LEVIHEY 1:5 - Bible en langue guiziga

⁵ A slaka ˀay ngi ginewe daˀ a mbuŋ ɗu. Akẽh, masay, ziri ngi Aroŋhoy, a tiɓaka pumbus ngi ginew tuwa, a bigikiy di. Li gi mikuli mikaˀ a mizlingre guɗuk ngi zlir ti ya Bumbulvuŋ na, masayay a kucaka ciki naŋ gun gun zlar ti pumbus tuwa.

LEVIHEY 1:5 ပူးပေါင်းရင်းမြစ်များ

ƁI NGI HINEY MUCUW NAŊ 35:11

A slaka ˀay ngi ginew ngi mikuli ngi Pakaya, a vulaka pumbus taŋhaya da masayay, joˀ taŋ a paka ar li gi mikuli. Leviheye kwana, slra taŋ i suwuta gwatay.

BI NGI ISRAYELEY 29:11

Ki sa sla ˀay ngi gusoŋ a mbuŋ Bumbulvuŋ, avu miviŋ ngi ci ng'ar guɗuk ngi zlir ati Buymisemuŋ.

BI NGI ISRAYELEY 29:16

Ki sa sla ˀay ngi zlengereke, ki tiɓa pumbus naŋ, joˀ ki kuca li gi mikuli gunno ti naŋ.

BI NGI ISRAYELEY 40:6

A sa ɗuvaka li gi mikuli ti ginew zlam zlama, a mizlingre guɗuk ngi zlir ti ya Buymisemuŋ.

EZAYI 52:15

Wurenna, ɓi naŋ a zuma hirnga le da sukwi ngi mizli gar, buyoy a sa ndiram guɗum guɗum lek, asi gwat miɓaka taŋ ɓi nah zleˀe ɗaˀ ta na, ara purakaŋ, yo gwat taŋ micinaka zleˀe ɗaˀ ta na, ara singilakaŋ.

EZEKIYEL 36:25

I sa kicukum yam miɗelelle, ɓa kisa ndiram manja dili. Dili kumoy ati ɓi ngi huruk huruk kum a mbuŋ kuli kumoy na, i sa zuɓukum taŋ avra.

EZEKIYEL 43:18

Mbur tuwa a ɓiy: «Ka mburu, ya Bumbulvuŋ Buymisemuŋ i ɓi na: Gwat ya miɓa ɗaˀ le vur li gi mikuli ani, tapas taŋ mindiraka le na, a sa gam mikuli mizlam zlam ara, yo a sa pam pumbus ara.

LEVIHEY 1:11

A slaka ˀay naŋ a mbuŋ ɗu, ya Bumbulvuŋ. A slaka kini tir vay muŋ ngi li gi mikuli. Akẽh na, masayay, ziri Aroŋhoy a kucaka ciki li gi mikuli gun ti pumbus naŋ.

LEVIHEY 1:15

Masay aru di a mbuŋ li gi mikuli. A muɗa hirnga naŋ ndeɗ, a wura ar li gi mikuli. A dirba nah, a pula pumbus naŋ a mul a hur li gi mikuli gun.

LEVIHEY 16:15

Akẽh na, a slaˀay ngi bazuway ngi gi mikuli ngi pula mungra ngi mizli, aru ti pumbus naŋ nga duba zana minjar tuwa, waɗ a gi ti pumbus ngi bazuway hana kaɓa naŋ mi gi ti ngi gusoŋ tuwa ma, a kuca a hirnga mi ngi akoti ngi jumoˀaya waɗ ti mbuŋ naŋ.

LEVIHEY 17:11

Asi gwat ya miga gar na, siifa naŋ, naŋ ar pumbusu, yo yi vulukum di le ar li gi mikuli, ɓa ngi vula jiviɗ ngi pula mungra ar siifa kumo. Naŋ kine, pumbus mavula jiviɗ ngi pula mungra na, asi siifa naŋ anga.

LEVIHEY 3:13

Mbur muso di vuna, a buca haŋ bac a hirnga ˀawa, a sla ˀay naŋ daˀ a mbuŋ guɗuk ngi zlir ti ya Bumbulvuŋ. Dar ziri ngi Aroŋhoy a kucaka pumbus naŋ da ciki li gi mikuli, gun gun zlar.

LEVIHEY 3:2

Mbur vuna, a buca haŋ bac a hirnga ginew naŋ muso di tuwa, dar a slaka ˀay naŋ a mizlingre guɗuk ngi zlir ti ya Bumbulvuŋ. Masayay, ziri ngi Aroŋhoyo, a kucaka pumbus da ciki li gi mikuli gun gun zlar.

LEVIHEY 3:8

Mbur a buca haŋ bac a hirnga ginew naŋ muso di tuwa, a slaka ˀay naŋ a mbuŋ guɗuk ngi zlir ti ya Bumbulvuŋ, dar ziri ngi Aroŋhoy a kucaka pumbus naŋ da ciki li gi mikuli gun gun zlar.

LEVIHEY 4:29

A buca haŋ bac a hirnga ginew ngi gi mikuli tuwa, a sla ˀay naŋ ar li misi purla ati maslaka ˀay ngi gi mikuli mizlam zlam na.

LEVIHEY 4:33

A buca haŋ bac a hirnga ginew ngi mikuli ngi pula mungra tuwa, a sla ˀay naŋ ngi pula mungra ar li maslaka ˀay ngi ginew ngi gi mikuli ngi zluma gwata.

LEVIHEY 4:7

Li gi mikuli ti urdi misi a mbuŋ ɗu, ya Bumbulvuŋ angi guɗuk ngi zlir ti ya, mivay naŋhay muyoŋ yoŋ kaɓa durumoyo masay a ga taŋ pumbuso njoffo njoffo. Yo waɗ is ngi pumbus ngi gusoŋ tuwa na, a pa gar ng'asi virzi ngi li gi mikuli mizlam zlam wãˀ misi a mizlingre guɗuk ngi zlir ti ya.

MISE 6:6

«Ɓa i ram nga mbuŋ Bumbulvuŋ, yo ɓa i ra huruk hurukam a mbuŋ Buymuŋ vuna na, i sa ram ti mi a haŋ ka? I ram a mbuŋ naŋ ɓa i gakaŋ mikuli mizlam zlamay kwa? Malla i gakaŋ mikuli ti ziri sla ngi vi pal palay kwa?

SLUFA VU 18:17

Amma modogom ngi slahay, ngi tumuŋhoy, ngi ˀawaya na, ki mbiɗaka hirnga taŋ ta. Taŋ hĩˀĩ inga yahay. Ki sa paka pumbus taŋ ar li gi mikuli, yo mal taŋhaya, kisa gikiy taŋ mikuli mizlam zlam, ɓa zĩˀĩ naŋ a sa tisliy mevel da ya Bumbulvuŋ.

HEBEREY 10:11

Masay gar na, a ndir deŋ ti deŋ vur hin gar ngi ga slra naŋ. A vul di i gwat ngi gi mikuli a mbuŋ Buymisemuŋ misi purlahha ndrehhe. Gwat ngi gi mikuli a mbuŋ Buymisemuŋ tayna, anta zuɓaka mungra ngi mizli avra gu ta ndiɗaˀ.

HEBEREY 12:24

yo ki kiraham ng'avu Yesu misi ar wala ngi jumoˀay manawaya, waɗ ng'avu pumbus naŋ mipa, pumbus maɓi ɓi fineˀ pumbus ngi Abel ma.

PIYER MUDUMBUŊ NAŊ 1:2

Cine ndra Buymisemuŋ muwunukum kaɓa naŋ miɗiya jiviɗ naŋ zleˀe si na, tisi ˀUf Mipal, ɓa ki cinaka mi da Yesu Kristu, yo ɓa pumbus naŋ a bunukum. Anja Buymisemuŋ a gukum mezle, a vulukum zuy haɗa haɗa.

SAMUYEL MUDUMBUŊ NAŊ 1:25

A gam mikuli ti gusoŋ, a ram ti mangala nga mbuŋ Eli.