Ɓimezle ngi Yesu Kristu ZAŊ mitil di mi 9:3 - Bible en langue guiziga

³ Yesu a mbiɗa: «I naŋ ta, yo i miyi naŋhay ta ma. Amma a gi kanah na, ɓa slra ngi Buymisemuŋ a njik avu naŋ.

Ɓimezle ngi Yesu Kristu ZAŊ mitil di mi 9:3 ပူးပေါင်းရင်းမြစ်များ

Ɗerewol JOP 21:27

Haˀaw! wuluk kum mawulkam, ati ɓi misi a mevel kum, kum maɓaka ar ya gar na, i si na le kuy kuy.

Ɗerewol JOP 32:3

Yo a ji mevel le ar ngama naŋhay mimakir na ma, asi a sinaka ɓa a mbiɗaka da Jopo kini ta, a puraka kaɓa migi malambaˀ i Buymisemuŋ.

Ɗerewol JOP 42:7

A dirba Bumbulvuŋ mikiɗa mi ngi ɓi naŋ ati Jop na, a ɓa Elifas mbur Temaŋ tuwa: «Mevel ɗu ara tiɓi ka vu ar ka, waɗ ar ngama ɗikey mucuw na, asi ki ɓaka ɓi ɗu kaslsla kaɓa gawla ɗu Jop na ta.

Matiye 11:5

Dangaray ara puram, jegwerey ara ram, misi kukulahay a ɗiyam le, midigizlahay ara cinam, mumucahay ara slikiɗam, yo ara tilam mi ti Ɓimezle da misi murgahaya.

Ɓimezle ngi Yesu Kristu ZAŊ mitil di mi 11:4

Yesu micina labara nah cin si na, a ɓi: «Anta sa muc ti jiji nah ta, amma i jiji ngi sa biga dudok ngi Buymisemuŋ, mizli a sa gaka dudok da Mangal ngi Bumbulvuŋ aseˀeŋ.»

Ɓimezle ngi Yesu Kristu ZAŊ mitil di mi 11:40

Amma Yesu a mbiɗaŋ di: «Yi ɓuw le, da ki tiɓiy le na, kisa pura dudok ngi Buymisemuŋ kini ta kwa?»

SLRA 28:4

Mizli ngi hirwuy nah mupuraka kawa gizivir avu haŋ ngi Polo na, a zlaka a ɓam ar wala taŋ: «Mbur hana i mikiɗa hirnga gisiŋ, ko ti naŋ muloho tir mubuliy na kwana, kuli ndra mazilaka Jeŋŋe na, a pulaŋ jiviɗ ɓa a ndir ti siifa ta na si.»

SLRA 4:21

Mizli ngir kus ngi ngila wuy madiɗa, a bucaka taŋ ti gidaŋ ava ma, a pulaka taŋ. A lumam ɓi midar ɓa a jaka taŋ ti kiita aseˀe ta, asi zigiduw gar ara hunuma Buymisemuŋ asi gwat migi nah vuna.

ZAŊ MUDUMBUŊ NAŊ 4:16

Na, ndr'i sinaka le, Buymisemuŋ a wuɗ ndra le, yo i ra tiɓakaŋ. Buymisemuŋ i wuɗavu. Mbur mandir ti wuɗavu na, naŋ jom ati Buymisemuŋ, yo Buymisemuŋ kwana, naŋ jom ati naŋ ya.

ZAŊ MUDUMBUŊ NAŊ 4:9

Buymisemuŋ a slino Mangal naŋ kirmalay ng'ar duniya, ɓa i lumam siifa ti seˀeŋ. Buymisemuŋ mibiga wuɗavu naŋ a wuzla ndra na, ti jiviɗ hana.