LEVIHEY 1:3 - Bible en langue guiziga

³ Da mbur a wuɗ le, ɓa a gi mikuli mizlam zlam wãˀ ti sla na, sey a jo di i sla mizile, manja hereweɗ ava. Aru di nga mizlingre guɗuk ngi zlir ti ya, ɓa i tiɓaŋ.

LEVIHEY 1:3 ပူးပေါင်းရင်းမြစ်များ

ZLI VIRZI 22:13

Abraham a ɗuva hiri, keɗ na, izim, durum kilak avu sisim. A ra jo di ngi gi mikuli zlam zlam, ar deɗe ngi mangal naŋ.

ZLI VIRZI 22:2

Buymisemuŋ a ɓaŋ ma: «Zuɓa mangal ɗik kirmalay Izak, ka mawuɗ haɗa na. Aru nga hirwuy Moriya, kisa giy di mikuli zlam zlam a diga, a hirnga muwã ya masa buguw di.»

ZLI VIRZI 22:8

Abraham a mbiɗaŋ di: «Mangal ɗu, i Buymisemuŋ vuna masa lumo zuŋ tumuŋ ngi zlum zlam zlama.» Joˀ a zuɓam jiviɗ nga mbuŋ cuw taŋ.

ZLI VIRZI 8:20

Nowe a ɗiyi li gi mikuli da Buymisemuŋ. Gwat misãmi madiɗa ngi gi mikulihey ati ɗuyuwoy magam taŋ mikuli na, a zuɓ soŋ soŋ a wuzla taŋ, a gi taŋ mikuli zlam zlam wãˀ da Buymisemuŋ, ar li ngi mikuli naŋ mi ɗiya tuwa.

ƁI NGI HINEY MUCUW NAŊ 29:32

Gwat taŋ migam di mikuli mizlam zlama jom gar na, sla kukur tarnaˀ, zlengerek skat, ziri tumuŋhoy skat skat cuw, a gam taŋ mikuli zlam zlam gar taŋ da Bumbulvuŋ.»

ƁI NGI HINEY MUCUW NAŊ 35:12

Taŋ mira vulaka mi nga taŋ da mizli, kaɓa avu wuɗuk taŋ vur muy vur muy ngi wazlaray taŋhaya na, mi ngi Bumbulvuŋ mavulakaŋ di, mikuli mizlam zlam wãˀ na kwana, a paka nah sek murvay, kaɓa mutohoko ɓi nah ar ɗerewol ngi Moyis. A gam ti slahayakanah ma.

DIMISEY 110:3

Tapas ka masa kuso soje ɗikey ng'ar vurum na, mizli ɗikeye, t'ada sek asi ka. Ka Buymisemuŋ, gawla ngi vurum ɗikey a sa soko ng'avu ka a muwã ngi ɗik, kaɓa wulngar magi ti li biŋ biŋ.

DIMISEY 40:8

Joˀ yi ɓi na: «Pura, y'ani i ra ru ng'avi ka ti ɗerewol mufuɗa, misi mingiɓi mutoho ara vur ya.

BI NGI ISRAYELEY 12:5

Ki sa wuɗam gwat mizile ngi vi pal, zuŋ tumuŋ malla zuŋ ˀaw misi hereweɗ anta ava neˀ ta.

BI NGI ISRAYELEY 24:5

Dar a slina gawla Israyeley, ɓa a gam mikuli ti ginew zlam zlam, waɗ mikuli ti gusoŋhoy da Bumbulvuŋ ɓa ngi luuma zuy.

BI NGI ISRAYELEY 29:18

Ki sa zluma useˀ ngi zlengereke gar zlam zlam ar li gi mikuli. I mikuli mizlam zlam wãˀ da ya Bumbulvuŋ, misi zĩˀĩ naŋ matisliy mevel.

BI NGI ISRAYELEY 29:4

Ki sa kisa Aroŋ ati ziri naŋhaya ng'avi miviŋ ngi guɗuk ngi zlir ati Buymisemuŋ, joˀ kisa buna taŋ kaɓa mezegwel mawuɗo.

BI NGI ISRAYELEY 29:42

Mikuli mizlam zlam kum masa gaka a mizlingre ngi guɗuk ngi zlir ati Buymisemuŋ na, i nah so. Ki sa gaka ngi caˀa vur vi vur vi a mbuŋ ɗu, ya masa zlir ti ka ɓa i ɓuw ɓi na, a diga so.

BI NGI ISRAYELEY 32:6

Li naŋ muwuno, ceɗ hiri si na, mizli a gam mikuli mizlam zlam wãˀ, waɗ mikuli ngi luuma zuy, mizli a cifam jojoˀ, a zumam gwat, a sam mbaazla, a slikiɗam ɓa a gam dungur.

BI NGI ISRAYELEY 35:21

Akẽh na, mizli misi mevel mezlehey, mavulam ti gula ti hazumo, a soko ti gwat ngi vul taŋhay da Bumbulvuŋ, ɓa ngi ɗiya guɗuk ngi zlir ti Buymisemuŋ, ngi gi slra naŋhay gar waɗ ngi tufa zana ngi slra a mbuŋ Buymisemuŋ.

BI NGI ISRAYELEY 35:29

Israyeley gar, ziley ati ngwas muvul ti gula ti hazumoy gar na, a soko ti gwat taŋhaya ngi mongoy taŋ, a vulaka da Bumbulvuŋ, ɓa ngi gi slra Bumbulvuŋ muɗuva da Moyis tuwa.

BI NGI ISRAYELEY 35:5

«Cikilam gwat ngi vul da Bumbulvuŋ, muvul ti mevel purlahay, a sa soko ti sukwi ngi gwatay gar: ɓiri tapasl tapasl, ɓiri bara, ɓiri gaza,

BI NGI ISRAYELEY 36:3

Moyis a vula taŋ gwatay Israyeley mucukuloko taŋ ngi ɗiya hay ngi Bumbulvuŋ tuwa. Vur miprik gar na, mizli ara soko ti gwat ngi vulo ngi mongoy taŋ na si.

BI NGI ISRAYELEY 38:1

A dirba nah, Besalel a ɗiyi li gi mikuli ti dum ngi ngalalay, ngi gi mikuli ti ginew zlam zlam wãˀ, jek naŋ ati sliprik naŋ rak raka, metir cuw ti reta metir cuw ti reta, yo gil naŋ metir pal ti reta.

EZAYI 1:11

Bumbulvuŋ a ɓi: «Mikuli kumoy mihaɗa vuna, i sa gi taŋ mike? Mikuli kum ngi tumuŋ mizlam zlam wãˀ ati mungul ngi ziri slahay na, a ɓuliy mi le. Pumbus ngi gusoŋhoy, ngi ziri tumuŋ ati ngi bazuwayay na, y'anta wuɗ mata.

EZEKIYEL 20:40

Asi Israyeley misi asi ruwuy gar, masa gikiy mezegweley na, a muwã ɗu mipal, muwã migila ngi Israyel na. Gwat kum masa zuɓaka taŋ avu gwat kumoy, gwat ngi vul kum mimezlehey da ya ati gwat kum masa vulaka taŋ gar na, i sa tiɓa taŋ a diga. I ya Bumbulvuŋ, Buymisemuŋ maɓi.

EZEKIYEL 40:39

Tabuloy ada ar jawleeru ngi mizlingre tuwa, cuw ti ka cuw ti ka. Ginew ngi mikuli mizlam zlam ati mikuli vur mungra waɗ mikuli ngi ɗiya ɓi na, a slaka ˀay taŋ ar taŋ.

LEVIHEY 1:10

Da mbur a wuɗ le a gi mikuli mizlam zlam wãˀ ti tumuŋ malla ˀaw na, sey a jo di i ginew mizileŋ, manja hereweɗ ava.

LEVIHEY 14:10

Angi hin mindangafaɗ naŋ na, a ji ziri tumuŋhoy cuw, manja hereweɗ avu taŋ, yo tumuŋ mongoso pal ngi vi purla, manja hereweɗ ava, a vul hapa kilo ngoltir, fukaɗ fukaɗ ti mal, waɗ mal reta litir.

LEVIHEY 16:7

A hila bazuwayay mucuw tuwa, aru taŋ nga mbuŋ ɗu, ya Bumbulvuŋ, a mizlingre guɗuk ngi zlir ti ya.

LEVIHEY 17:4

manja aru di ndol le a mizlingre guɗuk ngi zlir ti ya Buymisemuŋ, yo a biga bigeˀ le ngi vul da ya Bumbulvuŋ a mbuŋ guɗuko ta na, a sa cufuɗaka ɓi ngi pumbus naŋ mipa na ava, yo a sa gwahaka mbur nah ti wuzla mizli naŋhay avra.

LEVIHEY 17:8

Yo kisa ɓa taŋ ma na, da mbur Israyel malla moholoy misi a wuzla kumo, da a wuɗ le ɓa a gi mikuli mizlam zlam wãˀ malla mikuli mekelem pal na,

LEVIHEY 17:9

sey aru ti ginewe ndol le a mizlingre guɗuk ngi zlir ti ya, ɓa a giy di mikuli. Da buy nah a ga kanah ta na, a sa gwahakaŋ ti wuzla muy naŋhay avra.

LEVIHEY 23:12

Tapas kum masa gaka mezegwel ti maslapa tuwa na, kisa gam mikuli mizlam zlam wãˀ da ya Bumbulvuŋ ti zuŋ tumuŋ ngi vi purla, manja hereweɗ ava,

LEVIHEY 23:18

Jom ng'avi ɗaf na ma na, kisa soko ti ziri tumuŋ ngi vi pal palay tarnaˀ, i manja hereweɗ avu taŋ, yo gusoŋ purla waɗ zlengerekey cuw, ngi gi taŋ mikuli mizlam zlam wãˀ da ya Bumbulvuŋ, ti hapa naŋ ati mbaazla ngi pusl naŋ zlaɓ zlaɓa. Tayna i gwat ngi zum mizlam zlam wãˀ, misi zĩˀĩ naŋ a tisliy mevel da ya Bumbulvuŋ.

LEVIHEY 3:1

Da mbur a wuɗ le ɓa a gi mikuli ngi jumoˀay ati ya Bumbulvuŋ ti sla na, sey a jo di i gusoŋ malla bulkoŋ manja hereweɗ ava, nga mbuŋ ɗu.

LEVIHEY 4:15

Micawwa ngi wuzla mizli a bucaka haŋ a hirnga gusoŋ a mbuŋ ɗu. Joˀ a slaka ˀay naŋ daˀ a mbuŋ ɗu.

LEVIHEY 4:23

Da a bigakaŋ mungra naŋ miga nah le na, sey a so di ngi vul da ya Bumbulvuŋ i bazuway manja hereweɗ ava.

LEVIHEY 4:3

da i masay madiɗa miga mungra nah, yo mungra nah a tiri ti mizli le gar i migi malambaˀhay na, sey a so di da ya Bumbulvuŋ i gusoŋ manja hereweɗ ava ngi gi mikuli ngi pula mungra.

LEVIHEY 4:32

Da mbur mici ar mungra a so di ngi vul ngi gi mikuli ngi pula mungra naŋ i tumuŋ na, sey tumuŋ mongoso, manja hereweɗ ava.

LEVIHEY 5:15

«Mburo, tir manja sin naŋ na, a gi mungra madiɗa le, asi a zluɓa vula gwat mihĩˀĩ da ya Bumbulvuŋ na le. Na, ɓa ngi ɗiya ɓi nah avu ya na, sey a so ti zlengerek manja hereweɗ ava. A jo di a wuzla tumuŋ naŋhay, yo anja naŋ puɗaw kaslsla avu cikili magam di slra ar hay nga ya Bumbulvuŋ tapasaŋ, ɓa a gi di mikuli ngi ɗiya ɓi naŋ.

LEVIHEY 5:18

Ɓa ngi gi mikuli ngi ɗiya ɓi nah na, sey a so ti zlengerek manja hereweɗ ava, zlengerek naŋ mujo di a wuzla tumuŋ naŋhay. Anja naŋ kaslsla avu cikili ngi zlengerek ngi mikuli ngi ɗiya ɓi. Da masay a gaŋ mezegwel ngi zula mungra naŋ miga waˀ waˀ ta tir manja sin naŋ tuwa le na, ya Buymisemuŋ i pulaŋ mungra naŋ na le ya.

LEVIHEY 6:2

«Aroŋ ati ziri naŋhaya, ɓa taŋ ɓi ngi gwat ya mawuɗ ani: Ɓi ngi mikuli ngi zlum zlam zlam wãˀ: Mikuli hana a hin kap ti duvuɗo ar li zlum hã ti mipriki. Vu naŋ da, ara tiɓi ar li gi mikuli na si.

LEVIHEY 6:8

Hapa milihiɗa ti mal ɓa ngi vul ngi gi sedege da ya Buymisemuŋ na, a hilam ngbal haŋ, waɗ mukuturɓuy miɓaˀ ar hapa ngi vul ngi gi sedege tuwa paɗ wãˀ. Joˀ a wuraka ar li gi mikuli tuwa. I urdi ngi tisliy mevel da ya Bumbulvuŋ, ya mawulka mbur nah keŋ ava.

LEVIHEY 7:16

Mikuli, mbur muso le nga gi naŋ, da i mikuli ngi ‹ji mi ngi Buymisemuŋ›, malla ‹i ngi mongoy naŋ› na, a zumaka gwat ngi gi mikuli nah kalla tapas vul naŋ vuna si. Is naŋ mandire, li naŋ muwun le na, a zumaka zuyo ma.

LEVIHEY 8:18

Moyis a biga zlengerek ngi zlum zlam zlama. Aroŋ ati ziri naŋhay a bucaka haŋ a hirnga zlengerek tuwa.

LEVIHEY 8:21

Gwat ngi hur kwacay ati poprokoyo, Moyis a buna taŋ, dar a zluma zlengereke sir wãˀ ar li gi mikuli. Nah na, i mikuli mizlam zlam wãˀ, misi zĩˀĩ naŋ a tisl mevel, i gwat ngi zum mizlam zlam wãˀ da Bumbulvuŋ kaɓa naŋ muɗuva da Moyis tuwa.

LEVIHEY 9:2

Moyis tuwa, a ɓa Aroŋ na: «Ji zuŋ sla ngi gi mikuli ngi pula mungra, waɗ zlengerek ngi zlum zlam zlam, taŋ cuw taŋ manja hereweɗ avu taŋ, yo ɓa ki biga taŋ a mbuŋ Bumbulvuŋ.

ZAKARI 13:7

Ka maslalam, puk pak ng'ar mijigin ɗu, waɗ ng'ar cil ɗu mupuɗaw na so. Kiɗa mijigin ɗu vagay, tumuŋhoy a sa zliɗam hirnga, yo ko ziri memeɗehey kwana, i sa zuɓa haŋ ɗu ng'ar taŋ. I ya Bumbulvuŋ misi gidaŋ wãˀ maɓi.

MALASI 1:14

Mbur misi ti ginew mizile mezle ar gezleŋ naŋ, a pula nah mbak murvay. Amma a ɓi ngi vul, yo ngi gi mikuli da ya Bumbulvuŋ i ginew mezle ta na, nis a jaŋ le. Asi yi buy madiɗa, yo slimiɗ ɗu ara ga zluwun da sukwi ngi mizli. I ya Bumbulvuŋ misi gidaŋ wãˀ maɓi.

SLUFA VU 15:3

kisa gikiy mikuli ti ginewey. Mikuli mizlam zlam wãˀ malla mikuli ngi ɗiya ɓi. Ki sa gikiy di ngi ɗiya ɓi ngi hudum, malla ngi mongoy kum, malla tapas muguzlumoy. Vurˀe, ki wunam sla, tumuŋ malla ˀaw, naɓa zĩˀĩ taŋ, a sa tislikiy mevel.

SLUFA VU 15:8

Da naŋ magi da ya Bumbulvuŋ i mikuli ti gusoŋ zlam zlam malla mikuli ngi jumoˀay, ngi ɗiya ɓi ngi hudum malla mikuli ngi luuma zuy na,

SLUFA VU 19:2

«Ɓimuɗuva, ya ɓi micica na, ani: ɓa Israyeley a sukuw ti sla mivirziŋŋe, manja hereweɗ, mikakaŋ galalaŋ ɗaˀ ta.

SLUFA VU 23:19

Buymisemuŋ i mbur ɓa a gi slir ta. I mbur titira ɓa a mbiɗa wuluk naŋ ta. Da a ɓa ɓi le na, a ga cummo si, da a ɓi le ngi gi gwat na, a ga gbaˀa.

SLUFA VU 23:27

Balak a ɓaŋ ma: «Sawa, i ru ti ka ng'ar li mekelem ma. Asinta, Buymisemuŋ a sa ngum, ɓa ki nisiy sukwi tayna baɗ a diga.»

SLUFA VU 23:3

Balaˀam a ɓa Balaka: «Cici gweˀ avu gwat ngi mikuli ɗik mazlum na, yi wuɗ i buˀ neˀ avu ka. Asinta, Bumbulvuŋ a sa ji ti ya hirnga kwani? da a ɓiy di i ɓi wana wana gar na, yi sa ɓuw di.» A jiɗ nga muwã manja widisey.

SLUFA VU 23:30

Balak a ga kaɓa Balaˀam miɓaŋ di tuwa. Dar a gi mikuli ti gusoŋ pal waɗ zlengerek pal ar li gi mikuliheye tiɗeˀe.

SLUFA VU 28:11

Ar hin mudumbuŋ ngi kiya gar na, kisa gam mikuli mizlam zlam wãˀ da ya Bumbulvuŋ. Ki sa gaka ti gusoŋhoy cuw, zlengerek pal, waɗ ziri tumuŋ ngi vi pal palay tarnaˀ, ginew manja hereweɗey gar taŋ.

SLUFA VU 28:19

Ki sa gam mikuli mizlam zlam wãˀ da ya Bumbulvuŋ: ti gusoŋhoy cuw, zlengerek pal, waɗ ziri tumuŋ ngi vi pal palay tarnaˀ, ginew manja hereweɗ avu taŋ.

SLUFA VU 28:31

Ki sa jumoko mikuli tayna gar ng'avi mikuli mizlam zlam wãˀ vur hin gar, waɗ gwat ngi vul aseˀe na, kisa gaka ti ginew manja hereweɗ avu taŋ waɗ mbaazla pesl tuwa.»

SLUFA VU 29:13

Hin mudumbuŋ naŋ na, kisa gam mikuli zlam zlam da ya Bumbulvuŋ ti gusoŋ kuruˀ nga makir, zlengerek cuw, ziri tumuŋ ngi vi pal palay kuruˀ nga mufaɗ, i ginew manja hereweɗey gar. Ziˀĩ taŋ mundum na, a sa tisliy mevel da ya Bumbulvuŋ.

SLUFA VU 29:2

Ki sa gam mikuli mizlam zlam da ya Bumbulvuŋ: ti gusoŋ pal, zlengerek pal waɗ ziri tumuŋ ngi vi pal palay tarnaˀ, ginew manja hereweɗey gar. Ziˀĩ taŋ mundum na, a sa tisliy mevel da ya Bumbulvuŋ.

Ɓimezle ngi Yesu Kristu LUK mitil di mi 1:35

Modro a mbiɗaŋ di: «ˀUf Mipal a sa so ar ka, gidaŋ ngi Buymisemuŋ Mimadiɗa a sa sirtuw ti susuɗuk naŋ. Vurˀe, mangal masa ya ka na, naŋ pal, yo a sa zilaka Mangal ngi Buymisemuŋ.

Ɓimezle ngi Yesu Kristu ZAŊ mitil di mi 1:36

A ɗuva hiri taˀ angi Yesu macuh na, a ɓi: «Puraka, tumuŋ ngi Buymisemuŋ ani!»

Ɓimezle ngi Yesu Kristu ZAŊ mitil di mi 10:7

Dar Yesu a ɓi ma: «Gisiŋ gisiŋ, yi ɓukum na: Yi mi ngi gezleŋ ngi tumuŋhoy.

Ɓimezle ngi Yesu Kristu ZAŊ mitil di mi 10:9

Yi mi ngi gezleŋ. Da mbur mici le tir ya na, a sa lihi. A sa bi, a sa mawa, a sa lum gwat ngi zumo ma kini.

KORENTIHEY MUCUW NAŊ 8:12

Da wuluk ngi gi gwata, i mezle gisiŋ na, Buymisemuŋ a tuɓuw kuy kuy jom ati gwat ɗike, anta slufa gwat mikic avu ka na ta.

KORENTIHEY MUCUW NAŊ 9:7

Anja mbur gar a vul ka naŋ muwulka le a mevele, manja niˀic malla manja tika ˀay. Asi Buymisemuŋ a wuɗ di i mbur mavul gwat ti mumul.

EFESEY 2:18

Yudehey ati Yudehey ta na, ndra gar ndra makraham gweˀ ng'avi Cine ndra gu na, mbele Kristu ti jini ngi ˀUf Mipal nah vuna.

EFESEY 5:27

A wuɗ ɓa a bigaŋ a mbuŋ naŋ, i Cikil ngi misikristuhoy, mukuy haɗi, celele, kuleɗ kuleɗ, ko hereweɗ neˀ ava anta. A wuɗ ɓa mizli naŋhay a ndiram taŋ pal, yo ko gwat ngi mbiɗa taŋ hirnga neˀ, anta avu taŋ ta.

Slu cuw 12:27

Ki sa gam mikuli mizlam zlam wãˀ, useˀ naŋ ati pumbus naŋ, kisa vulaka taŋ ar li ngi mikuli da Bumbulvuŋ Buymisemuŋ kum. Da i mikuli ngi jumoˀay na, kisa paka pumbus naŋ ar li gi mikuli, joˀ ki zumaka useˀ na.

Slu cuw 15:21

Da ginewe naŋ ti hereweɗ ava, da i jegwer malla dangar, malla ko hereweɗ wanaka gar na, ki vulaka da Bumbulvuŋ Buymisemuŋ kumo ta.

Slu cuw 17:1

Sla, tumuŋ malla ˀaw mukuy kuy ta, hereweɗ malla misi zluɓ madiɗa ava na, ki gam di mikuli da Bumbulvuŋ Buymisemuŋ kumo ta, asi Bumbulvuŋ a pura na, i malambaˀ muwãˀ naŋ.

HEBEREY 7:26

Yesu i masay madiɗa a mbuŋ Buymisemuŋ, ka ndra mawuɗam. Naŋ pal, malambaˀ ati mungra anta ava ta, naŋ wal avu migi mungraˀahaya. Buymisemuŋ a zuɓa le hã nga duba muŋ.

HEBEREY 9:14

Na, pumbus ngi Kristu, naŋ gidaŋ fineˀ nah ta jak kwa? Naŋ ti haŋ naŋ, a vula hirnga naŋ ti ˀUf Mipal ngi sete, a gi di mikuli manja gwat malambaˀ araŋ. Pumbus naŋ a buna wuluk malambaˀ ngir mevel ndra, ɓa i huruk hurukam a mbuŋ Buymisemuŋ misi ti siifa.