di ɗaˀ le vuna cummo.


Mumulom angi pas gar, asi kum mujom ati Bumbulvuŋ. I ra mahiri naŋ ava ma, kum mumulom.


N'anta kaɓa masay madiɗa a mbuŋ Buymisemuŋ mekelemey na ta. Gi mikuli vur hin gar, dumbuŋ vur mungra ngi hirnga naŋ, yo vur ngi mizli gar na, naŋ anta ti may ngi gi naŋ ta. A ga nga naŋ le is purla tewle, ti naŋ muvula hirnga naŋ tehhe a muŋ.


Ti guɗuk mudumbuŋ misi ada aruŋ na, ˀUf Mipal a biga na, jiviɗ ngi ci ng'ar li mipal wãˀa, a wun t'aruŋ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ