Ɓimezle ngi Yesu Kristu ZAŊ mitil di mi 8:29 - Bible en langue guiziga

²⁹ Mbur mislino ya, naŋ da ati ya, a puliy fuk pal ɗu ta, asi yi gi di i gwat maciraŋ hiri ndrehhe.»

Ɓimezle ngi Yesu Kristu ZAŊ mitil di mi 8:29 ပူးပေါင်းရင်းမြစ်များ

EZAYI 42:1

Buymisemuŋ a ɓi na: «Gawla ɗu n'ani, i ro haŋ kaw ava. I ya muwuna ti haŋ ɗu, hiri ara ciriy ti naŋ, i ca ˀUf ɗu le ng'ar naŋ. A sa ga kiita da sukwi ngi mizli gar.

EZAYI 42:21

Bumbulvuŋ, hiri a ciraŋ le asi jeŋŋe naŋ na, ɓa a biga ɓimujuwa naŋ, i madiɗa, yo naŋ mezle.

EZAYI 42:6

A ɓi na: «I ya Bumbulvuŋ muziluw ti jiviɗ mijeŋŋe, i ya mujuw kaw avu haŋ, i ya mucufuw baˀ pal, yo i cufuw hĩˀĩ ɓa ki jumoˀay ngi mizli, yo ɓa ki tiri li minjahha ngi sukwi ngi mizli.

Matiye 17:5

Hirak ti naŋ maɓi aruŋ vuna si na, keɗ na, gazlavay minjazlazla a so sirta taŋ. Yo ay a cino tir gazlavay tuwa: «Mbur hana i Mangal ɗu ya mawuɗaŋ haɗa, ya hĩhĩyaŋ ɓa yi winaŋ! Cinaka mingiɓi naŋ!»

Matiye 3:15

Amma Yesu a mbiɗaŋ di: «Tuɓa ɗagay si. Gwat Buymisemuŋ mawuɗ na, a zlir le sey i gaka kanah.» Joˀ Zaŋ a tiɓa muduba.

Matiye 3:17

Dar ˀay a cino baɗ a muŋ: «Hana i mangal ɗu, ya mawuɗ haɗa, ya hĩhĩyaŋ ɓa i winaŋ.»

Ɓimezle ngi Yesu Kristu ZAŊ mitil di mi 14:31

Amma ara sawa, ɓa duniya a sina, i ra wuɗ Baha, yo gwat ngi gi ɗu, naŋ kaɓa Baha miɓiy di ɗaˀ le. Slikiɗam, cuhukum le ti ka!»

Ɓimezle ngi Yesu Kristu ZAŊ mitil di mi 15:10

Ɓimuɗuva ɗuwoyo, da ki ra jaka a hirnga na, naɓa kisa ndiram jom ar wuɗavu ɗu, kaɓa ya mija ɓimuɗuva ngi Baha a hirnga, yo ya misi ada jom ar wuɗavu naŋ na ya.

Ɓimezle ngi Yesu Kristu ZAŊ mitil di mi 16:32

Puraka, pas naŋ ara ndilawa, wurenna a ndilo le vuna si, kisa zliɗam hirnga pal pal, mbur gar aru ngi hay naŋ ngi hay naŋ. Ki sa pulikiy deŋ pal ɗu. Amma ya pal ɗu ta, Baha naŋ da ati ya.

Ɓimezle ngi Yesu Kristu ZAŊ mitil di mi 17:4

I guw dudok le asi ruwuyo, yo slra ka muvuliy di ngi gi na, i kiɗa mi nah le.

Ɓimezle ngi Yesu Kristu ZAŊ mitil di mi 4:34

Yesu a ɓa taŋ: «Gwat ngi zum ɗu, i gi gwat Buymisemuŋ mislino ya mawuɗo, waɗ kiɗa mi ngi slra naŋ.

Ɓimezle ngi Yesu Kristu ZAŊ mitil di mi 5:30

Ya ti hirnga ɗu, y'anta gi gwat ko neˀ ta. Yi ga kiita weˀe avu ya macin, yo kiita ya maga, naŋ jeŋŋe, asi i sipi di i gwat ya mawuɗ ta, amma gwat mbur mislino ya mawuɗo.

Ɓimezle ngi Yesu Kristu ZAŊ mitil di mi 6:38

Vur yi po sar paɗ a muŋ, ɓa yi gi gwat ngi mongoy ɗu ta, amma gwat mbur mislino ya mawuɗo.

Ɓimezle ngi Yesu Kristu ZAŊ mitil di mi 8:16

Yo da a gi le ɓa i sli kiita na, yi sli di i kiita mikaslsla wãˀ, asi i ya masla pal ɗu ta. Ndra cuwa ati Baha mislino ya.

TIMOTE MUCUW NAŊ 4:17

Amma Bumbulvuŋ, naŋ a jiniy le, a vuliy gidaŋ le, ɓa yi til mi ti Ɓimezle kuy kuy wãˀ, ɓa hã mizli Yudehey ta gar kwana, a cinam. Yo a lihiy le ti balam moboro.

TIMOTE MUCUW NAŊ 4:22

Anja Bumbulvuŋ a ndir avu ka. Anja a gukum mezle gar kumo.

HEBEREY 4:15

Asi mike na, masay madiɗa a mbuŋ Buymisemuŋ ndra, a ndila le ngi si bonoy asi hĩhĩy ndra. Vur a zlir ti tikiney le wal wal haɗi kaɓa ndra vuna ya, amma naŋ a gi mungra ko neˀ ta.

HEBEREY 7:26

Yesu i masay madiɗa a mbuŋ Buymisemuŋ, ka ndra mawuɗam. Naŋ pal, malambaˀ ati mungra anta ava ta, naŋ wal avu migi mungraˀahaya. Buymisemuŋ a zuɓa le hã nga duba muŋ.

ZAŊ MUDUMBUŊ NAŊ 2:1

Ziri ɗuwoy, ya matuhukum ɗerewol hana na, ɓa ki gam mungra ta. Amma da a sa ndilo le avu mburo, a gi mungra le na, ndr'ada ti mbur mijiniˀis asi ndra a mbuŋ Cine ndra. I Yesu Kristu, mbur mijeŋŋe.

ZAŊ MUDUMBUŊ NAŊ 3:22

Yo ko mike gar, ndra mucufuɗam le ava na, a vula ndra di, asi i ra jaka ɓimuɗuva ngi Buymisemuŋ a hirnga, yo i ra gam gwat maciraŋ hiri.