Ɓimezle ngi Yesu Kristu ZAŊ mitil di mi 8:12 - Bible en langue guiziga

¹² Akẽh na, Yesu a ɓa mizli tuwa ma: «Yi li minjahha ngi duniya. Mbur maru asi ya na, anta sa ru digi angi luvuŋ ta wãˀ, a sa lum li minjahha maru ti mbur ng'ar siifa.»

Ɓimezle ngi Yesu Kristu ZAŊ mitil di mi 8:12 ပူးပေါင်းရင်းမြစ်များ

Ɗerewol JOP 33:28

A mbuɗo hirnga ɗu avu ci ng'ar vigiɗe, yo siifa ɗu a sa singila li minjahha!»

DIMISEY 49:19

Ti naŋ misi ar siifa na, a ngil wuy ti vu naŋ, a ɓi: «A ra kiɗikiy haŋ, asi gwat gar ara ru avu ya kuy kuy.»

DIMISEY 97:11

Li minjahha a ro ciɗak ciɗak ar mbur mijeŋŋe, mizli misi mevel purlahaya, ara mumulom.

EZAYI 49:6

A ɓiy: «Ɓa ki tiri gawla ɗu, ki mo ti Israyeley mindiram ti siifa, yo ɓa sukwi ngi Zakopo, ki slikiɗaŋ deŋ a muŋ na, i hana tewle ta. Amma yi cufuw le hĩˀĩ, ɓa ki tiri li minjaha ngi sukwi ngi mizli gar, yo ɓa ɓi ɗu ngi lahavu na, a ndil hã ar hirwuy mikiɗ mi.»

EZAYI 50:10

A wuzla kumo, mbur mazluwun ti Bumbulvuŋ ada kwa? Mbur macina ˀay ngi gawla naŋ ada kwa? Mbur maru ar luvuŋ, manja a lum li minjahha ada kwa? Anja mbur nah na, a pula vu naŋ mbak da Bumbulvuŋ naŋ, a jih jah ti Buymisemuŋ naŋ na.

EZAYI 9:2

Bumbulvuŋ, ki ska cira hiri taŋ le, yo ki giɗa mumul taŋ le. Mizli ara cinam ndum a mbuŋ ɗike, kaɓa macinam ndum ar li gi sifi, kaɓa majam salalay ar li wuɗka gwat mitiɓa ar vurum.

Ɗerewol OZE 6:3

Tumukum vu ngi si na Bumbulvuŋ, so naŋ na, i gisiŋ kaɓa pas mabo ti miprik priki, a sa so ng'avi ndra kaɓa vuŋ masawa, yo kaɓa vuŋ ngi dirba wãˀ magujaˀa li.»

Matiye 5:14

«Mapusluɗaka duniya njahha i kum. Walahay mipaka le ar li miɗagar na, a ɗum ta.

Ɓimezle ngi Yesu Kristu LUK mitil di mi 2:32

I li minjahha masa buguw njah avu mizli ngi duniyahay keɗeɗe, yo maga dudok da Israyel, mizli ɗikey.»

Ɓimezle ngi Yesu Kristu ZAŊ mitil di mi 12:35

Yesu a mbiɗa taŋ di: «Li minjahha naŋ da zik neˀ a wuzla kumo ɗagay. Ti kum misi ar li minjahha aruŋ na, aram digi ɓa luvuŋ a sirtukum ta. Asi da mbur ara ru digi ar luvuŋ na, anta si na aru kini nga ka ta.

Ɓimezle ngi Yesu Kristu ZAŊ mitil di mi 12:36

Ti kum misi ar li minjahha aruŋ na, tiɓaka li minjahha a mevel kumo, ɓa ki tiram ziri ngi li minjahhahay.» A dirba Yesu miɓa taŋ ɓi hana na, a bi, a ɗum cik avu taŋ.

Ɓimezle ngi Yesu Kristu ZAŊ mitil di mi 12:46

Ya, li minjahha, i so le ar duniya, ɓa ko wa gar matiɓiy na, a ndir ar luvuŋ ta.

Ɓimezle ngi Yesu Kristu ZAŊ mitil di mi 14:6

Yesu a ɓaŋ: «Yi jiviɗ, yi ɓi mikaslsla, yo yi siifa. Ko mbur maru ng'avi Baha gu anta, sey a bi ti vi ya.

Ɓimezle ngi Yesu Kristu ZAŊ mitil di mi 3:19

Kiita a gi anihĩ: li minjahha a so le ar duniya, amma mizli a hĩyãm luvuŋ fineˀ li minjahha tuwa, asi gwat ngi gi taŋ i malambaˀa.

Ɓimezle ngi Yesu Kristu ZAŊ mitil di mi 7:17

Gwat ya madubuna da mizli hana, da a bo ti vu Buymisemuŋ, malla da yi ɓi di i ɓi ngi hirnga ɗu na, mbur mawuɗ gi gwat Buymisemuŋ mawuɗ na, a sa sinaŋ.

Ɓimezle ngi Yesu Kristu ZAŊ mitil di mi 9:5

Ti ya misi ar duniya aruŋ na, yi li minjahha ngi duniya.»

SLRA 13:47

Asi Bumbulvuŋ a ɓa ndra di le njah wãˀ kahana, a ɓi: ‹Yi cufuw ka ki li minjahha ngi sukwi ngi mizli gar, ɓa ki ru ti ɓi ngi laha vu hã ar kiɗa mi ngi hirwuy gar.›»

SLRA 26:23

‹Mesi a si bonoy le, yo mislikiɗ dumbuŋ ti wuzla mumucahay i naŋ, sey a til mi ti ɓi ngi li minjahha da Yudehey ati sukwi mekelemeye.›»

PIYER MUCUW NAŊ 2:17

Mizli tayna, taŋ ka vigiɗ ngi yam munjololoŋ kine, taŋ ka gazlavay, burkataŋ makil di sikikiki lambaˀ. Buymisemuŋ a wa taŋ vu le ti luvuŋ mititim titim.

PIYER MUCUW NAŊ 2:4

Asi Buymisemuŋ naŋhay migam mungra na, a pula taŋ manja zuma dangay ta. Amma a zliɗa taŋ le ng'ar luvuŋ titra, ar heleleŋ mijileŋ a ruwuy. A wi taŋ vu le weˀ vur hin ngi kiita.

ZAŊ MUDUMBUŊ NAŊ 1:6

Da i ra ɓam: i jumom le ati Buymisemuŋ, amma i ra ram angi luvuŋ ma na, kite i ra gam slir. Naɓa ndr'anta gam gwat mikaslsla ta.

ZUDE 1:13

Gi gwat taŋ ngi mesem na, a vunohoko di kaɓa diɓel ngi yam mangi a mizaw, mago mongofok jiv jiv, taŋ kaɓa wurzlaŋ ngi muŋhoy mizizam le. Buymisemuŋ a ɗiya taŋ li le angi luvuŋ titra mukuy ta wãˀ.

ZUDE 1:6

Modro ngi Buymisemuŋhoy micifam ar li naŋ muvula taŋ di na ta, yo mupulaka li cifi taŋ na, a juwa taŋ le kaŋ kaŋ ti celelu hã ngi set, a wi taŋ vu le weˀ angi luvuŋ, ngi kutuko hin madiɗa ngi kiita.

ƁIMUNJUYO 21:24

Sukwi ngi mizli ngi si ruwuyoy gar, a sa ram angi li minjahha naŋ na, yo buy madiɗa ngi si ruwuyoy a sa soko ti zlili taŋhay ng'ara.