Ɓimezle ngi Yesu Kristu ZAŊ mitil di mi 8:44 - Bible en langue guiziga

⁴⁴ Cine kum i Satan, yo ki wuɗam gi di i gwat cine kum mahĩyãŋ. Naŋ i mikiɗa hirnga zle angi zli virzi naŋ. A cici ɗaˀ ar ɓi mikaslsla ta, asi ɓi mikaslsla anta ava ta. Da ara sli slir na, a ɓi di i ɓi ngi kpak nga naŋ, vur naŋ i misli slir, yo i buy ngi slirey vuna.

Ɓimezle ngi Yesu Kristu ZAŊ mitil di mi 8:44 ပူးပေါင်းရင်းမြစ်များ

ZLI VIRZI 3:15

I sa ga, ɓa ka ati ngwasa, ki gam mesene, ɓa dideˀ naŋhay ati dideˀ ɗikey a gam mesene. Naŋ a sa njirsluw hirnga, yo ka kwana, kisa humbuɗaŋ avu duɓuk sar.

BUYOY MUDUMBUŊ NAŊ 22:22

A mbiɗaŋ di: ‹I bi, i ru, i ca wuluk ngi slir a balam mijiviɗ naŋhaya gar.› Bumbulvuŋ a mbiɗaŋ di: ‹Hana i jiviɗ mezle ngi tikin naŋ, ara ga kanah so.›

ƁI NGI HIN GAR MUDUMBUŊ NAŊ 21:1

Ngi pas numuŋ ada na, Satan a wuɗ a ga malambaˀ da Israyeleye, a pa mi da Davite ɓa a slufa Israyeleye.

Ɗerewol JOP 1:11

Amma inga ja haŋ neˀ avu gwat naŋhay vuna si ta. I si na le gisiŋ, a sa nisuw, anta ɗum ti ɗum ta ma kini!»

Matiye 12:34

Kum sukwi ngi kwecesley, kum mizli malambaˀhay ma na, ki ɓam ɓi mezle gu mbri mbrike? Asi mingiɓi a bo tir wuluk minaha mevele le.

Matiye 13:15

Asi hirnga ngi mizli tayna naŋ gidaŋ, a dislaka slimiɗeye le, a tiɗaka hiriheye le, ɓa hiri taŋ a pur ta, ɓa slimiɗ taŋ a cin ta, ɓa a slaka wala nah a mevel taŋ ta, ɓa a mbiɗaka mevel taŋ ta, vur taŋ masa moko ng'avi ya, ɓa i mbulo taŋ!»

Matiye 13:38

Guva i duniya. Hilfa gwat mezle i mizli ngir Zumabuy ngi muŋ. Birngezleŋ kwana, i mizli ngi Satanay.

Ɓimezle ngi Yesu Kristu ZAŊ mitil di mi 6:70

Yesu a mbiɗa taŋ di: «Muwunukum, kum mukuruˀ nga cuwoy na, i ya ta kwa? Amma mbur pal a wuzla kum i Satan!»

Ɓimezle ngi Yesu Kristu ZAŊ mitil di mi 7:17

Gwat ya madubuna da mizli hana, da a bo ti vu Buymisemuŋ, malla da yi ɓi di i ɓi ngi hirnga ɗu na, mbur mawuɗ gi gwat Buymisemuŋ mawuɗ na, a sa sinaŋ.

Ɓimezle ngi Yesu Kristu ZAŊ mitil di mi 8:38

Yi ɓi di i ɓi ngi gwat ya mupura avu Baha, yo kumo kwana, ki gam di i gwat kum micinaka avu cine kum aya.»

Ɓimezle ngi Yesu Kristu ZAŊ mitil di mi 8:41

Kumo, ki gam di i gwat ngi cine kum.» A mbiɗakaŋ di: «Cine ndra purla si, i Buymisemuŋ. A yam ndra ngi madama ta.»

Ɓimezle ngi Yesu Kristu ZAŊ mitil di mi 8:55

Kumo, ki sinakaŋ ɗaˀ ta, amma ya i sinaŋ le. Da yi ɓi le i sinaŋ ta na, ɓa yi tiri misi slir le ka kum vuna ya. Amma yi sinaŋ le, i ra ja mingiɓi naŋ a hirnga.

SLRA 13:10

a ɓaŋ na: «Ka mbur mundus ti wer malambaˀ ati ketele a kwacay ɗike! Mangal ngi Satan, mesene ngi gi gwat mijeŋŋe! Ki wuɗ ki pula hirya jiviɗ ngi Bumbulvuŋ mikaslsla na ta kpak kwa?

SLRA 24:9

Yudehey a hurdumom ti ɓi nah, a ɓam: «Naŋ kaslsla!»

SLRA 5:3

Dar Piyer a ɓaŋ: «Ananiyas, Satan a tiɓa mevel ɗike wãˀ vur mike? Ki ga slir da ˀUf Mipala, joˀ ki ngic dala ngi guva ngac da ka.

KORENTIHEY MUCUW NAŊ 11:3

Amma i ra zluwun, kaɓa kaw mitikina Hawa ti wer naŋ na, anja wuluk kumoy a hiryam fuk wãˀ avu cifi teŋteŋ kum avu Kristu na ta.

PIYER MUDUMBUŊ NAŊ 5:8

Jiginaka vu kumo, ki hinjam ta! Satan, mesene kum, ara mbiɗi gun hirnga kumo, ara tuwuy kaɓa mobor maru ti pura mbur ngi humbuɗu.

PIYER MUCUW NAŊ 2:4

Asi Buymisemuŋ naŋhay migam mungra na, a pula taŋ manja zuma dangay ta. Amma a zliɗa taŋ le ng'ar luvuŋ titra, ar heleleŋ mijileŋ a ruwuy. A wi taŋ vu le weˀ vur hin ngi kiita.

ZAŊ MUDUMBUŊ NAŊ 1:8

Da i ra ɓam: mungra anta avu ndra ta na, kite i ra gam di i gilaw da vu ndra tehhe a muŋ. Naɓa ɓi mikaslsla anta a hur ndra ta.

ZAŊ MUDUMBUŊ NAŊ 2:21

Ya matuhukum di na, vur ki sinaka ɓi mikaslsla ta kini ta, amma ki sinaka le, yo ko slir anta bo tir ɓi mikaslsla ta na, ki sinaka le ma.

ZAŊ MUDUMBUŊ NAŊ 2:4

Mbur maɓi: «I si na Buymisemuŋ le», amma anta ja ɓimuɗuva a hirnga ta na, naɓa i mbur migi slir, yo ɓi mikaslsla anta a hur naŋ ta.

ZAŊ MUDUMBUŊ NAŊ 3:12

I gam ka Kayin ta. Naŋ, mbur migi mungra nah, a sla ˀay ngi sukum naŋ. A slaŋ ˀay vuna asi mike? Asi gwat ngi gi nga naŋ miga na, i malambaˀa, amma ngi sukum naŋ, naŋ jeŋŋe.

ZAŊ MUDUMBUŊ NAŊ 3:15

Ko wa gar mahirsa sukum naŋ na, i mikiɗa hirnga. Na, ki sinaka le, mbur makiɗ hirnga na, siifa ngi sete anta a hur naŋ ta.

ZUDE 1:6

Modro ngi Buymisemuŋhoy micifam ar li naŋ muvula taŋ di na ta, yo mupulaka li cifi taŋ na, a juwa taŋ le kaŋ kaŋ ti celelu hã ngi set, a wi taŋ vu le weˀ angi luvuŋ, ngi kutuko hin madiɗa ngi kiita.

ƁIMUNJUYO 12:9

A hizigiɗoko ngoŋngoŋ madiɗa, kaw mivi misi zlezle tuwa avra, mazilam «Milyam,» yo «Satan» na, i naŋ, mitikina mizli ngi duniya kurzluˀ gar. A hizigiɗoko di nga ruwuy, jom ati modro naŋhaya.

ƁIMUNJUYO 13:14

A tikina mizli ngi ruwuyoy gar ti cekenehey muvulakaŋ jiviɗ naŋ ɓa a ga a mihiri ngi gwat misããmi mudumbuŋ tuwa. A pa mi da mizli ngi ruwuyoyo, ɓa a ɗiyam foto ngi gwat misããmi mudumbuŋ tuwa, ɓa ngi ɗuvaŋ hirnga. I gwat misããmi misi ti waˀa ngi maslalam zleˀe, mumo ti siifa ti mi a muŋ tuwa.

ƁIMUNJUYO 2:10

Bonoy ka masa sa na, anja ki zluwun di ta. Pura, Satan a sa pi mizli mekelemey a wuzla kumo ng'ar dangay, ɓa a ci a kwacay kumo. Ki sa gam hin kuruˀ angi bonoyo. Ndir teŋteŋ hã gbaˀ avu mucu. I sa vuluw loppol ngi siifa.

ƁIMUNJUYO 21:8

Amma muzluwunoy, mizli miteŋteŋhey ta, mizli magam lambaˀ lambaˀ, mikiɗa hirngahay, migi madamahay, mizli misi ti sin ngi gi cekenehey ati madilkam a mbuŋ kulihey, waɗ migi slirey gar na, a sa lumam li cifi taŋ angi mubuliy ngi vu, waɗ ngi baruudu. Nah na, i muc mucuw naŋ.»

ƁIMUNJUYO 22:15

Amma mizli migi lambaˀhay ati misi ti sin ngi gi cekenehey, migi madamahay ati mikiɗa hirngahay, mihuruk huruk a mbuŋ kulihey, waɗ ko wa gar mawuɗ ɓi ngi slir malla magi slir na, a ndiram a duba gala.

ƁIMUNJUYO 9:11

Taŋ ti buy taŋ madiɗa, i modro ngi vigiɗ mijileŋ ngi ruwuy. Slimiɗ naŋ ti mi Hebere: «Abadoŋ», ti mi Greke: «Apoliyoŋ», mbiɗeˀvra: «Mingizla gwat.»