Ɓimezle ngi Yesu Kristu ZAŊ mitil di mi 8:41 - Bible en langue guiziga

⁴¹ Kumo, ki gam di i gwat ngi cine kum.» A mbiɗakaŋ di: «Cine ndra purla si, i Buymisemuŋ. A yam ndra ngi madama ta.»

Ɓimezle ngi Yesu Kristu ZAŊ mitil di mi 8:41 ပူးပေါင်းရင်းမြစ်များ

BI NGI ISRAYELEY 4:22

Ki sa ɓa buy Ezipte na: Bumbulvuŋ a ɓi na: Mangal ɗu modogom i Israyel.

EZAYI 63:16

Asi cine ndra i ka ngbaŋ. Asi mike na, dideˀ ndra Abrahama, a si na ndra ta, yo Zakopo, a si na ndra ta ma. Amma ka Bumbulvuŋ, ki cine ndra, diga zlezle si na, slimiɗ ɗike: ‹Mimbiɗi hirnga ndra›.

EZAYI 64:8

Bumbulvuŋ, anja ki ji mevel, hã fineˀ gidaŋ le ta, gwat malambaˀ ndra migaka gar na, anja ki wulka taŋ ta ndiɗaˀa. Ambuh, pura ndra takwa: ndra gar, ndr'i mizli ɗikey.

ZEREMI 3:19

Yi ɓi ti kwacay ɗu zleˀe na: «Yawwa, yi wuɗ i muɗuw ceɗ ti wuzla ziri ɗu mizileheye, i vuluw hirwuy mimezle haɗa, hirwuy mukuy teˀ misi a wuzla sukwi ngi mizli.» Dar yi ɓi ti kwacay ɗu: «Ki sa zilikiy ‹Baha›, kum anta sa mbiɗikiy duba mata.»

ZEREMI 31:20

Efrayime, i mangal ngisi mevel ɗu, mangal ya mahĩyã haɗa kwa? Ya mira ɓa ɓi naŋ ko ti vunaka gar na, sey i zila slimiɗ naŋ daɗ le daɗ le na si. I wuɗaŋ haɗi a mevel ɗu! I wuɗaŋ haɗi, gisiŋ, i wuɗaŋ haɗi. I ya Bumbulvuŋ maɓi.

Ɗerewol OZE 1:2

Mingiɓi ngi Bumbulvuŋ miɓa ti balam Oze na, zli virzi naŋ n'ani. Bumbulvuŋ a ɓa Oze na: «Aru, zuɓ ngi ngwasa, i ngwas magi sulome vur Buymisemuŋ. Ziri kum masa ya ka taŋ ati naŋ na, i ziri ngi ngwas sulomehey, asi mike na, hirwuy taˀ gar a mbiɗa duba le da Bumbulvuŋ, ara gam sulome lambaˀ.»

MALASI 1:6

Mangal a cika hirnga da cine, yo gawla ngi mbur a cika hirnga da buy naŋ takwa! Na, da yi cine kum na, ama ani kum macikikiy hirnga vuna ska? Yo da yi buy kum na, ama ani kum macinikiy mi vuna ska? I ya Bumbulvuŋ misi gidaŋ wãˀ maɓi da kum masayay, kum maburɗaka slimiɗ ɗu na. Joˀ ki ɓam jak ma na: «I burɗaka slimiɗ ɗike ar wanaka» kini ma mbrike?

MALASI 2:11

Zudahay a ngilam ɓi le, yo gi gwat malambaˀ mukuyta wãˀ a gi le asi ruwuy Israyele, waɗ a Zeruzaleme ma. Naŋ kanah, Zudahay a hiryaka li mipal ngi Bumbulvuŋ mawuɗ haɗa na le ti zuɓa ngwasay mahuruk hurukam a mbuŋ kulihey.

Ɓimezle ngi Yesu Kristu ZAŊ mitil di mi 8:38

Yi ɓi di i ɓi ngi gwat ya mupura avu Baha, yo kumo kwana, ki gam di i gwat kum micinaka avu cine kum aya.»

Ɓimezle ngi Yesu Kristu ZAŊ mitil di mi 8:44

Cine kum i Satan, yo ki wuɗam gi di i gwat cine kum mahĩyãŋ. Naŋ i mikiɗa hirnga zle angi zli virzi naŋ. A cici ɗaˀ ar ɓi mikaslsla ta, asi ɓi mikaslsla anta ava ta. Da ara sli slir na, a ɓi di i ɓi ngi kpak nga naŋ, vur naŋ i misli slir, yo i buy ngi slirey vuna.

Slu cuw 14:1

Kum i ziri ngi Bumbulvuŋ Buymisemuŋ kum. Na, da hiriyi a gi le avu kum na, anja ki ciraka vu ta, yo ki kilahaka hamac ngi midibiɗe ta.

Slu cuw 32:6

Gwat gilaw manja lesley, ki gam ti Bumbulvuŋ kanah gu kwa? Naŋ i Cine kum muvulukum siifa vuna ta kwa? Mugukum, yo a tiri ti kum mizli naŋhay na, i naŋ vuna ta kwa?

ZAŊ MUDUMBUŊ NAŊ 3:12

I gam ka Kayin ta. Naŋ, mbur migi mungra nah, a sla ˀay ngi sukum naŋ. A slaŋ ˀay vuna asi mike? Asi gwat ngi gi nga naŋ miga na, i malambaˀa, amma ngi sukum naŋ, naŋ jeŋŋe.