Ɓimezle ngi Yesu Kristu ZAŊ mitil di mi 5:42 - Bible en langue guiziga

⁴² Na zle, yi sinukum le, wuɗa Buymisemuŋ anta a hur kumo ta.

Ɓimezle ngi Yesu Kristu ZAŊ mitil di mi 5:42 ပူးပေါင်းရင်းမြစ်များ

Ɓimezle ngi Yesu Kristu LUK mitil di mi 16:15

Yesu a ɓa taŋ: «Ki gaka vu kum a mbuŋ mizli ka kum jeŋŋe, amma Buymisemuŋ a si na mevel kumo le. Gwat mizli mapuraka, i gwat hirnga na, avu Buymisemuŋ, i gwat mukuy ta wãˀa.

Ɓimezle ngi Yesu Kristu ZAŊ mitil di mi 2:25

N'anta wuɗ mbur waɗ le, ɓa a gaŋ sedewo a hirnga mburo ta, asi naŋ ti hirnga naŋ, a si na ɓi ngi kwacay mburo le.

Ɓimezle ngi Yesu Kristu ZAŊ mitil di mi 21:17

A ɓaŋ sar mimakir naŋ ma: «Simoŋ, mangal ngi Zaŋ, k'ada wuɗiy kwa?» Yesu miɓa Piyere sar mimakir naŋ: «Kˀada wuɗiy kwa?» na, a gaŋ kuy ta, a slaŋ di, a ɓaŋ: «Buy, ki si na gwataya le gar, ki si na le, i ra wuɗuw ngbaŋ!» Joˀ Yesu a ɓaŋ: «Jigina tumuŋ ɗuwoy.

Ɓimezle ngi Yesu Kristu ZAŊ mitil di mi 5:41

Dudok ngi mizli magikiy di na, y'anta tiɓa ta.

Ɓimezle ngi Yesu Kristu ZAŊ mitil di mi 5:43

Yi so ti slimiɗ ngi Baha, ki ngumam tiɓikiy ta. Amma da mbur mekelem a so le ti slimiɗ naŋ tehhe a muŋ na, kisa tiɓam di i naŋ jaka.

Ɓimezle ngi Yesu Kristu ZAŊ mitil di mi 5:44

Kumo, ki vulam dudoko ar wala kum tehhe a muŋ, kum anta sipam dudok Buymisemuŋ pal naŋ mavula na ta ma na, anja kisa tiɓikiy mbri mbri zleˀe ka?

Ɓimezle ngi Yesu Kristu ZAŊ mitil di mi 8:42

Yesu a ɓa taŋ: «Da Buymisemuŋ i Cine kum zleˀe na, anja ni ki wuɗikiy le, vur ya mubo, ya muso na, ti vu Buymisemuŋ vuna. Yi so ngi mongoy ɗu ta, i naŋ mislino ya.

Ɓimezle ngi Yesu Kristu ZAŊ mitil di mi 8:47

Mbur muso ti vu Buymisemuŋ na, a cine mingiɓi ngi Buymisemuŋ. Amma kum i mizli ngi Buymisemuŋhoy ta, kum majikam slimiɗ asi ɓi ɗu ta na, vurˀeŋ.»

Ɓimezle ngi Yesu Kristu ZAŊ mitil di mi 8:55

Kumo, ki sinakaŋ ɗaˀ ta, amma ya i sinaŋ le. Da yi ɓi le i sinaŋ ta na, ɓa yi tiri misi slir le ka kum vuna ya. Amma yi sinaŋ le, i ra ja mingiɓi naŋ a hirnga.

ROMAHAY 8:7

Asi gi gwat kpak ngi vu mawuɗo, a tiri ti mburo, i mesene ngi Buymisemuŋ. N'anta hin hirnga a mbuŋ ɓimujuwa ta. A ja ɓi nah gu vuna ta si.

ZAŊ MUDUMBUŊ NAŊ 2:15

Anja ki wuɗam duniya ta, ko gwat ngir duniya, ki wuɗam ta. Da mbur ara wuɗ duniya na, naɓa wuɗa Cine ndr'anta a hur naŋ ta.

ZAŊ MUDUMBUŊ NAŊ 3:17

Da mburo, naŋ da ti zlili ngi duniya hana, yo da naŋ mupura sukum naŋ le, a ro ti may ngi gwat, amma da a puraŋ ˀircece ta na, wuɗavu ngi Buymisemuŋ a cifi a mevele mbri mbrike?

ZAŊ MUDUMBUŊ NAŊ 4:20

Da mbur a ɓi: «I ra wuɗ Buymisemuŋ», amma ara hirsa sukum naŋ na, naɓa i mbur misi slir. Asi mike na, sukum naŋ, naŋ mapura, da naŋ anta wuɗaŋ ta na, a sa wuɗa Buymisemuŋ, naŋ mapura gu ta mbri mbrike?

ƁIMUNJUYO 2:23

I sa kiɗa zir naŋhaya vagay vagay, ɓa kahana na, cikil ngi misikristuhoy gar a sa sinaka, ya, yi misina wuluk ngi mizli ati gwat taŋ mawuɗam a mevel taŋ. Yo ko wa gar a wuzla kumo, yi sa vulaŋ migir naŋ weˀe avu slra naŋ.