Ɓimezle ngi Yesu Kristu ZAŊ mitil di mi 9:31 - Bible en langue guiziga

³¹ I sinaka le, Buymisemuŋ anta tiɓa mi ngi mizli migi mungraˀahaya ta, amma a tiɓa mi ngi mbur mazluwun di, yo magi gwat naŋ mawuɗo.

Ɓimezle ngi Yesu Kristu ZAŊ mitil di mi 9:31 ပူးပေါင်းရင်းမြစ်များ

ZLI VIRZI 19:29

Dambalaka, ti Buymisemuŋ maziza walahay ngir li tayna, misi Lot ara na, ara wulka Abrahama keŋŋe, a ɗiɗo Loto ti wuzla bonoyo ng'avra.

ZLI VIRZI 20:7

Wurenna, mi ti ngwas hana da zil naŋ a muŋ, asi zil naŋ i mijiviɗi, a sa dir dibiɗ ar deɗe ɗike, ɓa ngi laha siifa ɗike. Amma da ki maŋ di ta na, si na sin le, kisa muc gisiŋ gisiŋ, ka ati mizli ɗikey gar.»

Ɗerewol JOP 35:12

Dar mizli a wudam, amma Buymisemuŋ anta mbiɗa taŋ di ta, asi moˀore ngi mizli muhuhumo vuhoy na.

Ɗerewol JOP 35:13

Mingiɓi mupuɗaw ta na, Buymisemuŋ anta cine ta, Misi Gidaŋ wãˀa, anta ki slimiɗ ara ta.

Ɗerewol JOP 42:8

Wurenna, jam gusoŋ tarnaˀ waɗ zlengerek tarnaˀ, ara lumaka gawla ɗu Jopo, ɓa ki gam taŋ mikuli mizlamzlam vur hirnga kum, yo ɓa Jopo kwana, a sa dir dibiɗ vur kumo. Ya masa gi ti kum weˀe asi gilaw kum na ta na, mbele naŋ. Asi kumo, ki ɓaka ɓi ɗu kaslsla kaɓa gawla ɗu Jop na ta.»

DIMISEY 106:23

Buymisemuŋ a juwa le a mevele zleˀe ɓa a ngizla taŋ, amma Moyis, mbur naŋ muwunaŋ tuwa, a cici zlak a mbuŋ naŋ, a tikaŋ, ɓa a mucaŋ mevele, a ngizla taŋ mata.

DIMISEY 143:10

Dubuniy gi gwat ngi si mevel ɗiki, asi ki Buymisemuŋ ɗu. Anja ˀUf ɗike, a kisiy tir mezleŋ, ng'ar li manja gwat ngi bi sar.

DIMISEY 145:19

Mizli mazluwunam di na, a ga taŋ gwat taŋ mawuɗama, taŋ mitilakaŋ mi le til si na, a cina, a laha taŋ.

DIMISEY 40:8

Joˀ yi ɓi na: «Pura, y'ani i ra ru ng'avi ka ti ɗerewol mufuɗa, misi mingiɓi mutoho ara vur ya.

DIMISEY 99:6

A wuzla masay naŋhaya, Moyis ati Aroŋ, yo a wuzla mizli mazilaka slimiɗ naŋ na kwana, i Samuyel, taŋ a tumbuloko Bumbulvuŋ le zleˀe, a zila taŋ mi le.

MIKUCUWULOY 15:29

Bumbulvuŋ a cici zar avu misi moˀoreheye, amma a cine diradibiɗ ngi mizli mijeŋŋeheye.

MIKUCUWULOY 21:13

Mbur madisla slimiɗ ɓa a cine widi ngi mbur hĩhĩy ta na, a sa zil vu: gawla kilawa na, mbur mikil widi naŋ anta.

MIKUCUWULOY 28:9

Mbur madisla slimiɗe, ɓa a cine ɓimujuwa ta na, ko diradibiɗ naŋ kwana, naŋ kuy avu Buymisemuŋ ta wãˀ.

EZAYI 1:15

Kum mira hilaka haŋ hoc nga muŋ ngi diradibiɗ na, yi sirta mihiri ɗu sirit. Ko ki diram dibiɗ is mbeˀmbeˀ kwana, y'anta cine ta, asi haŋ kumoyo cih cih ti pumbusu.

EZAYI 58:9

Akẽh so na, da ka misa zila Bumbulvuŋ le na, a sa ziluw mi, Da ka misa wuɗ jini le na, a sa ɓuw «Y'ani!» Asi hirwuy ɗike, da k'anta gi beke ti mizli mata, k'anta gil ɓi da mbur ta, k'anta ɓi ɓi malambaˀ ar mbur ta,

ZEREMI 11:11

Akẽh na, Bumbulvuŋ a ɓi, yo mbak ɗagay so: ‹i sa so taŋ ti bonoy misi taŋ mabam ti raˀa gu ta. A sa zilikiy ɓa i kilo widi taŋ, amma ko y'anta sa cine taŋ di ta.

ZEREMI 14:12

Ko da ara gam dalyam kwana, y'anta cine tuwuy taŋ ta. Ko da ara gikiy mikuli mizlam zlam, yo ara sikiy ti gwat ngi vul taŋhay tekeɗe kwana, naŋ anta ciriy hiri ta. I wuɗ i ngizla taŋ pay ti maslalam, ti may waɗ ti jiji mozorbono.»

ZEREMI 15:1

Bumbulvuŋ a ɓiy: «Da ko Moyis ati Samuyel a boko le dedeŋ a mbuŋ ɗu aka, vur ɓi ngi mizli tayna tekeɗe kwana, y'anta sa cine taŋ di ta na si. Ɓula taŋ a mbuŋ ɗu avra, anja a cohom!

EZEKIYEL 8:18

Ya kwana, yi ga gwat ngi mevel ɗu ya so. Tˀanta sa gikiy ircece geˀ le ta, na zle y'anta pur ircece ta si. A sa hizigoko widi ngirzliŋŋe nga slimiɗ ɗu, amma y'anta sa cine taŋ di ta.»

MISE 3:4

da taŋ misa hizigam widi le ng'avu Bumbulvuŋ na, naŋ anta sa mbiɗa taŋ di ta. Ti hin nana, a sa ɗumo mihiri naŋ avu taŋ, vur a gam mungra madiɗahay le haɗa.

ZAKARI 7:13

Vurˀe, Bumbulvuŋ misi gidaŋ wãˀa, a njika taŋ di ani: A zilikiy na, i cine taŋ di ta, kaɓa ya mizila taŋ, taŋ micinikiy di ta na ya.

Ɓimezle ngi Yesu Kristu ZAŊ mitil di mi 11:22

Amma yi si na le, ko wurenna kwana, Buymisemuŋ a sa vuluw gwat gar ka mucufuɗ le ava.»

Ɓimezle ngi Yesu Kristu ZAŊ mitil di mi 15:16

I kum miwinikiy ta, amma i ya muwunukum. Yi slinukum ɓa ki ram, ki ra yam zingaˀa, zingaˀ mazik haɗa. Naŋ kine, gwat gar kum misa cufuɗam le avu Baha ti slimiɗ ɗu na, a sa vulukum di.

Ɓimezle ngi Yesu Kristu ZAŊ mitil di mi 4:34

Yesu a ɓa taŋ: «Gwat ngi zum ɗu, i gi gwat Buymisemuŋ mislino ya mawuɗo, waɗ kiɗa mi ngi slra naŋ.

Ɓimezle ngi Yesu Kristu ZAŊ mitil di mi 7:17

Gwat ya madubuna da mizli hana, da a bo ti vu Buymisemuŋ, malla da yi ɓi di i ɓi ngi hirnga ɗu na, mbur mawuɗ gi gwat Buymisemuŋ mawuɗ na, a sa sinaŋ.

Ɓimezle ngi Yesu Kristu ZAŊ mitil di mi 9:30

Mbur tuwa a mbiɗa taŋ di: «hẽˀe, da a so ti damaka na, ki sinaka ta? Gwat ngi zuma hirnga vuna i nah so. Na, a winiy hiri ɗu le ta ya kwa?

Ɓimezle ngi Yesu Kristu ZAŊ mitil di mi 9:32

Mbur a wun hiri ngi mbur miyaka cak i dangar na, i cinam ɓi nah ɗaˀ ta.

Slu cuw 1:45

Kum mumoko na, ki tuwam kaɗam kaɗam a mbuŋ Bumbulvuŋ, amma Bumbulvuŋ a cine tuwuy kumo ta, a ki slimiɗ ar kum ta.

HEBEREY 10:7

Joˀ yi ɓi: «Aw Buymisemuŋ, yi so le, ɓa i ga gwat ka mawuɗo, ka taŋ mutohoko vur ya angi ɗerewol muvuku vu taŋ na.›»