Ɓimezle ngi Yesu Kristu ZAŊ mitil di mi 5:44 - Bible en langue guiziga

⁴⁴ Kumo, ki vulam dudoko ar wala kum tehhe a muŋ, kum anta sipam dudok Buymisemuŋ pal naŋ mavula na ta ma na, anja kisa tiɓikiy mbri mbri zleˀe ka?

Ɓimezle ngi Yesu Kristu ZAŊ mitil di mi 5:44 ပူးပေါင်းရင်းမြစ်များ

ƁI NGI HINEY MUCUW NAŊ 6:8

Amma Bumbulvuŋ a ɓa baha Davite na: ‹Ki wuluk le a mevele, ɓa ki ndiriy hay ngi zila slimiɗ ɗu, naŋ kuy, i wuluk mezleŋ.

ZEREMI 13:23

Mbur misi kuturkuy titra na, a mbiɗa kuturkuy ngi vu naŋ gu kwa? Dirlenge a mbiɗa ngwic ngi vu naŋ gu kwa? Naŋ kine ya, kum mizli misirkam le ti gi malambaˀa, ki gam gwat mezle gu kwa?

Matiye 23:5

Gwat ngi gi taŋ gar na, a gaka ɓa mizli a puraka taŋ. A tufam layahay kurmboˀ kurmboˀ ti mingiɓi ngir ɗerewol ngi Buymisemuŋ ar taŋ, yo a jam silyãjihey ziɓ ziɓ avu mi ngi dawra taŋhaya ngi ska taŋ.

Ɓimezle ngi Yesu Kristu LUK mitil di mi 19:17

Buy a ɓaŋ: ‹Naŋ kuy, gawla mezle. Ki gi slra mikaslsla le ti gwat mineˀkini, zum buy ar walahay kuruˀu.›

Ɓimezle ngi Yesu Kristu ZAŊ mitil di mi 12:43

Asi ngilawuy ngi mizli mangilam taŋ wuy na, a hĩhĩyam di i nah, fineˀ ngila wuy Buymisemuŋ mangil taŋ na le.

Ɓimezle ngi Yesu Kristu ZAŊ mitil di mi 17:3

Da mizli a sinukuw le, Buymisemuŋ mijeŋŋe pal i ka, yo Yesu Kristu, mbur ka mislino di na, da a sinaka le na, naɓa siifa ngi sete i nah.

Ɓimezle ngi Yesu Kristu ZAŊ mitil di mi 3:20

Naŋ kine, ko wa gar magi gwat malambaˀ na, a hirsa li minjahha, a ngum so ng'ara ta, a zluwun vur gwat ngi gi naŋ malambaˀhay tuwa masa njikam.

Ɓimezle ngi Yesu Kristu ZAŊ mitil di mi 5:41

Dudok ngi mizli magikiy di na, y'anta tiɓa ta.

Ɓimezle ngi Yesu Kristu ZAŊ mitil di mi 8:43

Ki cinaka ɓi ya maɓukum di na ta vur mike? Asi ki ndilaka ngi cine mingiɓi ɗu ta.

ROMAHAY 2:10

Amma ko wa gar magi mezle na, Buymisemuŋ a sa vulaŋ dudok, a sa ɗuvaŋ hirnga, a sa vulaŋ zuy, da Yudehey dumbuŋ waɗ da sukwi mekelemey gar.

ROMAHAY 2:29

Amma maga mburo i mbur Yude gisiŋ na, i gwat muɗum ngi hur kwacay naŋ, yo ci mizawa, i ci mizaw ngir mevele, ci mizaw ngi ˀUf ngi Buymisemuŋ, i ngi ɓi mutohoko ti tuh na ta. Mbur Buymisemuŋ mahunumaŋ, mbak mizli mahunumakaŋ na le na, i nah.

ROMAHAY 2:7

Mizli mahurdumom ti gi slra mezle, mapuram jiviɗ ɓa Buymisemuŋ a vula taŋ dudok, ɓa a ɗuva taŋ hirnga, yo ɓa a ndiram caˀa na, Buymisemuŋ a sa vula taŋ siifa ngi sete.

KORENTIHEY MUDUMBUŊ 4:5

Vurˀe, anja ki gam kiita da mbur daf dumbuŋ ta, sey da Bumbulvuŋ muso le. Gwat muɗum ar luvuŋ gar na, i naŋ masa bo taŋ ngbah ar li babara, yo i naŋ masa njika wuluk miyaŋ ngir mevel ngi mizli gar. Dar Buymisemuŋ a sa hunuma mbur gar weˀe avu gwat naŋ migaŋ.

KORENTIHEY MUCUW NAŊ 10:18

Naŋ kine, mbur ngi ngil di wuy na, i mbur mangil wuy ti vu naŋ tehhe a muŋ na ta, amma i mbur Bumbulvuŋ mangil di wuy.

FILIPIHEY 2:3

Anja ki gam gwat ɓa mizli a puram i kumo si ta, yo ki huhumo vu ta. Ammahinam hirngaŋ, puraka mizli mekelemeye, kaɓa a funukum le.

TESALONIKEY MUDUMBUŊ NAŊ 2:6

Yo i puram jiviɗ ɓa i lumam dudok avu mizli ɗaˀ ta ndiɗaˀ, ko avu kum, malla ko avu mizli mekelemey.

TIMOTE MUDUMBUŊ NAŊ 1:17

Buy madiɗa ngi sete, Buymisemuŋ mamuc ta, mbur mapura gu ta wãˀ, Buymisemuŋ mupurla na, anja mizli a ɗuvakaŋ hirnga, a gakaŋ dudok hã ngi sete, ngi samadin! Amin.

HEBEREY 3:12

Vurˀe, sukum ɗuwoy, jam lesl, anja mbur a wuzla kum a ndir ti mevel malambaˀ ta, yo anja a ndir hirnga gidaŋ, ɓa a gwahakaŋ avu Buymisemuŋ misi ti siifa na ta.

Ɗerewol ZAK 2:1

Sukum ɗuwoy, Buy ndra Yesu Kristu misi ti dudoko, ki tiɓakaŋ le, na so na, anja ki winam mizli ti wini ta.

PIYER MUDUMBUŊ NAŊ 1:7

Ɓiri tapasl tapasla, a puraka le angi vu ngbaŋ ni. Gar ti nah kwana, anta ndir caˀa ta. Naŋ kanah ya, tiɓi kumo, naŋ puɗaw haɗa, a funa le, amma a puraka le ya, ɓa ngi si na puɗaw naŋ vuna. Vurˀe, tapas Yesu Kristu masa bugo vu na, kisa lumam hunum, dudok waɗ ɗuva hirnga asi tiɓi kum na ya.

ZUDE 1:25

yo Buymisemuŋ mupurla tew, Milih ndra tisi Buy ndra Yesu Kristu na, anja hunum, dudok, madiɗa waɗ gidaŋ gar a ndir da naŋ zle dumbuŋ angi naŋ miga gwatay gar, zle wurenna hã ngi sete. Amin.

SAMUYEL MUDUMBUŊ NAŊ 15:30

Sawul a ɓaŋ: «Kay, i gi mungra le. Wurenna, ambuh ta kwa, gi ti ya yi mbur mupuɗaw a mihiri ngi mizli micawwahay ati Israyeleye. Mawa, i ram bummoˀ, i ra huruk huruk a mbuŋ Bumbulvuŋ Buymisemuŋ, ɗike.»

SAMUYEL MUDUMBUŊ NAŊ 2:30

Vurˀe, ya Bumbulvuŋ Buymisemuŋ, ngi Israyel a ɓi na, yi ɓuw le zleˀeŋ: «Hay ɗik ati hay ngi dideˀ ɗike, kisa ndiram kum i masayay a mbuŋ ɗu, hã ngi sete. Ani wurenna i ɓuw na, a gi kanah mata. Asi, yi ɗuva hirnga da mizli maduvikiy hirnga, amma mizli mahirsikiy na, a sa hirsaka taŋ ya.