Ɓimezle ngi Yesu Kristu ZAŊ mitil di mi 8:38 - Bible en langue guiziga

³⁸ Yi ɓi di i ɓi ngi gwat ya mupura avu Baha, yo kumo kwana, ki gam di i gwat kum micinaka avu cine kum aya.»

Ɓimezle ngi Yesu Kristu ZAŊ mitil di mi 8:38 ပူးပေါင်းရင်းမြစ်များ

Matiye 3:7

Zaŋ mupura Farisahay ati Sadukihey haɗi masoko ng'avaŋ, ɓa a ca taŋ ar yam na, a ɓa taŋ: «Kum sukwi ngi kwecesley, muɓukum di i wa kisa laham avu himaˀ Buymisemuŋ masa njuyo di na ka?

Ɓimezle ngi Yesu Kristu ZAŊ mitil di mi 14:10

Ya, ya jom ati Baha, yo Baha kwana, naŋ jom ati ya na, ki tiɓa t'aruŋ kwa? Mingiɓi ya maɓukum di na, i ɓukum di ngi mongoy ɗu ta. I Baha misi jom ati ya na maga slra nga naŋ jaka.

Ɓimezle ngi Yesu Kristu ZAŊ mitil di mi 14:24

Mbur mawuɗ ya ta na, naŋ anta ja mingiɓi ɗu a hirnga ta. Ɓi kum micinaka avu ya na, i ɓi ngi mongoy ɗu ta, amma i mingiɓi ngi Baha mislino ya.

Ɓimezle ngi Yesu Kristu ZAŊ mitil di mi 17:8

Yo mingiɓi ya miɓa taŋ di gar na, a bo ti vu ka. A tiɓaka le, a sinaka le gisiŋ gisiŋ, yi bo ti vu ka. A tiɓaka le, i ka mislino ya.

Ɓimezle ngi Yesu Kristu ZAŊ mitil di mi 3:32

a gi sedewo ngi gwat naŋ mupura ati naŋ micinaŋ, amma ko mbur matiɓa sedewo naŋ anta.

Ɓimezle ngi Yesu Kristu ZAŊ mitil di mi 5:19

Dar Yesu a mbiɗa taŋ di: «Gisiŋ gisiŋ, yi ɓukum na: Mangala, naŋ anta gi gwat ko loŋ ti hirnga naŋ gu ta, amma sey a gi di i gwat naŋ mapura avu Cine. Asi gwat Cine maga na, Mangala, a ga kanah vuna ya.

Ɓimezle ngi Yesu Kristu ZAŊ mitil di mi 5:30

Ya ti hirnga ɗu, y'anta gi gwat ko neˀ ta. Yi ga kiita weˀe avu ya macin, yo kiita ya maga, naŋ jeŋŋe, asi i sipi di i gwat ya mawuɗ ta, amma gwat mbur mislino ya mawuɗo.

Ɓimezle ngi Yesu Kristu ZAŊ mitil di mi 8:26

Y'ada ti ɓi haɗa ngi ɓi waɗ ngi sli a hirnga kumo. Amma mbur mislino ya na, naŋ jeŋŋe gisiŋ, yo ɓi ya maɓa njah da duniya gar na, i ɓi ya micino di ava.»

Ɓimezle ngi Yesu Kristu ZAŊ mitil di mi 8:41

Kumo, ki gam di i gwat ngi cine kum.» A mbiɗakaŋ di: «Cine ndra purla si, i Buymisemuŋ. A yam ndra ngi madama ta.»

Ɓimezle ngi Yesu Kristu ZAŊ mitil di mi 8:44

Cine kum i Satan, yo ki wuɗam gi di i gwat cine kum mahĩyãŋ. Naŋ i mikiɗa hirnga zle angi zli virzi naŋ. A cici ɗaˀ ar ɓi mikaslsla ta, asi ɓi mikaslsla anta ava ta. Da ara sli slir na, a ɓi di i ɓi ngi kpak nga naŋ, vur naŋ i misli slir, yo i buy ngi slirey vuna.