LEVIHEY 1:9 - Bible en langue guiziga

⁹ A bunaka gwat ngi kwacay naŋhay ati poprokoyo, joˀ masay a wura taŋ gar ar vu, ar li gi mikuli. Hana i gwat ngi zum mizlam zlam wãˀ, misi zĩˀĩ naŋ a tisliy mevel da ya Bumbulvuŋ.

LEVIHEY 1:9 ပူးပေါင်းရင်းမြစ်များ

ZLI VIRZI 8:21

Mikuli misi zĩˀĩ naŋ a tisl mevel tuwa, Bumbulvuŋ mizãˀã na, dar a ɓi a mevele: «Y'anta sa nisa hirwuyo asi mburo mata ndiɗaˀ wãˀ. Gisiŋ wuluk ngir mevel ngi mbur ngi gi malambaˀa, naŋ zle ti zuŋ. Amma y'anta sa ziza gwat misi titiriheye keɗeɗe kaɓa ya miga hana mata ndiɗaˀ wãˀ.

ƁI NGI HIN GAR MUDUMBUŊ NAŊ 6:34

Aroŋ ati ziri naŋhaya, slra nga taŋ i zluma ginewey ar li gi mikuli waɗ wura urdi ar li nga naŋ ya. Gwat ngi gi ar li mipal wãˀ na, magaka i taŋ. Magaka mezegwel ngi puya mungra ngi Israyeley i taŋ ma, a gaka kasl kasl kaɓa Moyis, gawla ngi Buymisemuŋ miɓa taŋ di ɗaˀ le na.

ƁI NGI HINEY MUCUW NAŊ 4:6

A ɗiyam kisa ngi ɓiri gazahay kuruˀ. A ɗuvam zlum tir vay hazum ngi hay ngi Bumbulvuŋ, waɗ zlum tir vay gula, ɓa ngi bunoy: ginewey masoko taŋ ngi gi mikuli mizlam zlam na, a bunaka taŋ a ra, amma yam ngir magayak madiɗa ngi ɓiri gaza na, i masayay mabunam ti naŋ.

DIMISEY 51:6

I guw mungra le, i guw di da ka pal ɗike, gwat ka mapura kuy ta na, i ga le si, vurˀe, ka mira ɓa ɓi na, naŋ jeŋŋe, ka mira ga kiita na, mbur a mbuɗuw hirnga ta.

DIMISEY 66:15

I guw mikuli mizlam zlam ti ginew misi malay, waɗ zlengerekey mazlumam, ɓa cunju taŋ a jiɗ ng'avi ka. I ra wi vu ti gusoŋ waɗ mazawalay.

BI NGI ISRAYELEY 12:9

A wuslaka ti wuslo ta, yo a zumaka mida ti di ta, amma sey mutuso ti tus tewle jom ti hirnga, poprokoy waɗ hur kwacaya.

BI NGI ISRAYELEY 29:18

Ki sa zluma useˀ ngi zlengereke gar zlam zlam ar li gi mikuli. I mikuli mizlam zlam wãˀ da ya Bumbulvuŋ, misi zĩˀĩ naŋ matisliy mevel.

BI NGI ISRAYELEY 29:25

A dirba nah, kisa tiɓa tisi haŋ taŋ, ki zluma taŋ ar li gi mikuli jom ati useˀ tuwa, i mikuli misi zĩˀĩ naŋ matisliy mevel da ya Bumbulvuŋ, mikuli vu mazluma da ya Bumbulvuŋ.

ZEREMI 4:14

Zeruzalem, da ki wuɗ lih na, sey ki pula moˀore ɗik na wãˀ. Wuluk malambaˀɗikey na, kisa pula taŋ avra ti vunaka?

EZEKIYEL 20:28

I ci ti taŋ le angi hirwuy ya muhudum, haŋ paɗ a muŋ, ɓa i vula taŋ di na. Li miɗingir ɗingirey ati siziɓey gar na, taŋ hiri taˀ angi taŋ. A gaka mikuli taŋhay a diga, gwat ngi vul taŋhay ngi slikiɗa mevel na, a gaka taŋ a diga, a paka urdi taŋhay ngi tisla mevel a diga, waɗ a puslaka mbaazla taŋhay a diga.

EZEKIYEL 20:41

Ya misa bo ti kum le ti wuzla mizli mekelemeye, yo ya misa kuso hirnga kumo le tisi ruwuy kum mizliɗam hirnga nga diga tuwa na, yi sa tuɓukum kaɓa urdi matisl mevel. I sa biga ya mipal na a mihiri ngi sukwi ngi mizli, tisi kum.

EZEKIYEL 40:38

Viŋ ada, miviŋ naŋ kini ng'ar jawleeru ngi mizlingre tuwa. Ginew ngi mikuli mizlam zlam na, a bunaka a diga.

LEVIHEY 1:13

A bunaka gwat ngi hur kwacay ati poprokoyo. A dirba nah, masay a bigiy taŋ, a zluma taŋ zlam zlam wãˀ ar li gi mikuli. Hana i gwat ngi zum mizlam zlam wãˀ, misi zĩˀĩ naŋ a tisliy mevel da ya Bumbulvuŋ.

LEVIHEY 1:17

A ja kirpasl ngi ɗiyuwo kaw, waɗ a ngira pitikay. Amma a wuɗka a wuzla cuw ta ɓula. A dirba nah na, masay a zluma ɗiyuwo ar dum miɗiyam di vu ar li gi mikuli tuwaŋ. Hana i gwat ngi zum mizlam zlam wãˀ, misi zĩˀĩ naŋ naŋ a tisliy mevel da ya Bumbulvuŋ.

LEVIHEY 2:16

Mineˀ muwuɗam avu daw mingirwa, avu mal waɗ mukuturɓuy paɗ wãˀ tuwa na, masay a wura ar mikuli mazilaka ‹wuluk keŋ›. Hana i gwat ngi zum mizlam zlam wãˀ da ya Bumbulvuŋ.»

LEVIHEY 2:2

ar di da masayay, ziri ngi Aroŋhoy. Hapa mipam mal ara tuwa na, masay a hil ngbal haŋ kuy kuy, waɗ mukuturɓuy ngi zlum ti zlumo paɗ wãˀa. Gwat ngi sedege nah na, a zilaka ‹wuluk keŋ›. Hana i sedege mizlam zlam wãˀ, misi zĩˀĩ naŋ a tisliy mevel da ya Bumbulvuŋ.

LEVIHEY 2:9

Masay a wuɗ cah avu gwat ngi sedege mazilaka ‹wuluk keŋ› tuwa, a wura ar li gi mikuli. Hana i gwat ngi zum mizlam zlam wãˀ, misi zĩˀĩ naŋ a tisliy mevel da ya Bumbulvuŋ.

LEVIHEY 3:11

Akẽh na, masay a zluma taŋ ar li gi mikuli. Hana i gwat ngi zum mizlam zlam wãˀ da ya Bumbulvuŋ.

LEVIHEY 3:5

Akẽh na, ziri ngi Aroŋhoy a wuraka taŋ ar li gi mikuli, jom ng'avu mikuli ngi zlum ti zlum miɓaˀ ar dum miɗiyam di vu ar li gi mikuli tuwa. Hana i gwat ngi zum mizlam zlam wãˀ, misi zĩˀĩ naŋ a tisliy mevel da ya Bumbulvuŋ.

LEVIHEY 4:31

Li misi malay gar na, a zuɓa taŋ nyaˀ nyaˀ kaɓa muzuɓaka taŋ avu ngi useˀ ngi gi mikuli ngi ngiɓiˀay na ya. Dar masay a zluma taŋ ar li gi mikuli, zĩˀĩ naŋ a tisliy mevel da ya Bumbulvuŋ. Masay miga mezegwel ngi mbur mici ar mungra na le na, naɓa ya Bumbulvuŋ i pulaŋ mungra naŋ le ya.

LEVIHEY 6:14

A lihiɗa hapa tuwa ti mal lahaɗ lahaɗ kuy kuy, waɗ a da ar goŋgoŋ madam di ɗaf. Hapa mukutommo tos tos ar vu tuwa, a ngila meɗ meɗ, dar a vula ngi sedege ar deɗe ngi urdi ngi tisliy mevel da ya Bumbulvuŋ.

LEVIHEY 8:21

Gwat ngi hur kwacay ati poprokoyo, Moyis a buna taŋ, dar a zluma zlengereke sir wãˀ ar li gi mikuli. Nah na, i mikuli mizlam zlam wãˀ, misi zĩˀĩ naŋ a tisl mevel, i gwat ngi zum mizlam zlam wãˀ da Bumbulvuŋ kaɓa naŋ muɗuva da Moyis tuwa.

LEVIHEY 8:28

Akẽh na, Moyis a tiɓa gwat ngi vul ngi mikuli tayna tuwa tisi haŋ taŋ a muŋ, a wura taŋ ar li gi mikuli jom ati useˀ ngi zlum ti zlumo. Hana i mikuli ngi vula slra. I urdi matisl mevel, mikuli ngi gwat ngi zum mizlam zlam wãˀ, misi zĩˀĩ naŋ a tisla mevel da Bumbulvuŋ.

LEVIHEY 9:14

A buna gwat ngi kwacay naŋhay ati poprokoyo, a pa taŋ sek a hirnga useˀ tuwa, a wura taŋ jom ar li gi mikuli.

ZAKARI 13:7

Ka maslalam, puk pak ng'ar mijigin ɗu, waɗ ng'ar cil ɗu mupuɗaw na so. Kiɗa mijigin ɗu vagay, tumuŋhoy a sa zliɗam hirnga, yo ko ziri memeɗehey kwana, i sa zuɓa haŋ ɗu ng'ar taŋ. I ya Bumbulvuŋ misi gidaŋ wãˀ maɓi.

SLUFA VU 15:3

kisa gikiy mikuli ti ginewey. Mikuli mizlam zlam wãˀ malla mikuli ngi ɗiya ɓi. Ki sa gikiy di ngi ɗiya ɓi ngi hudum, malla ngi mongoy kum, malla tapas muguzlumoy. Vurˀe, ki wunam sla, tumuŋ malla ˀaw, naɓa zĩˀĩ taŋ, a sa tislikiy mevel.

SLUFA VU 28:11

Ar hin mudumbuŋ ngi kiya gar na, kisa gam mikuli mizlam zlam wãˀ da ya Bumbulvuŋ. Ki sa gaka ti gusoŋhoy cuw, zlengerek pal, waɗ ziri tumuŋ ngi vi pal palay tarnaˀ, ginew manja hereweɗey gar taŋ.

SLUFA VU 28:7

Zuŋ tumuŋ ngi vul ti miprike, ti mbaazla ngi pusl aseˀe, litir pal ti reta. A sa vulikiy da ya Bumbulvuŋ ar hay nga ya.

SLUFA VU 28:8

Zuŋ tumuŋ mucuw naŋ a sa vulikiy ti li zuyyo, ti gwat ngi gi sedege waɗ ti mbaazla aseˀe, misipurla kaɓa misi ngi mipriki tuwa ma. I mikuli mizlam zlam misi zĩˀĩ naŋ a tisliy mevel da ya Bumbulvuŋ»

KORENTIHEY MUCUW NAŊ 2:15

Asi mike na, avu Buymisemuŋ, ndr'i zĩˀĩ mundum ngi Kristu, vur mizli muroko ar jiviɗ ngi lih ati muroko zizama ma gar.

EFESEY 5:2

Wuɗam vu ar wala kum ar joˀ kumo, kaɓa Kristu muwuɗ ndra na. A vula hirnga naŋ ti haŋ naŋ da Buymisemuŋ vur ndra, ka gwat muvula ngi gi mikuli mazĩˀĩ ndum haɗa, macira hiri da Buymisemuŋ.

Slu cuw 12:27

Ki sa gam mikuli mizlam zlam wãˀ, useˀ naŋ ati pumbus naŋ, kisa vulaka taŋ ar li ngi mikuli da Bumbulvuŋ Buymisemuŋ kum. Da i mikuli ngi jumoˀay na, kisa paka pumbus naŋ ar li gi mikuli, joˀ ki zumaka useˀ na.

FILIPIHEY 4:18

Na zle, gwat ya muwuɗ gar na, ada avu ya, hã a funa le ma. Y'anta ti may ngi gwat mekelem mata. Epafrodit a siy ti gwat kum muvulikiy di na le. Naŋ kaɓa urdi mazĩˀĩ ndum, i mikuli Buymisemuŋ mitiɓa le, maciraŋ hiri.