LEVIHEY 10:17 - Bible en langue guiziga

¹⁷ «Useˀ migam di mikuli hana, ki humbuɗaka angi li mipal ta vur mike? Asi mike na, useˀ nah, naŋ pal wãˀ, Bumbulvuŋ a vulukum di ɓa ngi pula mungra ngi jum ngi Israyeley, yo ɓa ngi ga mezegwel ngi pula mungra.

LEVIHEY 10:17 ပူးပေါင်းရင်းမြစ်များ

BI NGI ISRAYELEY 28:38

Aroŋ masa ru nga mbuŋ ɗu gar na, naŋ ti gwat ngi wuya nah a midibiɗ. Vurˀe, gwat Israyeley masa vulikiy di gar, da ko a vulikiy di kasl kasl ta tekeɗe kwana, i sa tiɓa mbele gwat nah.

BI NGI ISRAYELEY 28:43

Aroŋ ati ziri naŋhaya, da ara cam ng'ar guɗuk ngi zlir ati Buymisemuŋ, malla da ara kiraham ng'ar li gi mikuli ar li guɗuk ngi zlir ati Buymisemuŋ na, a sa caka gajereheye a virzi, da kine ta na, naɓa a micam, vur taŋ mugulndiŋ gulndiŋ kine na. I ɓimuɗuva makiɗ mi ta, avu Aroŋ ati dideˀ naŋhay a nga mbuŋ nga mbuŋ.»

LEVIHEY 16:22

Bazuway a jijira mungra taŋhaya gar ng'ar li mikirɗak kirɗaka. Ti naŋ muɓula bazuwaya le ɓak ɓak nga wuzlaɓuh na,

LEVIHEY 21:22

Ɗaf nga ya Buymisemuŋ naŋ, sedege mipal wãˀ ati sedege mipal na, a zuma taŋ zuy ɓula.

LEVIHEY 22:16

Da a zumaka le na, a so ti mungra nga hirnga taŋ, hã a cufuɗ ɗiya ɓi avu Israyeleye. Asi matiri ti taŋ, taŋ pal na, i ya Bumbulvuŋ.»

SLUFA VU 18:1

Dar Bumbulvuŋ a ɓa Aroŋ: «Da mizli a gam mungra le avu hay nga ya Buymisemuŋ na, buyɓi naŋ i ka ati ziri ɗik mizilehey waɗ mizli levihey. Amma da kum misa gam mungra le ar slra ngi gi mikuli na, buyɓi naŋ i ka pal ɗik ati ziri ɗikey.

Ɓimezle ngi Yesu Kristu ZAŊ mitil di mi 1:29

Li naŋ muwun na, Zaŋ a pura Yesu ara sawa ng'avaŋ, dar a ɓi: «Puraka, tumuŋ ngi Buymisemuŋ mazuɓa mungra ngi duniya.

KORENTIHEY MUCUW NAŊ 5:21

Kristu a gi mungra ɗaˀ ta. Amma Buymisemuŋ a tiri di misi purla ati ndra migi mungrahay, ɓa Buymisemuŋ a ɗiya ndra jeŋŋe a mbuŋ naŋ, ti seˀeŋ.

HEBEREY 9:28

Naŋ kine, Kristu kwana, a vula hirnga naŋ ngi gi mikuli a mbuŋ Buymisemuŋ is purla, ɓa ngi zuɓa mungra ngi zigiduw haɗi avra, yo a sa bugo vu is purla sar mucuw naŋ ma, anta ngi zuɓa mungra mata, amma ngi laha mizli makutukokoŋ.

PIYER MUDUMBUŊ NAŊ 2:24

Kristu ti haŋ naŋ, a zuɓa mungra ndraˀahaya le avu dumvu naŋ, angi dum mizliraŋ, ɓa i micam avu mungra ndraˀahaya, yo ɓa i cifam ti gi gwat mijeŋŋe. Kum mumbulom na, asi waˀa naŋhay na.