LEVIHEY 1:4 - Bible en langue guiziga

⁴ Mbur tuwa, a buca haŋ bac a hirnga ginewe, ginew nah na, kite i mitiɓa le ti haŋ mbur muso di ngi gi mezegwel ngi vula jiviɗ ngi pula mungra.

LEVIHEY 1:4 ပူးပေါင်းရင်းမြစ်များ

BI NGI ISRAYELEY 28:38

Aroŋ masa ru nga mbuŋ ɗu gar na, naŋ ti gwat ngi wuya nah a midibiɗ. Vurˀe, gwat Israyeley masa vulikiy di gar, da ko a vulikiy di kasl kasl ta tekeɗe kwana, i sa tiɓa mbele gwat nah.

BI NGI ISRAYELEY 29:10

Ki sa ru ti gusoŋ ng'avi miviŋ ngi guɗuk ngi zlir ati Buymisemuŋ, Aroŋ ati ziri naŋhay a sa jaka haŋ kaw kaw avu hirnga ngi gusoŋ.

BI NGI ISRAYELEY 29:15

A dirba nah, kisa ja zlengerek mudumbuŋ, Aroŋ ati ziri naŋhay a sa jaka haŋ kaw kaw avu hirnga ngi zlengereke.

BI NGI ISRAYELEY 29:19

A dirba nah, kisa ja zlengerek mucuw naŋ: Aroŋ ati ziri naŋhay a sa jaka haŋ kaw kaw avu hirnga ngi zlengereke.

BI NGI ISRAYELEY 29:33

Gwat migam di mezegwel ngi pula mungra le, ngi vul taŋ da ya Buymisemuŋ, ɓa a tiram masayay na, i taŋ pal taŋ masa zumaka. Mbur lambaˀ a zuma ta, asi i ngaya.

EZAYI 56:7

i sa so taŋ nga muwã ɗu mipal, i sa ga ɓa a sa mumulom haɗa ar hay ɗu ngi diradibiɗe. Mikuli taŋ mizlamzlamay wãˀ ati mikuli taŋhay muho gar, taŋ magikiy taŋ ar li gi mikuli na, i sa tiɓa taŋ. Asi mike na, hay ɗu a sa zilaka: ‹Hay ngi mizli gar madiram dibiɗ araŋ.›

EZEKIYEL 45:15

Angi gezleŋ ngi tumuŋ malla aw misi ara skat skat cuw a Israyel gar na, a jam purla ngi vul ngi mikuli, mikuli ngi zlum ti zlum, waɗ mikuli ngi jumoˀaya, ɓa ngi gi mezegwel ngi vula jiviɗ ngi pula mungra ngi mizli. I ya Bumbulvuŋ, Buymisemuŋ maɓi.

DANIYEL 9:24

A ɗuvam vihey le tarnaˀ tarnaˀ makaw kukur tarnaˀ, vur mizli ɗikey ati walahay ka misi ara na, ɓa ngi kiɗa mi ngi moˀore ati mungra, ɓa ngi pula mungra, ngi so ti gi jeŋŋe ngi sete. Ɓa pura gwat ti kleŋ ati ɓi ngi mijiviɗey a gam muduba, yo ɓa a pam mal ngi vula li mihĩˀĩ da Buymisemuŋ a muŋ.

LEVIHEY 16:21

Aroŋ a pa haŋhaya sek a hirnga bazuway misi titiri tuwa. Akẽh na, malambaˀ ngi Israyeley gar, slikiɗa ɓi taŋ, mbiɗeˀvra, mungra taŋ migaka gar na, Aroŋ a slufa taŋ nga hirnga bazuwaya, ɓa a jijira taŋ. A dirba nah, a ɓa mbur muwuna hĩˀĩ, ɓa a ɓula nga wuzlaɓuh mikirɗak kirɗaka.

LEVIHEY 16:24

A bun angi li mipal, a ka zana naŋ mekelemey a muŋ. A bi, dar a ga mikuli ngi zlum ti zlumoy mucuw tuwa, pal vur hirnga naŋ, pal numuŋ vur mizli Israyeley gar, waɗ a ga mezegwel ngi pula mungra nga naŋ ati ngi mizli Israyeleye.

LEVIHEY 22:21

Ginew mbur maso di ngi mongoy naŋ malla ngi ji mi nga ya Bumbulvuŋ, i sla, tumuŋ malla ˀaw, naŋ mujo di kaw a wuzla sla naŋhay, a wuzla tumuŋ malla ˀaw naŋhay, ɓa ngi gi di mikuli ngi ngiɓiˀaya, da a wuɗ le, ɓa i tiɓaŋ di na, sey i ginew manja hereweɗ neˀ le ava far.

LEVIHEY 22:27

«Zuŋ sla, zuŋ tumuŋ malla zuŋ awa, a dirba taŋ miyaka le na, a ndir asi mumuŋ hin tarnaˀa. Naŋ mazli zle angi hin midangafaɗ naŋ na, da ara vulaka kaɓa gwat ngi zum mizlam zlam da ya Bumbulvuŋ na, i tiɓaŋ.

LEVIHEY 3:13

Mbur muso di vuna, a buca haŋ bac a hirnga ˀawa, a sla ˀay naŋ daˀ a mbuŋ guɗuk ngi zlir ti ya Bumbulvuŋ. Dar ziri ngi Aroŋhoy a kucaka pumbus naŋ da ciki li gi mikuli, gun gun zlar.

LEVIHEY 3:2

Mbur vuna, a buca haŋ bac a hirnga ginew naŋ muso di tuwa, dar a slaka ˀay naŋ a mizlingre guɗuk ngi zlir ti ya Bumbulvuŋ. Masayay, ziri ngi Aroŋhoyo, a kucaka pumbus da ciki li gi mikuli gun gun zlar.

LEVIHEY 3:8

Mbur a buca haŋ bac a hirnga ginew naŋ muso di tuwa, a slaka ˀay naŋ a mbuŋ guɗuk ngi zlir ti ya Bumbulvuŋ, dar ziri ngi Aroŋhoy a kucaka pumbus naŋ da ciki li gi mikuli gun gun zlar.

LEVIHEY 4:15

Micawwa ngi wuzla mizli a bucaka haŋ a hirnga gusoŋ a mbuŋ ɗu. Joˀ a slaka ˀay naŋ daˀ a mbuŋ ɗu.

LEVIHEY 4:20

A gi ti useˀ ngi gusoŋ hana kaɓa naŋ migi ti useˀ ngi gusoŋ ngi mikuli ngi pula mungra nga naŋ na ya. Masay miga mezegwel ngi pula mungra le da mizli kahana na, naɓa ya Bumbulvuŋ i pula mungra taŋhaya le avra ya.

LEVIHEY 4:24

A buca haŋ bac a hirnga bazuwaya, a sla ˀay naŋ daˀ ar li maslaka ˀay ngi ginew ngi zlum ti zlum a mbuŋ ɗu. Hana i mikuli ngi pula mungra.

LEVIHEY 4:26

Li misi malay gar na, a wura taŋ ar li gi mikuli, kaɓa magaka mikuli ngi ngiɓiˀay na ya. Masay miga mezegwel ngi pula mungra ngi buyo le na, naɓa ya Bumbulvuŋ i pulaŋ mungra naŋ le ya.

LEVIHEY 4:29

A buca haŋ bac a hirnga ginew ngi gi mikuli tuwa, a sla ˀay naŋ ar li misi purla ati maslaka ˀay ngi gi mikuli mizlam zlam na.

LEVIHEY 4:31

Li misi malay gar na, a zuɓa taŋ nyaˀ nyaˀ kaɓa muzuɓaka taŋ avu ngi useˀ ngi gi mikuli ngi ngiɓiˀay na ya. Dar masay a zluma taŋ ar li gi mikuli, zĩˀĩ naŋ a tisliy mevel da ya Bumbulvuŋ. Masay miga mezegwel ngi mbur mici ar mungra na le na, naɓa ya Bumbulvuŋ i pulaŋ mungra naŋ le ya.

LEVIHEY 4:33

A buca haŋ bac a hirnga ginew ngi mikuli ngi pula mungra tuwa, a sla ˀay naŋ ngi pula mungra ar li maslaka ˀay ngi ginew ngi gi mikuli ngi zluma gwata.

LEVIHEY 4:35

Li misi malay gar na, a zuɓa taŋ nyaˀ nyaˀ, kaɓa muzuɓaka avu useˀ ngi tumuŋ migam di mikuli ngi ngiɓiˀay na ya. Joˀ masay a wura taŋ jom ati gwat ngi zum mizlam zlam wãˀ da ya Bumbulvuŋ. Masay miga mezegwel ngi pula mungra ngi mbur mici ar mungra na le na, naɓa ya Bumbulvuŋ i pulaŋ mungra naŋ le ya.

LEVIHEY 4:4

A so ti gusoŋ a mbuŋ ɗu, ya Bumbulvuŋ a mizlingre guɗuk ngi zlir ti ya. Mbur vuna, a buca haŋ bac a hirnga gusoŋ, waɗ a sla ˀay naŋ daˀ a mbuŋ ɗu ya Bumbulvuŋ.

LEVIHEY 5:6

Yo gwat naŋ maso di, ɓa ngi ɗiya mungra naŋ miga avu ya Bumbulvuŋ na, sey gwat mongoso, tumuŋ malla ˀaw, ɓa ngi gi mikuli ngi pula mungra naŋ. Akẽh na, masay a sa gaŋ mezegwel ngi pulaŋ mungra naŋ na.

LEVIHEY 6:7

«Mikuli ti gwat ngi migamaya, gi mezegwel naŋ ani: I ziri ngi Aroŋhoy magaka da ya Bumbulvuŋ, a mbuŋ li gi mikuli.

LEVIHEY 8:14

A ɓa mizli, a kirohoko gusoŋ ngi gi mikuli ngi pula mungra. Aroŋ ati ziri naŋhay a bucaka haŋ a hirnga gusoŋ tuwa.

LEVIHEY 8:18

Moyis a biga zlengerek ngi zlum zlam zlama. Aroŋ ati ziri naŋhay a bucaka haŋ a hirnga zlengerek tuwa.

LEVIHEY 8:22

Moyis a biga zlengerek mucuw naŋ, i zlengerek ngi gi mezegwel ngi vula slra. Aroŋ ati ziri naŋhay a bucaka haŋ a hirnga zlengereke.

LEVIHEY 9:7

Akẽh na, Moyis a ɓa Aroŋ: «Kirih ng'avi li gi mikuli, ga mikuli ɗik ngi pula mungra, yo mikuli ngi zlum ti zlumo, ɓa ngi gi mezegwel ngi pula mungra ɗik ati ngi mizli. Yo gwat mizli muvulaka na, gi taŋ mikuli, ɓa ngi gi mezegwel ngi pula mungra taŋ, kaɓa Bumbulvuŋ miɓa ɓi nah ɗaˀ le.»

SLUFA VU 15:25

A dirba nah, masay a sa ga mezegwel ngi zuɓa mungra ngi Israyeleye gar, joˀ ya Bumbulvuŋ i sa pula taŋ mungra taŋhaya. Naŋ kine, nah na, i mungra kum migaka tir manja sin naŋ. Vurˀe, ki gikiy mikuli ti ginew zlam zlam, waɗ mikuli ngi pula mungra miga tir manja sin naŋ.

SLUFA VU 15:28

Masay a sa ga mezegwel ngi puya mungra ngi mbur nah na daˀ a mbuŋ ɗu, i sa pulakaŋ mungra naŋ.

SLUFA VU 25:13

I jumoˀay masa tiri ti taŋ masayay, naŋ ati dideˀ naŋhay hã ngi sete. Naŋ kine, a biga le, a jum le ati ya Buymisemuŋ naŋ tewle, a lum pula mungra ngi Israyeleye kahana, mbele naŋ.

SLUFA VU 8:10

Ki sa ɓa levihey ɓa kiraham ng'avi ya Bumbulvuŋ, joˀ Israyeley a sa paka taŋ haŋ a hirnga.

SLUFA VU 8:12

Leviheye kwana, a sa paka haŋ taŋhay a hirnga gusoŋ mucuwoy na. Aroŋ a zuɓ gusoŋ pal, a gi di mikuli ngi puya mungra, waɗ pal numuŋ, a gi di mikuli mizlam zlam wãˀ. A dirba nah, a sa ga mezegwel a hirnga leviheye ngi pula taŋ mungraˀahaya.

ROMAHAY 12:1

Sukum ɗu misikristuhoy, ambuh ambuh kum ti slimiɗ ngi Buymisemuŋ mapur ˀircece haɗa na so, ɓa ki vulakaŋ vu kumo wãˀ ti haŋ kumo, kaɓa gwat misi titiri ngi gi mikuli a mbuŋ Buymisemuŋ, mihĩˀĩ da Buymisemuŋ, maciraŋ hiri. Dilik kum mikaslsla ti jiviɗ naŋ a mbuŋ Buymisemuŋ, i nah so.

ROMAHAY 3:25

Buymisemuŋ a vul di i Yesu vuna ngi gi mikuli a mbuŋ Buymisemuŋ ngi buna mungra ngi mizli ti pumbus naŋ, asi tiɓi taŋ. Buymisemuŋ a wuɗ ɓa a biga avu mizli, naŋ jeŋŋe: asi ti mizli migam mungra angi hin naŋ muɓus ɓi zleˀe na, a pula ɓi nah le, a ga taŋ kiita ta.

ROMAHAY 5:11

Mifineˀ nah vuna ma na, i ra mumulom vur Buymisemuŋ, asi wurenna Buy ndra Yesu Kristu a ɗiya ɓi le ar wala ndra ati Buymisemuŋ.

FILIPIHEY 4:18

Na zle, gwat ya muwuɗ gar na, ada avu ya, hã a funa le ma. Y'anta ti may ngi gwat mekelem mata. Epafrodit a siy ti gwat kum muvulikiy di na le. Naŋ kaɓa urdi mazĩˀĩ ndum, i mikuli Buymisemuŋ mitiɓa le, maciraŋ hiri.

HEBEREY 10:4

Asi pumbus ngi gusoŋ ati ngi bazuwayaya, a zuɓa mungra ngi mizli avra gu ta wãˀ.

ZAŊ MUDUMBUŊ NAŊ 2:2

Asi naŋ, i mbur muvula hirnga naŋ ngi gi mikuli a mbuŋ Buymisemuŋ ɓa ngi zuɓa mungra ndrahay avra. I mungra ngi ndrahay tew ta, amma vur mungra ngi mizli ngi duniya gar.