Ɓimezle ngi Yesu Kristu ZAŊ mitil di mi 7:4 - Bible en langue guiziga

⁴ Da mbur a wuɗ le ɓa a sinakaŋ na, a ga gwata ɗum ti ɗum ta. Ani ki ra gi gwat madiɗahay, zuwen biga vu ɗik a wuzla mizli gar.»

Ɓimezle ngi Yesu Kristu ZAŊ mitil di mi 7:4 ပူးပေါင်းရင်းမြစ်များ

BUYOY MUDUMBUŊ NAŊ 22:13

Mislin muru nga zila Mise tuwa, a ɓaŋ na: «Cina ɗi, mijiviɗeye gar taŋ, ani ˀay taŋ jom purla ngi njika ɓi ngi gwat mezle masa gi avu buyo. Anja mingiɓi ɗik a zlir kasl ati nga taŋ na ya! Ɓi di i ɓi mezle masa gi avu buyo!»

Matiye 23:5

Gwat ngi gi taŋ gar na, a gaka ɓa mizli a puraka taŋ. A tufam layahay kurmboˀ kurmboˀ ti mingiɓi ngir ɗerewol ngi Buymisemuŋ ar taŋ, yo a jam silyãjihey ziɓ ziɓ avu mi ngi dawra taŋhaya ngi ska taŋ.

Matiye 4:6

a ɓaŋ: «Da ki Mangal ngi Buymisemuŋ na, hil sar nga ruwuy, asi a tohoko na: ‹Buymisemuŋ a sa ɓa modro naŋhay vur ka, a sa puˀukuw paˀ paˀ a haŋ taŋhay, vur ka masa dunuko sar avu ɗugur.›»

Matiye 6:16

«Da ki ra gam dalyam na, anja ki gam kaɓa ki ra likam ka mizli miɓi mi cuw cuwoy na ta. Taŋ a mbiɗaka midibiɗe, ɓa mizli a puraka taŋ ara gam dalyam. Gisiŋ, yi ɓukum na: taŋ a lumaka migir taŋ le si.

Matiye 6:5

«Mizli miɓi mi cuw cuwoyo, taŋ a wuɗam dira dibiɗ taŋ deŋ ti deŋ ar hay ngi dira dibiɗey malla a mazlaka jiviɗey, ɓa mizli a puraka taŋ. Gisiŋ, yi ɓukum na: taŋ a lumaka migir taŋ le si. Amma kumo, da ki ra diram dibiɗ na, anja ki gam ka taŋ na ta.

Ɓimezle ngi Yesu Kristu LUK mitil di mi 6:45

Mbur mezle, a bo ti gwat mezle, naŋ miwi di vu le a mevele mezleŋ. Yo mbur malambaˀa, a bo ti gwat malambaˀ, naŋ miwi di vu le a mevele malambaˀ aya. Asi mike na, mburo, a ɓi di i ɓi minahaŋ mevele le wãˀ.

Ɓimezle ngi Yesu Kristu ZAŊ mitil di mi 18:20

Yesu a mbiɗaŋ di: «Yi ɓa le njah a mbuŋ mizli gar, y'ada i dubun gwat ndrehhe da mizli ar hay ngi dira dibiɗey waɗ ar hay ngi Bumbulvuŋ, li Yudehey gar macikilam anga, amma ko yi ɓi ɓi yaŋ ti yaŋ neˀ ɗaˀ ta.

Ɓimezle ngi Yesu Kristu ZAŊ mitil di mi 7:3

Joˀ sukum naŋhay a ɓakaŋ: «Ki cifi aka ta, aru nga Yude, ɓa mizli ngi si kahay kwana, a puraka slra ɗik ka maga na.

Ɓimezle ngi Yesu Kristu ZAŊ mitil di mi 7:5

Dambalaka ko sukum naŋhay vuna tekeɗe kwana, a tiɓakaŋ ta.