Ɓimezle ngi Yesu Kristu ZAŊ mitil di mi 9:34 - Bible en langue guiziga

³⁴ A mbiɗakaŋ di: «Ka guzluv ar mungra zle ti taŋ muyukuw caka, ɓa ki so dubuna ndra gwat mbri mbrike?» Dar a ɓulaka tir hay ngi dira dibiɗe ng'avra.

Ɓimezle ngi Yesu Kristu ZAŊ mitil di mi 9:34 ပူးပေါင်းရင်းမြစ်များ

ZLI VIRZI 19:9

Taŋ a mbiɗakaŋ di: «Kirih nga kẽh!» Joˀ a ɓam ma: «Mbur hana a slikiɗo ti slikiɗ ma na, a wuɗ a biga ndra ɓi kwa? Da kine na, i ra gakaŋ malambaˀ fineˀ ngi mulakay vuna jaka.» A paka haŋ sek da Loto, a kiraham ng'avi miviŋ ɓa a ngilakaŋ.

ƁI NGI HINEY MUCUW NAŊ 25:16

Ti mijiviɗ mira ɓaŋ kanah tuwa na, Amasiya a slaŋ di, a ɓaŋ: «A cucukuw kaɓa ngi biga wuluk da ya buyo kwa? Ki ɓi hirdam hirdam ta, malla ki wuɗ kiɗ kwa?» Mijiviɗ a ɓi hirdam hirdam mata, amma a ɓaŋ: «Ka migi kahana, yo ka mitiɓa wuluk ɗu ta na, yi si na le, Buymisemuŋ a juwa le ɓa a kiɗuw vagay.»

Ɗerewol JOP 14:4

Mabo ti gwat manja dili tir gwat misi dili i waka? Ko mbur anta.

Ɗerewol JOP 25:4

Ɓa mbur a gi jeŋŋe mbak Buymisemuŋ le mbri mbri maka? Mbur, ngwas miya ma na, naŋ manja dili na, a gi kwa?

DIMISEY 51:5

Asi i si na zluɓ ɗu le, mungra ɗu naŋ da ndrehhe a mihiri ɗu.

BI NGI ISRAYELEY 2:14

Mbur tuwa, a mbiɗaŋ di: «Mucuw ka ki buy, yo ɓa ki ga ndra kiita i waka? Ki ro ti wuluk ngi kiɗ ɗu, kaɓa ka mikiɗa mbur Ezipte na ya kwa?» Zluwun a ga Moyise le, a ɓi ti kwacay naŋ: «Mizli a sinaka ɓi hana vuna le!»

MIKUCUWULOY 22:10

Mbur masingir ar mbur na, ɓula avra, naɓa tiri a kiɗ mi le: yo tiri ati zi vu anta mata!

MIKUCUWULOY 26:12

Mbur mapura vu naŋ ka naŋ ti sinmijileŋ na, keɗ keɗ na, zuwen njaha hiri haɗa asi mbur gilawa, a funa le.

MIKUCUWULOY 29:1

Mbur mimbiɗakaŋ hirnga le, amma naŋ anta cin ta na, a sa hiryi gurjik, ko slalak naŋ anta.

EZAYI 65:5

A ɓaka mburo: «Cici deŋ akẽh, ki wusiy ta, ki wusiy manja mendere a lumuw na, a gi ta.» Ya mapura gwat ngi gi taŋ tayna gar na, a jiy mevel, a tiɓi ka vu, cunju sẽwwe, mbak le anta.

EZAYI 66:5

Kum mizli majijikam ti mingiɓi nga ya Bumbulvuŋ na, cinaka mingiɓi, ya maɓukum di ani: Sukum kumoy mahirsukum, yo maɓulukum avra vur ya na, a ɓam ani: «Anja ya Bumbulvuŋ i biga dudok ɗu, yo anja ɓa a puraka zluzluɓ kumo kini.» Na masa pam mesem i taŋ vuna jaka.

Ɓimezle ngi Yesu Kristu LUK mitil di mi 11:45

Dar buy ngi ɓimujuwa a ɓa Yesu: «Kumani, ka maɓi kanah vuna, ki zi di i ndra vuna ya!»

Ɓimezle ngi Yesu Kristu LUK mitil di mi 14:11

Asi mike na, mbur gar maɗuva hirnga da vu naŋ na, a sa makaŋ nga ruwuy. Yo mbur gar mama vu naŋ na, a sa ɗuvakaŋ hirnga.»

Ɓimezle ngi Yesu Kristu LUK mitil di mi 18:17

Gisiŋ, yi ɓukum na: Mbur matiɓa Zumabuy ngi Buymisemuŋ kaɓa zuŋ meciɗek ta na, anta sa ci anga ta wãˀ.»

Ɓimezle ngi Yesu Kristu LUK mitil di mi 6:22

«Da mizli ara gam mesene ti kum, ara ɓulukum avra, ara zukum, yo ara vusoko slimiɗ kumo, asi Mangal ngi mbur na, yawwa kum mumulom!

Ɓimezle ngi Yesu Kristu ZAŊ mitil di mi 6:37

Mizli Baha mavuliy taŋ gar na, a sa soko ng'avi ya. Yo mbur maso ng'avi ya na, y'anta sa hizigaŋ avra ta ndiɗaˀ.

Ɓimezle ngi Yesu Kristu ZAŊ mitil di mi 8:41

Kumo, ki gam di i gwat ngi cine kum.» A mbiɗakaŋ di: «Cine ndra purla si, i Buymisemuŋ. A yam ndra ngi madama ta.»

Ɓimezle ngi Yesu Kristu ZAŊ mitil di mi 9:2

Mizli ngi seˀehey a cufuɗakaŋ: «Kumani, migi mungra ɓa a sa yakaŋ cak i dangar na, i naŋ kwa malla i miyi naŋhay kwa?»

Ɓimezle ngi Yesu Kristu ZAŊ mitil di mi 9:22

Miyi naŋhay a ɓam kahana, vur a zluwunam ti Yudeheye. Asi Yudehey a jumom ˀay le ar wala taŋ, a ɓam: «Ko wa gar miɓi le: ‹Yesu i Mesi› na, a ɓulaka tir hay ngi dira dibiɗ avra.»

Ɓimezle ngi Yesu Kristu ZAŊ mitil di mi 9:35

Yesu a cine na, a ɓulaka mbur tuwa le. Dar ara lumaŋ, a ɓaŋ: «Ki tiɓa Mangal ngi mburo le kwa?»

Ɓimezle ngi Yesu Kristu ZAŊ mitil di mi 9:40

Farisahay misi ati naŋ micinaka mingiɓi nah na, a ɓakaŋ: «Gwat asinta, ndra kwana, ndr'i muhulufohoyo ya kwa mbrike?»

KORENTIHEY MUDUMBUŊ 5:13

Mizli misikristuhoy ta na, masa ga taŋ kiita i Buymisemuŋ. Ɓimutoho aɓi: «Bam ti mbur misi moˀore ti wuzla kum avra.»

GALATAY 2:15

Ndra, ndr'i Yude miya cak ti yihey. Ndr'i mizli duniyahay, migi mungrahay na ta.

EFESEY 2:3

Zleˀe kwana, ndra gar ka taŋ vuna ya. I sipam gwat kpak ngi vu ndra mahĩyã. I gam gwat vu ndra ati lesl ndra mawuɗo. Naŋ kine, ti kpak ngi vu ndra na, i ndilaka le ɓa Buymisemuŋ a zuɓ himaˀ ar ndra kaɓa naŋ mazuɓ ar mizli mekelemey na ya.

PIYER MUDUMBUŊ NAŊ 5:5

Naŋ kanah ya, kum gawlahay, hinam hirnga a mbuŋ mizli micawwahaya. Ar jumoˀay kum gar ar wala kum na, kaka hina hirnga ɓaˀ avu vu ka zana, asi a tohoko na: «Buymisemuŋ a cici kaŋ kaŋ avu mizli mahuhumom vu hoyo, amma a ga mezle da mizli mahinam hirnga a mbuŋ naŋ.»

ZAŊ MIMAKIR NAŊ 1:10

Vurˀe, da ya misa ndil le na, i sa njika malambaˀ naŋ, naŋ maga na gar. Mi ngi kuw ati slir naŋ, naŋ maga ar ndra na, i nah tew ta ma, sukum ndra mekelemey mindilam le gar na, a ngum tiɓa taŋ ta. Mizli mawuɗam a tiɓaka taŋ ma na, a tika taŋ, a ɓula taŋ ti wuzla cikil ngi misikristuhoyo avra.

ZAŊ MIMAKIR NAŊ 1:9

I toho ɗerewol le neˀ da cikil ngi misikristuhoyo, amma Diyotref, mbur mawuɗ wa gwatay gar na, a ngum ki slimiɗ ar ɓi ɗu ta.

ƁIMUNJUYO 13:17

Ko mbur mahiɗik gwat gu anta, yo ko mbur mahiɗika gwat naŋ avra gu anta, sey da a ɗuvakaŋ lammba ngi gwat misããmi na le far. Mbiɗeˀvra: slimiɗ naŋ, malla lammba mizlir le kasl avu slimiɗ naŋ.