Ɓimezle ngi Yesu Kristu ZAŊ mitil di mi 8:24 - Bible en langue guiziga

²⁴ Ya muɓukum: kisa micam ti mungra kumoy na, vurˀeŋ. Naŋ kine, da ki tiɓikiy i ya misi Ya Yahha na ta na, kisa micam ar mungra kumoyo.»

Ɓimezle ngi Yesu Kristu ZAŊ mitil di mi 8:24 ပူးပေါင်းရင်းမြစ်များ

BI NGI ISRAYELEY 3:14

Buymisemuŋ a mbiɗa da Moyise: «Kisa ɓa taŋ, a zilikiy Y'ADA YA YAHHA.» A ɓi: «Ki sa mbiɗa da Israyeleye kahana: Y'ADA mislino ya ng'avu kum.»

MIKUCUWULOY 8:36

Amma mbur magiy gwat ngi ji mevel na, a hiryi di i vu naŋ tehhe a muŋ, mizli mahirsikiy gar na, a wuɗam di i mucu.

Matiye 24:5

Asi mizli haɗi a sa soko ti slimiɗ ɗu, a sa ɓam: ‹Yi Kristu.› A sa gam gilaw da mizli haɗi.

Mark 13:6

Mizli haɗi a sa soko ti slimiɗ ɗu, a sa ɓam: ‹I ya!› A sa zizam mizli haɗi.

Mark 16:16

Mbur masa tiɓi, yo masa ci ar yam na, a sa lih. Mbur masa tiɓi ta na, kiita a sa jaŋ.

Ɓimezle ngi Yesu Kristu LUK mitil di mi 21:8

Yesu a mbiɗa taŋ di: «Jam lesl, ki pulaka vu kumo ɓa a mbuɗukum gilaw ta. Asi mizli haɗi a sa soko ti slimiɗ ɗu, a sa ɓam: ‹I ya Mesi›, yo ‹Hin a ndilo le!› Amma anja ki sipaka taŋ ta.

Ɓimezle ngi Yesu Kristu ZAŊ mitil di mi 13:19

I ɓukum di wurenna muduba, dumbuŋ angi gwat masa gi, yo da naŋ misa gi le na, kisa tiɓaka, i ya misi Ya yahha tuwa.

Ɓimezle ngi Yesu Kristu ZAŊ mitil di mi 3:18

Ko wa mitiɓaŋ le na, a gakaŋ kiita ta. Amma ko wa mitiɓaŋ ta na, kiita a jaŋ le si, asi a tiɓa slimiɗ ngi Mangal kirmalay ngi Buymisemuŋ ta.

Ɓimezle ngi Yesu Kristu ZAŊ mitil di mi 3:36

Mbur matiɓa Mangala na, naŋ ti siifa ngi sete. Mbur macina mi da Mangala ta na, anta sa lum siifa ta, amma Buymisemuŋ a sa ndir ti himaˀ a hirnga naŋ.»

Ɓimezle ngi Yesu Kristu ZAŊ mitil di mi 4:26

Yesu a ɓaŋ: «Ya maɓuw hana, i ya vuna si.»

Ɓimezle ngi Yesu Kristu ZAŊ mitil di mi 8:21

Yo Yesu a ɓa taŋ ma: «I ra cuh le, kisa sipikiy, amma kisa micam ar mungra kumoyo. Li ya maru ng'ara na, ki ram gu ta.»

Ɓimezle ngi Yesu Kristu ZAŊ mitil di mi 8:25

Joˀ a ɓakaŋ: «Ka ki waka?» Yesu a mbiɗa taŋ di: «I ɓi ya mupula ngi ɓukum di mbak le ta, zle angi zlivirzi naŋ na.

Ɓimezle ngi Yesu Kristu ZAŊ mitil di mi 8:28

Dar Yesu a ɓa taŋ: «Mangal ngi mburo, da kum misa zuɓaka le nga muŋ na, kisa sinaka i ya misi Ya Yahha na, yo y'anta gi gwat ngi mongoy ɗu ko neˀ ta, i ɓi di i ɓi Baha mudubuniy di.

Ɓimezle ngi Yesu Kristu ZAŊ mitil di mi 8:58

Yesu a mbiɗa taŋ di: «Gisiŋ gisiŋ, yi ɓukum na: Ti Abraham misi anta aruŋ na, Y'ada.»

SLRA 4:12

Milaha vu, i naŋ pal naŋ tewle. Asi gazlavay kurzluˀ gar na, Buymisemuŋ a vul slimiɗ mekelem da mizli, ɓa i laham ti naŋ na, anta.»

HEBEREY 12:25

Jam lesl so, mbur maɓukum na, ki cinakaŋ di, ki slam himaˀ ta. Mizli mislam himaˀ ngi cine mi ngi mbur miɓa taŋ ɗaˀ ɗaˀ le a ruwuy aka, da a laham avu kuti ti bonoyo ta na, ndra, da i ra mbiɗam duba avu mbur maɓo ndra paɗ ti muŋ na, i sa laham ava gu mbri mbri jak ka?

HEBEREY 2:3

Na, da ndra vuna, i ra gam ti ɓi madiɗa ngi lahavu hana kaɓa ɓi ngi sefel na, i sa laham avu kiita ngi Buymisemuŋ mbri mbrike? I Bumbulvuŋ ti haŋ naŋ vuna mitil mi ti ɓi ngi lahavu hana dumbuŋ. Dar mizli micinaka na kwana, a ɓam ndra ɓi nah kasl kasla.