Ɓimezle ngi Yesu Kristu ZAŊ mitil di mi 8:19 - Bible en langue guiziga

¹⁹ Dar a ɓakaŋ: «Bunuk vuna naŋ amaka?» Yesu a mbiɗa taŋ di: «Ki sinikiy ya ta, yo ki sinaka Baha ta ma. Da ki sinikiy le zleˀe na, anja ani, ki sinaka Baha le zleˀe ya.»

Ɓimezle ngi Yesu Kristu ZAŊ mitil di mi 8:19 ပူးပေါင်းရင်းမြစ်များ

ZEREMI 22:16

A zuɓa ɓi ngi mihina hirngahay ati ngi misi murgahay asi haŋ naŋ, gwat gar a cuh ti ndum! Mbur magi gwat misi kanah na, kite a siniy le takwa? I ya Bumbulvuŋ maɓi.

ZEREMI 24:7

I sa vula taŋ lesl, ɓa a sinikiy. Haˀaw, ya i Bumbulvuŋ, joˀ taŋ a sa tiram mizli ɗuwoy, yo ya kwana, yi sa tiri Buymisemuŋ taŋ ya. I taŋ masa moko ng'avi ya ti wuluk ngi mevel taŋ wãˀ.

Matiye 11:25

Ti di nah na, Yesu a zla a ɓi: «Aw Baha, Buy ngi muŋ ati hirwuy! I ra hunumuw, asi ɓi ka muɗumo avu mizli misi sinmijileŋhey ati misi lesley na, ki njika le da mizli mizleweye.

Ɓimezle ngi Yesu Kristu ZAŊ mitil di mi 1:10

Mingiɓi, naŋ da zleˀe angi duniya, Buymisemuŋ miga duniya na, ti naŋ, amma mizli ngi ruwuyoy a sinakaŋ ta.

Ɓimezle ngi Yesu Kristu ZAŊ mitil di mi 1:18

Ko mbur mupura Buymisemuŋ ɗaˀ anta wãˀ. Amma Mangal naŋ kirmalay mujom ati Cine na, a biga ndra di le.

Ɓimezle ngi Yesu Kristu ZAŊ mitil di mi 15:21

Amma a sa gukum gwat hana gar na, asi slimiɗ ɗu, asi a sinaka mbur mislino ya ta.

Ɓimezle ngi Yesu Kristu ZAŊ mitil di mi 16:3

A sa gam kahana, asi a sinaka Baha ta, ko a sinikiy ya ta ma.

Ɓimezle ngi Yesu Kristu ZAŊ mitil di mi 17:3

Da mizli a sinukuw le, Buymisemuŋ mijeŋŋe pal i ka, yo Yesu Kristu, mbur ka mislino di na, da a sinaka le na, naɓa siifa ngi sete i nah.

Ɓimezle ngi Yesu Kristu ZAŊ mitil di mi 7:28

Yesu madubuna gwat da mizli ar hay ngi Bumbulvuŋ tuwa, a zla a til mi, a ɓi: «Ki sinikiy le, yo ki sinaka li ya muso ti raˀa na le kini kwa? Na, dambalaka yi so ngi mongoy ɗu ta, amma mbur mislino ya na, naŋ kaslsla. Kumo, ki sinakaŋ ta.

KORENTIHEY MUDUMBUŊ 15:34

Pulaka gi biyã biyãˀa gisiŋ wãˀ, yo pulaka gi mungra. Asi mizli mekelemey a wuzla kumo, a sinaka Buymisemuŋ ta. Ya maɓa na, ɓa a gukum mesem.

GALATAY 4:9

Amma wurenna, ki sinaka Buymisemuŋ le muduba, wãˀ naŋ na, i Buymisemuŋ vuna misinukum jaka. Na, ɓa ki mam ng'avu gwat hĩhĩy migeˀ ˀircece tayna a muŋ mbri mbri maka? Ki wuɗam ɓa ki tiram beke taŋhay a muŋ mbri mbri maka?

EFESEY 1:17

Anja Buymisemuŋ, ngi Buy ndra Yesu Kristu, Cine misi ti dudoko, a vulukum ˀUf misi sinmijileŋ, manjikukum Buymisemuŋ, hã ɓa ki sinakaŋ kuy kuy wãˀa.

KOLOSOY 1:10

ɓa kahana na, ki cifam ka Bumbulvuŋ mawuɗ, yo ɓa ki sipam gi gwat maciraŋ hiri wãˀ. Joˀ kisa gam slra mezle ti sukwi wal wal gar, yo kisa sinaka Buymisemuŋ nga mbuŋ nga mbuŋ.

KOLOSOY 1:15

Kristu i foto ngi Buymisemuŋ mizli mapuraka gu ta na, i modogom ar gwatay Buymisemuŋ miga taŋ gar.

HEBEREY 1:3

Mangal nah na, i wucuɗ ngi dudok ngi Buymisemuŋ, Buymisemuŋ, naŋ kahana kahana na, a bugo di le wãˀ. Yo majaha gwatay gar na, i naŋ ti mingiɓi naŋ migidaŋ. A dirba naŋ mubuna mungra ngi mizli avra na, a cifi a muŋ tir vay hazum ngi Buymisemuŋ migidaŋ wãˀa.

ZAŊ MUDUMBUŊ NAŊ 2:23

Ko wa gar misina Mangala ta na, kite a si na Cine ta ya si. Mbur matiɓa Mangala na, kite ara tiɓa Cine ya.

ZAŊ MUDUMBUŊ NAŊ 5:20

I sinaka le, Mangal ngi Buymisemuŋ a so le, a vula ndra lesl le ɓa i sinaka Buymisemuŋ migisiŋ gisiŋ. Ndra mujom ati Buymisemuŋ migisiŋ gisiŋ na, mbele Mangal naŋ Yesu Kristu. Naŋ i Buymisemuŋ migisiŋ gisiŋ, yo i siifa ngi sete ma gar.

ZAŊ MUCUW NAŊ 1:9

Ko wa gar macici zlak ar dubun ngi Kristu ta, amma maru kileŋ fineˀ nah ma na, naŋ manja Buymisemuŋ a hur naŋ. Mbur macici zlak ar dubun ngi Kristu na, naŋ ati Cine waɗ ati Mangala.