Ɓimezle ngi Yesu Kristu ZAŊ mitil di mi 6:27 - Bible en langue guiziga

²⁷ Anja ki gam slra ngi luuma ɗaf mahiryi ta, amma ngi luuma ɗaf mazik, mavul siifa ngi sete. Ɗaf Mangal ngi mbur masavulukum di, asi mbur Cine Buymisemuŋ muɗuv haŋ angi naŋ na, i naŋ vuna.»

Ɓimezle ngi Yesu Kristu ZAŊ mitil di mi 6:27 ပူးပေါင်းရင်းမြစ်များ

DIMISEY 2:7

Ya buy madiɗa, i sa til mi ti ɓi micica, Bumbulvuŋ a ɓiy na: «Ki mangal ɗu, i yuw le nga dana.

DIMISEY 40:7

Ko mikuli, ko gwat ngi vulo, ki wuɗ ta, - Ki wuniy slimiɗe le ngi cin - ginew mizlam zlam malla mikuli ngi pula mungra na, ko ki wuɗ ta.

MIKUCUWULOY 9:5

«Soko ɓa ki zumam ɗaf ɗu, ɓa kisam mbaazla ya milihiɗa na.

TILA MI 6:7

Slra ngi mbur mira ga gar na, inga mi, ti nah gar na, a kiɗaŋ may ɗaˀ ta na si.

EZAYI 42:1

Buymisemuŋ a ɓi na: «Gawla ɗu n'ani, i ro haŋ kaw ava. I ya muwuna ti haŋ ɗu, hiri ara ciriy ti naŋ, i ca ˀUf ɗu le ng'ar naŋ. A sa ga kiita da sukwi ngi mizli gar.

EZAYI 55:2

Gwat ngi zum ti mbur kuɗaˀ ta, ki tikaka dala kumo vurˀe ngi mike? Yo gwat mambi vu mbeˀ ta, ki tikaka gidaŋ kum vurˀe ngi mike? Inga cinam so, cinikiy mingiɓi ɗu, yo zumam gwat mezle, anja gwat ngi zum mundumoy a curukum hiri.

ZEREMI 15:16

Ya muluma mingiɓi ɗike le lum si na, i nda suɗuk. Mingiɓi ɗike, a ciriy hiri le, a vuliy mumul migisiŋ le a hur ɗu. Bumbulvuŋ, Buymisemuŋ misi gidaŋ wãˀ, yi muvula le da ka.

HABAKUK 2:13

Vurˀe, Bumbulvuŋ misi gidaŋ wãˀa, a ga slra naŋ ani: slra ngi mizli magaka a kiɗ mi ng'ar vu, sukwi ngi mizli a gam hirdam hirdam ngatara.

Matiye 17:5

Hirak ti naŋ maɓi aruŋ vuna si na, keɗ na, gazlavay minjazlazla a so sirta taŋ. Yo ay a cino tir gazlavay tuwa: «Mbur hana i Mangal ɗu ya mawuɗaŋ haɗa, ya hĩhĩyaŋ ɓa yi winaŋ! Cinaka mingiɓi naŋ!»

Matiye 25:46

Joˀ taŋ a sa ram ng'ar li ngi bonoy ngi sete, yo mizli mijeŋŋeheye, ng'ar li ngi siifa ngi sete.»

Matiye 3:17

Dar ˀay a cino baɗ a muŋ: «Hana i mangal ɗu, ya mawuɗ haɗa, ya hĩhĩyaŋ ɓa i winaŋ.»

Matiye 6:19

«Anja ki cikilam zlili a ruwuy misenna ta, vur a ruwuyo, tiler a zumaŋ, li mileleŋ a nduvaŋ, muhuloy kwana, a slinaka haya, a hulokoŋ.

Matiye 8:20

Yesu a mbiɗaŋ di: «Bigaɗaya, taŋ ti vigiɗ taŋhay, ɗiyuw ngi ɓuhoy kwana, taŋ ti hay taŋhay, amma ya Mangal ngi mburo, ko li ki hirnga kwana, anta.»

Mark 1:11

ˀAy a cino paɗ a muŋ, a ɓi: «Ki mangal ɗu ya mawuɗow haɗa, i hĩyã le ɓa i wunuw.»

Mark 9:7

Gazlavay a so sirta taŋ. Joˀ ˀaya cino paɗ a muŋ: «Mbur hana, i Mangal ɗu ya mawuɗaŋ haɗa, cinaka mingiɓi naŋ!»

Ɓimezle ngi Yesu Kristu LUK mitil di mi 3:22

ˀUf Mipal a po sar ar Yesu ti dumvu ka gonok. Yo ˀay a cino paɗ a muŋ, a ɓi: «Ki Mangal ɗu ya mawuɗow haɗa, i ra mumul vur ka haɗi.»

Ɓimezle ngi Yesu Kristu LUK mitil di mi 9:35

ˀAy a cino tir gazlavay tuwa, a ɓi: «Mbur hana i Mangal ɗu, i mbur ya muwunaŋ, cinaka mingiɓi naŋ!»

Ɓimezle ngi Yesu Kristu ZAŊ mitil di mi 10:28

Ya i vula taŋ siifa ngi sete, t'anta sa micam ta ndiɗaˀ. Yo mbur matiɓa taŋ gu tisi haŋ ɗu, anta.

Ɓimezle ngi Yesu Kristu ZAŊ mitil di mi 11:42

Yi si na le, ki ra tiɓa mi ɗu ndrehhe. Amma yi ɓi asi zigiduw mugun hirnga ɗu hana, ɓa a tiɓaka i ka mislino ya.»

Ɓimezle ngi Yesu Kristu ZAŊ mitil di mi 14:6

Yesu a ɓaŋ: «Yi jiviɗ, yi ɓi mikaslsla, yo yi siifa. Ko mbur maru ng'avi Baha gu anta, sey a bi ti vi ya.

Ɓimezle ngi Yesu Kristu ZAŊ mitil di mi 15:24

Slra tayna, ya miga taŋ a wuzla taŋ na, da i slra misi mbur miga taŋ ɗaˀ zleˀe ta na, anja mungra anta avu taŋ ta. Amma wurenna, a puraka le ngbaŋ, na kwana, ara gam mesene ti ndra ati Baha ɓula na si.

Ɓimezle ngi Yesu Kristu ZAŊ mitil di mi 17:2

yo ɓa a vula siifa ngi sete da mizli, ka muvulaŋ taŋ gar na, kaɓa ka muvulaŋ madiɗa a hirnga mizli titirahay gar.

Ɓimezle ngi Yesu Kristu ZAŊ mitil di mi 3:15

ɓa ko wa gar mitiɓaŋ le na, a lum siifa ngi sete.

Ɓimezle ngi Yesu Kristu ZAŊ mitil di mi 3:33

Mbur matiɓa sedewo naŋ na, a tiɓa ɓi ngi Buymisemuŋ le, naŋ kaslsla.

Ɓimezle ngi Yesu Kristu ZAŊ mitil di mi 6:40

Asi gwat Baha mawuɗ na, n'anihĩ: Ko wa gar mupura Mangala le, yo mitiɓaŋ le na, anja a lum siifa ngi sete, angi hin ngi dirba na, yi sa slikiɗaŋ ti wuzla mumucahaya.»

Ɓimezle ngi Yesu Kristu ZAŊ mitil di mi 6:47

Gisiŋ gisiŋ, yi ɓukum na: ko wa mitiɓi le na, naŋ da ti siifa ngi sete.

Ɓimezle ngi Yesu Kristu ZAŊ mitil di mi 6:51

«Yi ɗaf misi ti siifa maposar paɗ ti muŋ. Mbur masa zum ɗaf hana na, a sa ndir ti siifa hã ngi sete. Yo ɗaf ya masa vula vuna i meficek ngi vu ɗu, i vula ɓa mizli ngir duniya a ndiram ti siifa.

Ɓimezle ngi Yesu Kristu ZAŊ mitil di mi 6:53

Joˀ Yesu a ɓa taŋ: «Gisiŋ gisiŋ, yi ɓukum na: da ki zumam meficek ngi Mangal ngi mburo ta, yo da kisam pumbus naŋ ta na, kum anta kisa lumam siifa a hur kumo ta.

Ɓimezle ngi Yesu Kristu ZAŊ mitil di mi 6:54

Mbur mazum meficek ngi vu ɗu, yo masi pumbus ɗu na, naŋ da ti siifa ngi sete, yo i sa slikiɗaŋ ti wuzla mumucahay ar hin ngi dirba.

Ɓimezle ngi Yesu Kristu ZAŊ mitil di mi 6:58

Peŋ mupo sar paɗ ti muŋ n'anihĩ: a bam vu ati ngi dideˀ kumoy muzumaka na ta, asi taŋ a micam le. Amma mbur misa zum ɗaf hana le na, a sa ndir ti siifa hã ngi sete.»

Ɓimezle ngi Yesu Kristu ZAŊ mitil di mi 6:62

Ani da kisa puraka Mangal ngi mburo le, ara jiɗ ng'ar li naŋ misi anga zleˀe na mbrike?

Ɓimezle ngi Yesu Kristu ZAŊ mitil di mi 6:68

Amma Simoŋ Piyer a mbiɗaŋ di: «I sa ram ng'avi waka, Buy? Kˀada ti mingiɓi mavul siifa ngi sete.

Ɓimezle ngi Yesu Kristu ZAŊ mitil di mi 8:18

I ra ga sedewo ngi hirnga ɗu tehhe a muŋ, Baha mislino ya kwana, ara gi sedewo a hirnga ɗu ma.»

SLRA 10:38

Ki sinaka le, Yesu ngi Nazarete, Buymisemuŋ a vulaŋ gidaŋ ngi ˀUf Mipala le, a liˀi ti gimezle ar lihey gar, a mbulo mizli muroko asi haŋ ngi Satanaya le gar, asi Buymisemuŋ naŋ da ati naŋ.

SLRA 2:22

«Kum Israyeley, cinaka mingiɓi ɗu ani: Yesu ngi Nazarete, i mbur Buymisemuŋ mibiga gidaŋ naŋ le ti naŋ. Buymisemuŋ miga cekenehey, gwat migam ɗa tahay ati gwat ngi zuma hirngahay wuzla kum na, mbele naŋ. Kum ti hirnga kumo, ki sinaka le.

ROMAHAY 4:11

Abraham a tiɓi le, a ci le a mizawa, vivi mabiga Buymisemuŋ a ɗiyaŋ le zlezle jeŋŋe na, a lum le. Bumbulvuŋ a ɗiya Abrahama dumbuŋ angi naŋ mici a mizawa. Naŋ kine, Abraham a tiri cine ngi mizli mitiɓihey gar. Ko da a cam mizawa ta tekeɗe kwana, Bumbulvuŋ ara pura taŋ ka mizli mijeŋŋehey.

ROMAHAY 6:23

Asi migir ngi mbur magi mungra na, i mucu. Amma gwat Buymisemuŋ mavula ngatara na, i siifa ngi sete, asi ndra mujom ati Buy ndra Yesu Kristu.

KORENTIHEY MUDUMBUŊ 6:13

A ɓam ma na: «Ɗafa, naŋ vur kwacay, kwacaya kwana, naŋ vur ɗafa.» Haˀaw, Bumbulvuŋ a sa ziza taŋ cuw taŋ. Amma dumvu ngi mburo, naŋ vur gi sulome ta, naŋ vur Buymisemuŋ. Yo Buymisemuŋ kwana, naŋ vur dumvu ya.

KORENTIHEY MUDUMBUŊ 9:2

Ko da avu mizli mekelemeye, yi mislin ta kwana, amma avu kumo, yi mislin ɓula. Mabiga yi mislin gisiŋ na, i kum mujom ati Bumbulvuŋ na.

KORENTIHEY MUCUW NAŊ 4:18

Hiri ndra mitaˀ na, ar gwat mapuramay na ta, amma ar gwat hiri ndra mapura gu ta. Gwat hiri mapura na, a ndir ngi wãˀ ta, amma misi hiri ndra mapura ta na, a ndir hã ngi sete.

GALATAY 5:6

Asi avu mbur mujum le ati Yesu Kristu na, da ko a ci le a mizawa, malla ko a ci ta kwana, i gwat mupuɗaw ta. Amma gwat mupuɗawa, sey tiɓi mabigi ti wuɗavu.

Slu cuw 30:13

Taŋ a duba mubuliyey ta ma, ɓa ki ɓam: «Masa tuwuɗa mubuliye i wa, ɓa ara supo ndra di, ɓa a ɓa ndra di, ɓa i gam taŋ slra na ka ta»

FILIPIHEY 2:13

Asi Buymisemuŋ ara gi slra ndrehhe a hur kumo, ɓa a tiri ti kum ter ngi wuɗa gwat ati ngi gi naŋ, kaslsla kaɓa naŋ miɗiya jiviɗ naŋ.

KOLOSOY 1:29

Ya magi slra, yo ya macik vu ti gidaŋ naŋ mihaɗa a hur ɗu na, vurˀeŋ.

KOLOSOY 2:22

Tayna gar na, i gwatay, da a gam taŋ slra le na, a susuymom le si. I ɓi ngi mizli muɗuvaka, yo madubunaka da mizli tewle.

KOLOSOY 3:2

Kam slimiɗ ar gwat ngi muŋhoy, mbak gwat ngi ruwuyoyo le.

TESALONIKEY MUDUMBUŊ NAŊ 1:3

I ra wulkam keŋŋe ar tiɓi kum magam di slra na, ar wuɗavu haɗi ar wala kum, yo ar njahha hiri kum mihirdam hirdam, maso tivu Buy ndra Yesu Kristu a mbuŋ Cine ndra Buymisemuŋ na.

TIMOTE MUCUW NAŊ 2:19

Amma ɗuva virzi naŋ, Buymisemuŋ muɗuva gidaŋ gidaŋ na, naŋ da. Mingiɓi ani toh toh ava: «Bumbulvuŋ a si na mizli naŋhaya le», waɗ ma na: «Ko wa gar maɓi, naŋ i mbur ngi Bumbulvuŋ na, anja a kirih kileŋ avu gi gwat malambaˀa.»

HEBEREY 12:16

Jam lesl, anja mbur a gi sulome ta, a gi lambaˀ ti gwat muvuku vu taŋ na ta, kaɓa Esaw, naŋ modogom na, a hiɗika gi modogom naŋ avra ti ɗaf sikiɗ purla.

HEBEREY 4:11

Da kine na, tumukum vu so, ɓa i cam ng'ar li muskavu nah, ɓa cine mi taŋ ta nah na, a hizigiɗ mbur purla ng'ar mungra ka taŋ vuna ya ta.

Ɗerewol ZAK 1:11

Da pas a jiɗo le, ara zlum ŋcoˀ ŋcoˀ na, a muˀulo kalafa, mufuyuk tuwa a diɗ, kuy naŋ tuwa a susuyum le. Naŋ kanah ya, mbur misi zlili a sa susuyum ar slra naŋ maga gar.

PIYER MUDUMBUŊ NAŊ 1:24

A tohoko na: «Mizli gar, taŋ kaɓa kalafay, dudok taŋ gar kwana, naŋ kaɓa mufuyuk ngi gwatay. Kalafa, a muˀul, joˀ mufuyuk naŋ a diɗi.

PIYER MUCUW NAŊ 1:17

Asi ti ˀay ngi Buymisemuŋ mifineˀ gwat gar micino, naŋ miɓaŋ: «Mbur hana, i mangal ɗu, ya mawuɗaŋ, i mbur ya hĩhĩyaŋ ɓa yi winaŋ» na, a lum ɗuva hirnga, waɗ dudok tivu Buymisemuŋ Cine ndra.