Ɓimezle ngi Yesu Kristu ZAŊ mitil di mi 7:14 - Bible en langue guiziga

¹⁴ Hin ngi muguzlumo cuh le cah si, joˀ Yesu a ci ng'ar hay ngi Bumbulvuŋ, a zla a dubuna gwat da mizli.

Ɓimezle ngi Yesu Kristu ZAŊ mitil di mi 7:14 ပူးပေါင်းရင်းမြစ်များ

MALASI 3:1

Bumbulvuŋ misi gidaŋ wãˀa, a ɓi na, i ra slina mislin ɗu ani. A sa ɗiyiy jiviɗ a mbuŋ ɗu. I buy kum mawuɗam, i modro ngi jumoˀay kum muroko ti may naŋ tuwa. A sa ci gurjik ng'ar hay naŋ. Nˀani, ara ndilawa.

SLUFA VU 29:17

Hin mucuw naŋ: gusoŋ kuruˀ nga cuw, zlengerek cuw, ziri tumuŋ ngi vi pal palay kuruˀ nga mufaɗ, taŋ gar manja hereweɗey,

SLUFA VU 29:20

Hin mimakar naŋ: gusoŋ kuruˀ ngaŋ kaˀ, zlengerek cuw, ziri tumuŋ ngi vi pal palay kuruˀ nga mufaɗ, taŋ gar manja hereweɗey,

Matiye 21:12

A dirba nah na, Yesu a ci ng'ar hay ngi Bumbulvuŋ a Zeruzalem. A ɓula migi tererehey ati mihiɗika gwatay gar. Tebur ngi mimbiɗi dalahay ati janga ngi migi terere ngi ɗiyuw dirgwaɗay cek na, a putukuso taŋ gar avra.

Matiye 26:55

Ti nah na, Yesu a ɓa zigiduwo: «Ki soko ti maslalamay ati gandayay nga ji ɗu kaɓa yi mufuyo vu mbrike? Hin gar y'ada joˀ, i ra dubun gwat da mizli ar hay ngi Bumbulvuŋ, ko ki jikiy ta.

Ɓimezle ngi Yesu Kristu LUK mitil di mi 19:47

Vur hin gar na, Yesu ara dubuna gwat da mizli ar hay ngi Bumbulvuŋ. Masay madiɗahay ati buy ngi ɓimujuwahay waɗ mizli madiɗa ngi Yudehey ara puram jiviɗ ɓa a kiɗakaŋ vagay.

Ɓimezle ngi Yesu Kristu ZAŊ mitil di mi 18:20

Yesu a mbiɗaŋ di: «Yi ɓa le njah a mbuŋ mizli gar, y'ada i dubun gwat ndrehhe da mizli ar hay ngi dira dibiɗey waɗ ar hay ngi Bumbulvuŋ, li Yudehey gar macikilam anga, amma ko yi ɓi ɓi yaŋ ti yaŋ neˀ ɗaˀ ta.

Ɓimezle ngi Yesu Kristu ZAŊ mitil di mi 5:14

A zikam, a dirba nah ma na, Yesu a lumaŋ angi hay ngi Bumbulvuŋ ma, a ɓaŋ: «Ani wurenna ki ɗiyi le muduba so. Anja ki gi mungra mata, ɓa ɓi malambaˀ mifineˀ hana a lumuw mata.»

Ɓimezle ngi Yesu Kristu ZAŊ mitil di mi 7:2

Dambalaka muguzlum ngi guɗuk ngi Yudeheye, naŋ gweˀe.

Ɓimezle ngi Yesu Kristu ZAŊ mitil di mi 7:28

Yesu madubuna gwat da mizli ar hay ngi Bumbulvuŋ tuwa, a zla a til mi, a ɓi: «Ki sinikiy le, yo ki sinaka li ya muso ti raˀa na le kini kwa? Na, dambalaka yi so ngi mongoy ɗu ta, amma mbur mislino ya na, naŋ kaslsla. Kumo, ki sinakaŋ ta.

Ɓimezle ngi Yesu Kristu ZAŊ mitil di mi 7:37

Hin ngi kiɗa mi ngi muguzlum wãˀ na, i hin mufuna mekelemey gar. Yesu a slikiɗ deŋ, a zla a til mi ti gidaŋ, a ɓi: «Ko wa gar, da yam ara gaŋ na, anja a so ng'avi ya, a si.

Ɓimezle ngi Yesu Kristu ZAŊ mitil di mi 8:2

Ngi miprik prik na, a mo ng'ar hay ngi Bumbulvuŋ a Zeruzaleme, mizli gar ara soko ng'avaŋ. A cifi, dar a zla a dubuna taŋ gwat.

Ɓimezle ngi Yesu Kristu ZAŊ mitil di mi 8:20

Yesu miɓa ɓi hana na, naɓa ara dubun gwat da mizli ar hay ngi Bumbulvuŋ angi li ngi cikila dala. Ko mbur mija haŋ ava anta, asi pas naŋ a ndila t'aruŋ.