Ɓimezle ngi Yesu Kristu ZAŊ mitil di mi 6:40 - Bible en langue guiziga

⁴⁰ Asi gwat Baha mawuɗ na, n'anihĩ: Ko wa gar mupura Mangala le, yo mitiɓaŋ le na, anja a lum siifa ngi sete, angi hin ngi dirba na, yi sa slikiɗaŋ ti wuzla mumucahaya.»

Ɓimezle ngi Yesu Kristu ZAŊ mitil di mi 6:40 ပူးပေါင်းရင်းမြစ်များ

EZAYI 52:10

Bumbulvuŋ ara biga gidaŋ naŋ mipala, a mbuŋ sukwi ngi mizli gar. Ko angi hirwuy mira kiɗo mi kwana, mizli a sa puraka Buymisemuŋ ndra malaha ndra.

EZAYI 53:2

Asi mike na, Buymisemuŋ, gawla naŋ a gil a mihiri naŋ kaɓa kalaf, sluwraŋ kaɓa slaslalak muɗuɗo kalaf ar li papala. Kuy malla gwat ngi ngilawuy, ɓa a ga ndra kuy ngi puraŋ na, anta ava ta. Ko deŋ naŋ kwana, anta kaɓa ndra mawuɗam ngi pur na ta.

SLUFA VU 21:9

Moyis a ɗiyi kaw ti ɓiri gaza, a luwa law avu ɓamtal. Da kaw muhumbuɗ mbur le, a ɗuva hiri le avu kaw ngi ɓiri gaza nah na, a laha hutuŋ naŋ le.

Matiye 10:15

Gisiŋ, yi ɓukum na: tapas gi kiita na, a sa gaka da walahay nah ti himaˀ fineˀ ngi walahay Sodom ati Gomoro.

Matiye 25:46

Joˀ taŋ a sa ram ng'ar li ngi bonoy ngi sete, yo mizli mijeŋŋeheye, ng'ar li ngi siifa ngi sete.»

Mark 16:16

Mbur masa tiɓi, yo masa ci ar yam na, a sa lih. Mbur masa tiɓi ta na, kiita a sa jaŋ.

Ɓimezle ngi Yesu Kristu LUK mitil di mi 2:30

Asi hiri ɗu a pura lahavu, ka mislino di na le,

Ɓimezle ngi Yesu Kristu ZAŊ mitil di mi 1:14

Yo Mingiɓi tuwa a tiri mbur titra le. A cifi a wuzla ndra ti gimezle ati ɓi ɓi mikaslsla haɗa. I puraka dudok naŋ le. I dudok ngi Mangal kirmalay mulumo di avu Cine.

Ɓimezle ngi Yesu Kristu ZAŊ mitil di mi 10:28

Ya i vula taŋ siifa ngi sete, t'anta sa micam ta ndiɗaˀ. Yo mbur matiɓa taŋ gu tisi haŋ ɗu, anta.

Ɓimezle ngi Yesu Kristu ZAŊ mitil di mi 11:24

Marta a mbiɗaŋ di: «Yi si na le, tapas mizli mumucahay masa slikiɗam angi hin ngi dirba na, a sa mo ti siifa a muŋ.»

Ɓimezle ngi Yesu Kristu ZAŊ mitil di mi 11:25

Yesu a ɓaŋ: «Maslikiɗ mbur mumuca i ya, yo siifa i ya. Mbur matiɓiy na, ko da a muc le kwana, a sa ndir ti siifa.

Ɓimezle ngi Yesu Kristu ZAŊ mitil di mi 12:45

Yo mbur mapuriy na, a pur di i mbur mislino ya.

Ɓimezle ngi Yesu Kristu ZAŊ mitil di mi 12:50

Yo i si na le, ɓimuɗuva naŋ i siifa ngi sete. Ɓi ya maɓa na, i ɓa kaɓa Baha miɓiy di na.»

Ɓimezle ngi Yesu Kristu ZAŊ mitil di mi 14:17

Naŋ i ˀUf mijeŋŋe. Naŋ na, duniya a tiɓaŋ gu ta, asi naŋ anta puraŋ ta, yo a sinaŋ ta. Amma kumo, ki sinakaŋ le, vur naŋ da ati kumo, yo naŋ da a hur kumo ma.

Ɓimezle ngi Yesu Kristu ZAŊ mitil di mi 14:19

Neˀ nga mbuŋ ka na, duniya anta sa puriy mata. Amma kumo, kisa purikiy, y'ada ti siifa. Yo kumo kwana, kisa ndiram ti siifa ya.

Ɓimezle ngi Yesu Kristu ZAŊ mitil di mi 17:2

yo ɓa a vula siifa ngi sete da mizli, ka muvulaŋ taŋ gar na, kaɓa ka muvulaŋ madiɗa a hirnga mizli titirahay gar.

Ɓimezle ngi Yesu Kristu ZAŊ mitil di mi 3:36

Mbur matiɓa Mangala na, naŋ ti siifa ngi sete. Mbur macina mi da Mangala ta na, anta sa lum siifa ta, amma Buymisemuŋ a sa ndir ti himaˀ a hirnga naŋ.»

Ɓimezle ngi Yesu Kristu ZAŊ mitil di mi 4:14

Amma da mbur misa si yam, ya masa vulaŋ di na le na, yam anta sa gaŋ mata wãˀ. Yam ya masa vulaŋ di na, a sa tiri miviɗiviɗi ngi yam maɓul goŋ goŋ, mavulaŋ siifa ngi sete jaka.»

Ɓimezle ngi Yesu Kristu ZAŊ mitil di mi 5:24

Gisiŋ gisiŋ, yi ɓukum na: mbur macina mingiɓi ɗu, yo matiɓa mbur mislino ya na, naŋ da ti siifa ngi sete. Anta gakaŋ kiita geˀ le ta, amma a tuwuɗ le tir muco ng'ar siifa si.

Ɓimezle ngi Yesu Kristu ZAŊ mitil di mi 6:27

Anja ki gam slra ngi luuma ɗaf mahiryi ta, amma ngi luuma ɗaf mazik, mavul siifa ngi sete. Ɗaf Mangal ngi mbur masavulukum di, asi mbur Cine Buymisemuŋ muɗuv haŋ angi naŋ na, i naŋ vuna.»

Ɓimezle ngi Yesu Kristu ZAŊ mitil di mi 6:39

Gwat mbur mislino ya mawuɗo n'anihĩ: mizli naŋ muvuliy taŋ na, anja i zizi mbur pal a wuzla taŋ ta. Amma angi hin ngi dirba wãˀ na, anja i slikiɗa taŋ ti wuzla mumucahay a muŋ.

Ɓimezle ngi Yesu Kristu ZAŊ mitil di mi 6:44

Ko mbur maso ng'avi ya gu anta, sey da Baha mislino ya muso di le far. Ya i sa slikiɗaŋ ti wuzla mumucahay ar hin ngi dirba wãˀ.

Ɓimezle ngi Yesu Kristu ZAŊ mitil di mi 6:54

Mbur mazum meficek ngi vu ɗu, yo masi pumbus ɗu na, naŋ da ti siifa ngi sete, yo i sa slikiɗaŋ ti wuzla mumucahay ar hin ngi dirba.

Ɓimezle ngi Yesu Kristu ZAŊ mitil di mi 8:56

Dideˀ kum Abraham a mumul le ngi sa pura hin ɗu. A pura le, yo a mumul haɗa.»

ROMAHAY 5:21

Kaɓa mungra muzum buy tisi muc na kwana, gimezle ngi Buymisemuŋ a zum buy tisi siifa ngi sete, mbele Buy ndra Yesu Kristu.

ROMAHAY 6:23

Asi migir ngi mbur magi mungra na, i mucu. Amma gwat Buymisemuŋ mavula ngatara na, i siifa ngi sete, asi ndra mujom ati Buy ndra Yesu Kristu.

KORENTIHEY MUCUW NAŊ 4:6

Asi Bumbulvuŋ miɓi zleˀe: «Anja li a pusluɗ njahha angi luvuŋ» na, mupusluɗ a mevel ndrahay njahha na, i naŋ vuna, ɓa i sinaka dudok naŋ mawucuɗ njahha a mihiri ngi Kristu.

HEBEREY 11:1

Tiɓi na, i gwat mbur manjih hiri aseˀeŋ, a tiɓa le i gisiŋ. I gwat migisiŋ mbur mapura ta, amma a si na le, naŋ da gisiŋ.

HEBEREY 11:27

Moyis a pula hirwuy Ezipte, manja a zluwun ti buy madiɗa masa zuɓ himaˀ na, asi tiɓi. Dar a cici zlak gidaŋ gidaŋ, kaɓa naŋ da pura Buymisemuŋ, naŋ mapura gu ta na.

PIYER MUDUMBUŊ NAŊ 1:8

Yesu Kristu, ko da ki purakaŋ ɗaˀ ta tekeɗe kwana, ki ra wuɗakaŋ. Kum anta purakaŋ t'aruŋ, amma ki ra tiɓakaŋ. Vurˀe, ki ra mumulom ti mumul mududok haɗa wãˀ, a funa ngi ɓi avu mi le.

ZAŊ MUDUMBUŊ NAŊ 2:25

Gwat, Kristu miɓa ndra di ɗaˀ le na, n'anihĩ: i siifa ngi sete.

ZUDE 1:21

Cicam ar wuɗavu ngi Buymisemuŋ, kutukoko gimezle ngi Buy ndra Yesu Kristu masa vulukum siifa ngi set na.