Ɓimezle ngi Yesu Kristu ZAŊ mitil di mi 9:39 - Bible en langue guiziga

³⁹ Joˀ Yesu a ɓi: «Yi so ar duniya misenna ɓa ngi sli kiita, ɓa mizli mapuram tahay a puram, yo mapuramay kwana, a hulufom.»

Ɓimezle ngi Yesu Kristu ZAŊ mitil di mi 9:39 ပူးပေါင်းရင်းမြစ်များ

EZAYI 29:10

Asi Bumbulvuŋ a pukum musuwun ngi gukum vu guluɓ guluɓ le. Kum mijiviɗey, a tuɗukum hiriheye le, kum mupur ti kleŋhey, a juwukum hirngahaya le.

EZAYI 44:18

Mizli tayna, anta cinam ta, anta slaka wala ngi gwata ta. Asi hiri taŋ i mislirɓa le, mbak ko a puram mata, mevel taŋ kwana kanah ma, mbak ko a sinaka ɓi gu mata.

EZAYI 6:9

A ɓiy ma: «Aru, ɓa mizli: ‹Ki sa cinam kuy kuy ɓula, amma kum anta sa slaka wala naŋ ko neˀ ta, kisa puram kuy kuy ɓula, amma kum anta sa sinam gwat ko neˀ ta.›

EZEKIYEL 12:2

«Ka mburu, ka micifi joˀ na, a wuzla sukwi ngi mislikiɗa ɓihey. Hiri ada avu taŋ ngi pur ngbaŋ, amma anta puram ta, slimiɗ ada ngi cin ngbaŋ, amma anta cinam ta, asi taŋ i sukwi ngi mislikiɗa ɓihey.

Matiye 11:5

Dangaray ara puram, jegwerey ara ram, misi kukulahay a ɗiyam le, midigizlahay ara cinam, mumucahay ara slikiɗam, yo ara tilam mi ti Ɓimezle da misi murgahaya.

Matiye 15:14

Pulaka taŋ, i dangar miɗiɗa dangar cil taŋhay. Da dangar ara ɗiɗi dangar cil naŋ na, taŋ cuw taŋ a sa ndilam ng'ar vigiɗi.»

Matiye 6:23

Amma da hiri ɗike naŋ kuy kuy ta na, naɓa dumvu ɗik gar kwana, naŋ ar luvuŋ. Da li minjahha misi avu dumvu ɗik i luvuŋ na, kay i luvuŋ mitimbiɗim wãˀ.»

Ɓimezle ngi Yesu Kristu LUK mitil di mi 1:79

A pusluɗa li da mizli misi ar luvuŋ, yo mazluwunam ti muco, ɓa aru ti ndra, i sipam jiviɗ muzuy.»

Ɓimezle ngi Yesu Kristu LUK mitil di mi 13:30

Naŋ kine, mizli ngi dirbahay wurenna, a sa tiram ngi mbuŋhoy, yo mizli ngi mbuŋhoy wurenna a sa tiram ngi dirbahay.»

Ɓimezle ngi Yesu Kristu LUK mitil di mi 2:34

Simeyoŋ a ɗuwula taŋ mi, a ɓa Mariya, mumuŋ ngi Yesu: «Mangal hana, Buymisemuŋ a winaŋ le ngi hizigiɗa malla ngi slikiɗa Israyeley haɗa, yo ɓa a sa puraka Buymisemuŋ ava, amma mekelemey anta sa tiɓakaŋ ta.

Ɓimezle ngi Yesu Kristu LUK mitil di mi 4:18

«ˀUf ngi Bumbulvuŋ naŋ da angi ya. Asi a winiy le ngi tila mi ti Ɓimezle da misi murgahay. A slino ya ɓa ngi tila mi ti ɓi ngi laha dangayay, ngi tila mi ti ɓi ngi wuna hiri ngi dangaray, ɓa ngi pula mizli masam bonoyo, ɓa a lumam hirnga taŋ,

Ɓimezle ngi Yesu Kristu LUK mitil di mi 7:21

Kasl ti nah na, Yesu ara mbul misi jijihey ati misi blehey haɗi, ara ɓul setenehey ti vi mizli, yo ara wun hiri ngi dangaray haɗi.

Ɓimezle ngi Yesu Kristu ZAŊ mitil di mi 12:31

Wurenna, i pas ngi gi kiita da duniya hana. Wurenna, yarma ngi duniya hana, a sa ɓulaka avra.

Ɓimezle ngi Yesu Kristu ZAŊ mitil di mi 12:46

Ya, li minjahha, i so le ar duniya, ɓa ko wa gar matiɓiy na, a ndir ar luvuŋ ta.

Ɓimezle ngi Yesu Kristu ZAŊ mitil di mi 3:17

Asi Buymisemuŋ a slino Mangal naŋ ar duniya, ɓa a ga kiita da duniya ta, amma ɓa duniya a lih mbele naŋ.

Ɓimezle ngi Yesu Kristu ZAŊ mitil di mi 3:19

Kiita a gi anihĩ: li minjahha a so le ar duniya, amma mizli a hĩyãm luvuŋ fineˀ li minjahha tuwa, asi gwat ngi gi taŋ i malambaˀa.

Ɓimezle ngi Yesu Kristu ZAŊ mitil di mi 8:12

Akẽh na, Yesu a ɓa mizli tuwa ma: «Yi li minjahha ngi duniya. Mbur maru asi ya na, anta sa ru digi angi luvuŋ ta wãˀ, a sa lum li minjahha maru ti mbur ng'ar siifa.»

Ɓimezle ngi Yesu Kristu ZAŊ mitil di mi 8:15

Kumo, ki slam kiita ka ngi mizli si. Ya, y'anta sli kiita da mbur ta.

Ɓimezle ngi Yesu Kristu ZAŊ mitil di mi 9:25

A mbiɗa taŋ di: «Da i mbur magi mungra, yi si na ta. Gwat purla ya misina na: yi dangar zleˀe ɓula, amma wurenna, i ra pur muduba.»

SLRA 26:18

ɓa ki wuna taŋ hiri, ɓa ki bo ti taŋ tir luvuŋ ng'ar li minjahha, tir gidaŋ ngi Satan ng'avu Buymisemuŋ, ɓa mungra taŋhay a puyam avra, yo ɓa a lumam li cifi a wuzla mizli Buymisemuŋ muwuna taŋ, mbele tiɓi taŋ na.›

KORENTIHEY MUCUW NAŊ 2:16

Avi mizli mazizamaya, i zĩˀĩ ngi muc maru ti mbur ng'ar mucu. Avu mizli malahamaya, i zĩˀĩ ngi siifa maru ti mbur ng'ar siifa. Mandila gi slra hana gu, i waka?

EFESEY 5:14

Vur gwat minjik le gar na, i li minjahha. Vurˀe, a ɓam na: «Ka mahinje na, puɗuku, slikiɗ ti wuzla mumucahaya, joˀ Kristu a sa pusluɗa li njahha ar ka.»

TESALONIKEY MUCUW NAŊ 2:10

Mizli masa zizam gar na, a sa tikina taŋ ti slra malambaˀ miwal wal gar, asi wuɗavu ngi ɓi mijeŋŋe ngi Buymisemuŋ masa laha taŋ zleˀe na, a ngumam tiɓi naŋ ta.

PIYER MUDUMBUŊ NAŊ 2:9

Amma kum i sukwi Buymisemuŋ muwunu kum le. Kum i masay madiɗa ngi Buy madiɗa, sukwi ngi Buymisemuŋ, kum i mi nga naŋhay wãˀ. Buymisemuŋ muzulukum tir luvuŋ ɓa ki cam ng'ar li minjahha naŋ, misi ɓi naŋ a ɓi ta na, ɓa ki tilam mi ti ɓi ngi gi gwat madiɗahay, naŋ miga taŋ na.

ZAŊ MUDUMBUŊ NAŊ 2:11

Amma mbur mahirsa sukum naŋ na, naŋ angi luvuŋ, ara rudigi angi luvuŋ, yo aru vuna kini nga maka na, a si na ta, asi luvuŋ a hulufoŋ le.