LEVIHEY 1:14 - Bible en langue guiziga

¹⁴ Da mbur a wuɗ le a gi mikuli mizlam zlam wãˀ da ya Bumbulvuŋ ti ɗiyuw na, sey a jo di i gonok malla ɗiyuw dirgwaɗa.

LEVIHEY 1:14 ပူးပေါင်းရင်းမြစ်များ

ZLI VIRZI 15:9

Bumbulvuŋ a ɓaŋ: «Siy ti sla bulkoŋ ngi vi makir, ˀaw ngi vi makir, zlengerek ngi vi makir, gonok waɗ zuŋ ɗiyuw dirgwaɗ.»

LEVIHEY 12:8

«Da ngwas a vula zuŋ tumuŋ gu ta na, a wuɗ gonokoy cuw malla ɗiyuw dirgwaɗay cuw, mupurla mekeleme, ngi gi mikuli mizlam zlam wãˀ, yo mupurla numuŋ kwana, ngi gi mikuli ngi pula mungra. Da tapas masay miga mezegwel ngi vula jiviɗ ngi pula mungra le ar ngwas tuwa na, naɓa medevle naŋ a bun le.»

LEVIHEY 5:10

Ɗiyuw mucuw naŋ na, a gi di mikuli mizlam zlam wãˀ kaɓa muɗuvaka jiviɗ naŋ. Da masay, a ga mezegwel ngi pula mungra ngi mburo le kanah na, naɓa ya Buymisemuŋ i pulaŋ mungra naŋ miga na le.

LEVIHEY 5:11

Da mbur a luuma gonokoy cuw malla ɗiyuw dirgwaɗay cuwo gu ta ma na, ko da i hapa kilo makir kwana, a so di ngi gi mikuli ngi pula mungra naŋ vuna gu. A pi mal anga ta, yo a ki mukuturɓuy ngi zlum ti zlum anga ta, asi i mikuli ngi pula mungra.

LEVIHEY 5:7

«Da mburo, gwat naŋ anta ngi vula tumuŋ malla ˀaw ngi ɗiya ɓi ngi mungra naŋ miga na ta na, ko gonokoy cuw malla ɗiyuw dirgwaɗay cuw kwana, a so taŋ da ya Bumbulvuŋ gu. Purla mekeleme, ngi gi mikuli ngi pula mungra naŋ miga na, yo purla numuŋ kwana, ngi zlum zlam zlam wãˀ.

Matiye 11:29

Juwaka galalaŋ ɗu avu ˀay, dubunam gwat avu ya, vur yi mbur miteˀteˀ, mihina hirnga a mevele, kisa muskam vu gisiŋ.

Matiye 21:12

A dirba nah na, Yesu a ci ng'ar hay ngi Bumbulvuŋ a Zeruzalem. A ɓula migi tererehey ati mihiɗika gwatay gar. Tebur ngi mimbiɗi dalahay ati janga ngi migi terere ngi ɗiyuw dirgwaɗay cek na, a putukuso taŋ gar avra.

Ɓimezle ngi Yesu Kristu LUK mitil di mi 2:24

Ti Mariya ati Zozefe, a vulam gwat ngi gi mikuli a mbuŋ Buymisemuŋ kaɓa ɓimujuwa miɓa, gonokoy zlaɓ cuw, mizile ati mongoso, malla ziri ɗiyuw dirgwaɗay cuw.»

KORENTIHEY MUCUW NAŊ 8:12

Da wuluk ngi gi gwata, i mezle gisiŋ na, Buymisemuŋ a tuɓuw kuy kuy jom ati gwat ɗike, anta slufa gwat mikic avu ka na ta.

HEBEREY 7:26

Yesu i masay madiɗa a mbuŋ Buymisemuŋ, ka ndra mawuɗam. Naŋ pal, malambaˀ ati mungra anta ava ta, naŋ wal avu migi mungraˀahaya. Buymisemuŋ a zuɓa le hã nga duba muŋ.