Ɓimezle ngi Yesu Kristu ZAŊ mitil di mi 8:31 - Bible en langue guiziga

³¹ Joˀ Yesu a ɓa Yudehey mitiɓakaŋ tuwa na: «Da ki cicam le zlak ar mingiɓi ɗu na, kum i mizli ngi si yahay gisiŋ.

Ɓimezle ngi Yesu Kristu ZAŊ mitil di mi 8:31 ပူးပေါင်းရင်းမြစ်များ

Matiye 24:13

Amma mbur micici le zlak hã avu kiɗa mi naŋ na, a sa lih.

Ɓimezle ngi Yesu Kristu ZAŊ mitil di mi 1:47

Yesu mupura Natanayel maso ng'ava na, a ɓi vurˀeŋ: «Mbur Israyel migisiŋ gisiŋ ani. Anta gi gilaw da mbur ta wãˀ.»

Ɓimezle ngi Yesu Kristu ZAŊ mitil di mi 2:2

A zilaka Yesu le ati mizli ngi seˀeheye nga diga ya.

Ɓimezle ngi Yesu Kristu ZAŊ mitil di mi 6:55

Asi meficek ngi vu ɗu i ɗaf migisiŋ gisiŋ naŋ, yo pumbus ɗu i gwat ngi si migisiŋ gisiŋ naŋ.

Ɓimezle ngi Yesu Kristu ZAŊ mitil di mi 8:36

Da i Mangal mucukukum tir beke so na, kisa tiram mizli mulumam hirnga le gisiŋ gisiŋ.

SLRA 13:43

A dirba zigiduw muwuh na, Yudehey ati mizli micam Yude ti cihey haɗi a ki saka Pol ati Barnabasa. Ar kiɗa slir taŋ na, a vulaka taŋ gidaŋ ɓa a ndiram zlak ar gimezle ngi Buymisemuŋ.

SLRA 14:22

A tusoko didak da mitiɓiheye, a vulaka taŋ gidaŋ ɓa a cicam zlak ar tiɓi, a ɓam: «Sey i cohom tir bonoy haɗi far, ɓa i sa cam ar Zumabuy ngi Buymisemuŋ.»

SLRA 26:22

Y'ada hã dana aruŋ na, mbele Buymisemuŋ majiginiy. Yi ra gi sedewo avu ziri ati mizli madiɗahay gar. Mijiviɗey ati Moyise, a ɓaka ɓi ngi gwat masa gi na le zleˀe si, y'anta ɓi ɓi mifineˀ nga taŋ na mata, asi a ɓam na:

ROMAHAY 11:22

Pura ɗi, Buymisemuŋ i mezle, yo naŋ himaˀ ma gar. Naŋ himaˀ avu mizli mindilam le, amma naŋ mezle avu ka, anja sey ki ndir ti gimezle naŋ na. Da kanah ta na, a sa kilihuw ka avra ya.

ROMAHAY 2:7

Mizli mahurdumom ti gi slra mezle, mapuram jiviɗ ɓa Buymisemuŋ a vula taŋ dudok, ɓa a ɗuva taŋ hirnga, yo ɓa a ndiram caˀa na, Buymisemuŋ a sa vula taŋ siifa ngi sete.

KOLOSOY 1:23

Amma so na, kum mitiɓam na, anja ki cicam kuykuy, zlak gidaŋ gidaŋ, anja ki pulaka vu kum, ki kiraham kileŋ avu njaha hiri angi Ɓimezle, kum micinaka na ta. Ɓimezle mitilam di mi da mizli asi gazlavay kurzluˀ gar na, ya Polo, i tiri le yi mbur migi slra nah.

TIMOTE MUDUMBUŊ NAŊ 2:15

Amma ngwas a sa lih tisi naŋ mayi ziri na, na sey da ara hurdum ti tiɓi, a wuɗ vu, a ndir naŋ pal, yo a wuɗ wuya ta.

TIMOTE MUDUMBUŊ NAŊ 4:16

Ji lesl vur hirnga ɗike, yo vur gwat ka madubuna da mizli, cici zlak anga. Da kanah na, naɓa kisa laha hirnga ɗik vuna, waɗ mizli macinaka mingiɓi ɗike gar gisiŋ.

TIMOTE MUCUW NAŊ 3:14

Amma ka, gwat taŋ mudubunukuw di, yo ka mitiɓa i gisiŋ na, cici zlak anga kuy kuy. Ki si na mizli mudubunukuw di na le.

HEBEREY 3:14

Naŋ kine, ndr'i gam slra wurenna jom ati Kristu, na gwat purla ani: ndra mupulakaŋ vu ndra mbak, zle angi zlivirzi naŋ na, sey da ndr'ada zlak gidaŋ gidaŋ ara far, hã vu kiɗa mi naŋ. A tohoko na:

HEBEREY 8:9

Jumoˀay ɗu nah na, anta sa gi kaɓa ya mujumo ati dideˀ taŋhay zleˀe na ta. Tapas ya mujo taŋ kaw kaw avu haŋ, ɓa ngi bo taŋ ti ngi hirwuy Ezipte. Bumbulvuŋ a ɓi ma: Asi taŋ vuna a cicam angi jumoˀay ɗu ati taŋ na ta, Vurˀe, ya kwana, yi ki slimiɗ ar taŋ mata ya.

Ɗerewol ZAK 1:25

Amma mbur mapula vu naŋ mbak da ɓimujuwa, ɓi mbur malum di hirnga naŋ, da a ja ɓi nah le gidaŋ gidaŋ, anta cin ti cin tew ɓa a puyuk di hirnga kutum ta, amma ara ga gwat naŋ maɓa vuna na, mbur nah, a sa cin ndum ar gwat naŋ maga gar.

ZAŊ MUDUMBUŊ NAŊ 2:19

Mizli tayna, a bam ti wuzla ndra, amma t'anta i ngi ndrahay gisiŋ zleˀe ta. Da i ngi ndrahay zleˀe na, anja a cifam le ati ndra. Amma taŋ misi kanah gar taŋ na, a bigi le i ngi ndrahay ta.

ZAŊ MUDUMBUŊ NAŊ 2:24

Ngi kumo na, anja ɓi kum micinaka zle angi zlivirzi naŋ na, a ndir a mevel kumo. Da ɓi kum micinaka zle angi zlivirzi naŋ na, naŋ da a mevel kumo na, naɓa kumo kwana, kum jom ati Mangal waɗ ati Cine.

ZAŊ MUCUW NAŊ 1:9

Ko wa gar macici zlak ar dubun ngi Kristu ta, amma maru kileŋ fineˀ nah ma na, naŋ manja Buymisemuŋ a hur naŋ. Mbur macici zlak ar dubun ngi Kristu na, naŋ ati Cine waɗ ati Mangala.

SAMUYEL MUDUMBUŊ NAŊ 12:14

Da ki ra zluwunam ti Buymisemuŋ, da ki ra huruk hurukam a mbuŋ naŋ, da ki ra cinakaŋ mi, ɓi Buymisemuŋ muɗuvukum di le na, da kum anta slikiɗam ɓi vurˀe ta na, naɓa kum vuna ati buy mazum buy ar kumo, kisa sipaka Bumbulvuŋ Buymisemuŋ, kumo nga mbuŋ nga mbuŋ.