Ɓimezle ngi Yesu Kristu ZAŊ mitil di mi 7:17 - Bible en langue guiziga

¹⁷ Gwat ya madubuna da mizli hana, da a bo ti vu Buymisemuŋ, malla da yi ɓi di i ɓi ngi hirnga ɗu na, mbur mawuɗ gi gwat Buymisemuŋ mawuɗ na, a sa sinaŋ.

Ɓimezle ngi Yesu Kristu ZAŊ mitil di mi 7:17 ပူးပေါင်းရင်းမြစ်များ

DIMISEY 119:10

I ra supuw ti mevel purla, ki puliy i ngizli kileŋ avu ɓimuɗuva ɗike ta.

DIMISEY 25:12

Da mbur ara zluwun ti Bumbulvuŋ na, Bumbulvuŋ a bigaŋ jiviɗ ngi zuɓo.

DIMISEY 25:14

Bumbulvuŋ a pula vu naŋ mbak da mizli mazluwunam di, a dubuna taŋ ɓi ngi jumoˀay naŋ.

MIKUCUWULOY 28:5

Gwat mizlir le na, mizli malambaˀ hay anta slaka wala nah neˀ ta, amma mizli masipaka Bumbulvuŋ na, a slaka wala ngi gwat gar.

MIKUCUWULOY 3:32

Asi Bumbulvuŋ, ɓi muslurkoɗ gar na, a gaŋ kuy ta wãˀ, amma naŋ i yeme ngi mizli mikaslslahay.

EZAYI 35:8

Ar li nana, a sa kam jiviɗi, a sa zilaka ‹jiviɗ mubaˀ pal›. Mbur misi dili anta sa ru ti raˀa ta asi i Bumbulvuŋ vuna ti haŋ naŋ masa ka mbuŋ, mizli manja lesley anta sa zizoko hirnga ng'ara ta.

DANIYEL 12:10

A sa zuɓaka dili ngi zigiduw taˀ, a bunaka taŋ ndazl ndazl, yo a ndiram celelle baɗ tir bonoyoy. Misi moˀoreheye, a sa gam ti gi moˀore taŋ. Ko misi moˀore pal anta sa sla wala naŋ ta, amma misi lesleye, a sa slaka wala ngi gwatay macohomo.

Ɗerewol OZE 6:3

Tumukum vu ngi si na Bumbulvuŋ, so naŋ na, i gisiŋ kaɓa pas mabo ti miprik priki, a sa so ng'avi ndra kaɓa vuŋ masawa, yo kaɓa vuŋ ngi dirba wãˀ magujaˀa li.»

MISE 4:2

Sukwi ngi mizli haɗa a sa ram nga diga, a sa ɓam: ‹Akum, juɗukum nga muwã Bumbulvuŋ, ng'ar hay ngi Buymisemuŋ ngi Zakop. Naŋ, a sa biga ndra jiviɗ naŋ, joˀ ndra, i sa sipaka jiviɗ naŋ vuna cirre.› Asi gwat ngi dubuno, a bo ti Siyoŋ, yo mingiɓi ngi Bumbulvuŋ a ndilo ndra ti Zeruzalem.

Matiye 6:22

«Hiri i lampe ngi dumvu. Da hiri ɗike naŋ kuy kuy na, naɓa dumvu ɗik gar na, naŋ ar li minjahha.

Ɓimezle ngi Yesu Kristu LUK mitil di mi 8:15

Misi angi li mezle na, i mizli macinam mingiɓi tuwa ti mevel mezle, mukuy, yo majaka a hirnga, a hurdumom, hã a sikam.

Ɓimezle ngi Yesu Kristu ZAŊ mitil di mi 3:21

Amma mbur magi gwat mikaslsla na, a so angi li minjahha, ɓa gwat ngi gi naŋhay ar naŋ mujom ati Buymisemuŋ na, a njikam.»

Ɓimezle ngi Yesu Kristu ZAŊ mitil di mi 8:43

Ki cinaka ɓi ya maɓukum di na ta vur mike? Asi ki ndilaka ngi cine mingiɓi ɗu ta.

Ɓimezle ngi Yesu Kristu ZAŊ mitil di mi 8:44

Cine kum i Satan, yo ki wuɗam gi di i gwat cine kum mahĩyãŋ. Naŋ i mikiɗa hirnga zle angi zli virzi naŋ. A cici ɗaˀ ar ɓi mikaslsla ta, asi ɓi mikaslsla anta ava ta. Da ara sli slir na, a ɓi di i ɓi ngi kpak nga naŋ, vur naŋ i misli slir, yo i buy ngi slirey vuna.

Ɓimezle ngi Yesu Kristu ZAŊ mitil di mi 8:47

Mbur muso ti vu Buymisemuŋ na, a cine mingiɓi ngi Buymisemuŋ. Amma kum i mizli ngi Buymisemuŋhoy ta, kum majikam slimiɗ asi ɓi ɗu ta na, vurˀeŋ.»

SLRA 17:11

Yude ngi Bereheye, i mizli miteŋteŋhey fineˀ ngi Tesalonikeye, a tiɓaka ɓi ngi Buymisemuŋ ti mevel purla. Vur hin gar na, ara wunjilaka Ɓimutoho, ɓa a puraka ɓi Pol maɓa na, naŋ kanah gisiŋ kwana.