Ɓimezle ngi Yesu Kristu ZAŊ mitil di mi 8:32 - Bible en langue guiziga

³² Ki sa sinaka ɓi mikaslsla, ɓi mikaslsla a sa tiri ti kum mizli mulumam hirnga taŋ le.»

Ɓimezle ngi Yesu Kristu ZAŊ mitil di mi 8:32 ပူးပေါင်းရင်းမြစ်များ

DIMISEY 119:45

I sa ru digi, hirnga kaˀ a muŋ, asi i ra ki slimiɗ ar gwat ka mawuɗo.

DIMISEY 25:5

Aru ti ya ng'ar ɓi mikaslsla ɗiki, yo dubuniy gi gwat ɗikeye, asi ki Bumbulvuŋ milih ɗu, i ro hiri njah asi ka ndrehhe.

MIKUCUWULOY 1:23

Cinaka ya maɓukum ɗaˀ ɗaˀ le na. Ani i wuɗo pa ˀUf ɗu ng'ar kum, i bugukum mingiɓi ɗu.

MIKUCUWULOY 1:29

Naŋ masa gi kanah na, asi ki puraka sine hiris le, yo ki wunam di i zluwun ti Bumbulvuŋ ta.

MIKUCUWULOY 4:18

Amma jiviɗ ngi mizli mijeŋŋeheye, naŋ njahha ka li mawun, a gi njahha ti vendeke, hã wuzla papasa.

EZAYI 2:3

Mizli haɗa a sa ram, yo a sa ɓam: «Soko! Juɗukum nga muwã ngi Bumbulvuŋ, ngi hay Buymisemuŋ ngi Zakopo. A sa dubuna ndra gwat ngi gi naŋhay, ndr'i sa sipam jiviɗ naŋ.» Naŋ kine, gwat ngi dubun avu Bumbulvuŋ, a bo ti Siyoŋ, yo mingiɓi naŋ, a bo ti Zeruzalem.

EZAYI 30:21

Da ara ɓukum ngi ru ti hazum malla ti gula na, kisa cinaka ˀay naŋ masa ɓukum di a dirba kumo: «Jiviɗe n'ani, aru ti ra.»

EZAYI 35:8

Ar li nana, a sa kam jiviɗi, a sa zilaka ‹jiviɗ mubaˀ pal›. Mbur misi dili anta sa ru ti raˀa ta asi i Bumbulvuŋ vuna ti haŋ naŋ masa ka mbuŋ, mizli manja lesley anta sa zizoko hirnga ng'ara ta.

EZAYI 54:13

Ziri ɗik mizilehey gar a sa tiram gawla nga ya Bumbulvuŋ, yo a sa ndiram zuy zuy wãˀ.

EZAYI 61:1

ˀUf ngi Bumbulvuŋ Buymisemuŋ naŋ da ar ya. Naŋ kine, Bumbulvuŋ a tiri ti ya mbur, naŋ muwuna le. A slino ya ɓa ngi so ti ɓi mezle da misi murgahay, ɓa ngi tisla mevel da mizli malikam, ɓa ngi tila mi ti ɓi ngi pula mizli mijahay le, ɓa ngi cuko celelu ngi dangayay avra,

ZEREMI 6:16

Bumbulvuŋ a ɓi na: Kum mira ram ar buwal na, cicam, wulkam kwaɗay, cufuɗam vu ar ɓi ngi jiviɗ kum misi zleˀe. Ɓam: Jiviɗ mezle ngi sipi i wanaka? Dar ki ram ti raˀa so, naɓa kisa lumam musuka vu vur siifa kumo. Amma taŋ a mbiɗaka: «Ndr'anta ram ti raˀa ta!»

Ɗerewol OZE 6:3

Tumukum vu ngi si na Bumbulvuŋ, so naŋ na, i gisiŋ kaɓa pas mabo ti miprik priki, a sa so ng'avi ndra kaɓa vuŋ masawa, yo kaɓa vuŋ ngi dirba wãˀ magujaˀa li.»

LEVIHEY 25:41

Akẽh na, a sa lumaka hirnga taŋ ati ziri naŋhaya. A sa mi nga wuzla muy naŋhay, yo ara luuma guva ngi dideˀ naŋhaya.

Matiye 11:29

Juwaka galalaŋ ɗu avu ˀay, dubunam gwat avu ya, vur yi mbur miteˀteˀ, mihina hirnga a mevele, kisa muskam vu gisiŋ.

Ɓimezle ngi Yesu Kristu ZAŊ mitil di mi 1:14

Yo Mingiɓi tuwa a tiri mbur titra le. A cifi a wuzla ndra ti gimezle ati ɓi ɓi mikaslsla haɗa. I puraka dudok naŋ le. I dudok ngi Mangal kirmalay mulumo di avu Cine.

Ɓimezle ngi Yesu Kristu ZAŊ mitil di mi 1:17

Buymisemuŋ a vulo ɓimujuwa tisi haŋ ngi Moyis. Amma gimezle ati ɓi mikaslsla na, i lumaka tisi haŋ ngi Yesu Kristu.

Ɓimezle ngi Yesu Kristu ZAŊ mitil di mi 14:6

Yesu a ɓaŋ: «Yi jiviɗ, yi ɓi mikaslsla, yo yi siifa. Ko mbur maru ng'avi Baha gu anta, sey a bi ti vi ya.

Ɓimezle ngi Yesu Kristu ZAŊ mitil di mi 16:13

Da ˀUf mijeŋŋe misa so le na, a sa ru ti kum ar ɓi mikaslsla gar wãˀ. Asi a sa ɓi di i ɓi ngi mongoy naŋ ta, amma a sa ɓi di i ɓi naŋ masa cina, yo a sa bugukum ɓi ngi gwat masa gi gar.

Ɓimezle ngi Yesu Kristu ZAŊ mitil di mi 17:17

Mingiɓi ɗike naŋ kaslsla. Tiri ti taŋ ngi ɗikey wãˀ ti mingiɓi ɗik mikaslsla na.

Ɓimezle ngi Yesu Kristu ZAŊ mitil di mi 6:45

Mijiviɗey a tohoko zleˀe, a ɓam na: Taŋ gar a sa dubunam avu Buymisemuŋ. Ko wa gar micin mingiɓi ngi Baha le, mitiɓa ɓi nah le na, a so ng'avi ya.

Ɓimezle ngi Yesu Kristu ZAŊ mitil di mi 7:17

Gwat ya madubuna da mizli hana, da a bo ti vu Buymisemuŋ, malla da yi ɓi di i ɓi ngi hirnga ɗu na, mbur mawuɗ gi gwat Buymisemuŋ mawuɗ na, a sa sinaŋ.

Ɓimezle ngi Yesu Kristu ZAŊ mitil di mi 8:36

Da i Mangal mucukukum tir beke so na, kisa tiram mizli mulumam hirnga le gisiŋ gisiŋ.

ROMAHAY 6:22

Amma wurenna, ki laham le tivu mungra, ki tiram le i beke ngi Buymisemuŋhoy. Ki ra gam gwat maga ɓa mburo, a tiri ngi Buymisemuŋ, yo kiɗa mi naŋ, i siifa ngi sete.

ROMAHAY 8:15

ˀUf Mipal, kum mulumam na, i ˀUf matiri ti kum bekehey ta, yo mami ti kum ng'ar zluwun a muŋ mata ma, amma ki lumam di i ˀUf magi ti kum ziri, naŋ mugulukum. Yo ndra matilaka mi da Buymisemuŋ, i ɓam: «Baha, Cine ndra» na, ti seˀeŋ.

ROMAHAY 8:2

Naŋ kine, ɓimujuwa ngi ˀUf Mipal, ɓi mavul siifa da mbur mujom ati Yesu Kristu na, a lihiy, le tivu ɓimujuwa ngi mungra ati ngi muco.

KORENTIHEY MUDUMBUŊ 7:22

Asi mbur beke, Bumbulvuŋ muzulo di le na, a luuma hirnga naŋ le asi naŋ mujom ati Bumbulvuŋ na. Naŋ kine ya, mbur diimu, Kristu muzulo di le kwana, i beke ngi Kristu.

GALATAY 5:1

Kristu mumbuɗo hirnga ndra na, ɓa i tiram diimuhoy gisiŋ gisiŋ, cicam zlak gidaŋ gidaŋ so. Anja ki pulaka vu kumo, ɓa ki tiram bekehey a muŋ mata.

GALATAY 5:13

Sukum ɗuwoy, kumo, Buymisemuŋ a zulu kum, ɓa ki lumam hirnga kum. Na so na, luuma hirnga kum na, anja a tiri i ɓi ngi ji mi, ɓa ki gam di gwat ngi dumvu kum mawuɗ ta, amma pulaka vu kumo da wuɗavu, ɓa ki jinam vu ar wala kumo.

TIMOTE MUCUW NAŊ 3:7

I ngwas mapuram jiviɗ ngi dubun ndrehhe, amma ko a ndilaka si na ɓi mikaslsla ta ndiɗaˀ wãˀ.

Ɗerewol ZAK 1:25

Amma mbur mapula vu naŋ mbak da ɓimujuwa, ɓi mbur malum di hirnga naŋ, da a ja ɓi nah le gidaŋ gidaŋ, anta cin ti cin tew ɓa a puyuk di hirnga kutum ta, amma ara ga gwat naŋ maɓa vuna na, mbur nah, a sa cin ndum ar gwat naŋ maga gar.

Ɗerewol ZAK 2:12

Ɓam, yo gam kaɓa mizli migaka taŋ kiita le weˀe avu ɓimujuwa, ndra malumam hirnga ndra aseˀe na.

PIYER MUDUMBUŊ NAŊ 2:16

Gam ka mizli diimuhoy, na so na, anja diimu kum na, ki tiram di kaɓa i gwat ngi ɗumo moˀore kum ta, amma, gam ka kum i migi slra ngi Buymisemuŋhoy.

ZAŊ MUCUW NAŊ 1:1

I ya mbur micawwa matoho ɗerewol hana da maˀãy, Buymisemuŋ muwunaŋ, yo da ziri naŋhay, ya mawuɗ taŋ gisiŋ gisiŋ. I ya mawuɗ taŋ pal ɗu ta, amma mizli misinaka ɓi mikaslsla le gara ma.