Ɓimezle ngi Yesu Kristu ZAŊ mitil di mi 5:40 - Bible en langue guiziga

⁴⁰ Amma kum anta ngumam soko ng'avi ya, ɓa ki lumam siifa ngi sete ta.

Ɓimezle ngi Yesu Kristu ZAŊ mitil di mi 5:40 ပူးပေါင်းရင်းမြစ်များ

DIMISEY 81:11

I ya Bumbulvuŋ ɗik, Buymisemuŋ, mubo ti ka tir hirwuy Ezipte. wuna mi wun kuy kuy, ɓa i vuluw gwat ngi zum.»

EZAYI 49:7

Ka, mizli maburɗukuw, mizli mahirsukuw, ka beke ngi misi moˀorehey, Bumbulvuŋ mimbiɗi hirnga ngi mizli, Buymisemuŋ mipal wãˀ ngi Israyele, a ɓuw na: «Da buy madiɗahay misa purukuw le na, a sa slikiɗam ti ka, yo yarmahay kwana, a sa hurukom a mbuŋ ɗike. A sa gaka kanah na, ngi ɗuva hirnga da ya Bumbulvuŋ miteŋteŋ, da ya Buymisemuŋ Mipal ngi Israyel muwunuw na.»

EZAYI 50:2

A gi mbri kanah ka! Yi so na, i lum mbur pal le ta, vurmike? Yi zil vu na, mbur miziliy mi anta pal le ta, vurmike? Hirbazla ɗu naŋ dugule malla gbusl haɗa ngi tuɓukumo kwa? Gidaŋ a kic le avu ya ngi laha hirnga kumo kwa? Puraka ɗi, i buca mubuliye le ɓar na, mubuliy a hisik ngbasl. Mizaw misi yamaya, i tiri taŋ ɓuh kirɗak kirɗak, yam misi anta ar taŋ ta tuwa na, dar kilifey a micam, a zãˀãm hirɓislik hirɓislik.

Matiye 22:3

A slina gawla naŋhay ɓa ara ziloko mizli naŋ mizila taŋ ngi vula ngwasa, amma mizli a ngumam soko ta.

Matiye 23:37

«Kayya, Zeruzalem, Zeruzalem, ka makiɗa mijiviɗey vagay vagay, ka makuypa mizli mislinukuw taŋ na! Yi wuɗ le haɗi is mbeˀ mbeˀ, ɓa yi cikila ziri ɗikeye kaɓa kucukur mahuruk ar ziri naŋhay, amma ko ki ngumam ta.

Ɓimezle ngi Yesu Kristu ZAŊ mitil di mi 1:11

A so ar hirwuy nga naŋ, amma mizli nga naŋhay a tiɓaka so naŋ ta.

Ɓimezle ngi Yesu Kristu ZAŊ mitil di mi 10:10

Muhulo, a so sey ngi hul, ngi sli ˀay ngi gwat, yo ngi hirya gwat tewle. Ya i so ɓa mizli a lumam siifa, ɓa a lumam haɗa hã fineˀ gidaŋ.

Ɓimezle ngi Yesu Kristu ZAŊ mitil di mi 3:19

Kiita a gi anihĩ: li minjahha a so le ar duniya, amma mizli a hĩyãm luvuŋ fineˀ li minjahha tuwa, asi gwat ngi gi taŋ i malambaˀa.

Ɓimezle ngi Yesu Kristu ZAŊ mitil di mi 5:39

Ki ra wunjilaka Ɓimutoho, asi ki ra wulkam kaɓa kisa lumam siifa ngi sete angaŋ. Dambalaka i Ɓimutoho nah vuna magi sedewo ar ya!

Ɓimezle ngi Yesu Kristu ZAŊ mitil di mi 5:41

Dudok ngi mizli magikiy di na, y'anta tiɓa ta.

Ɓimezle ngi Yesu Kristu ZAŊ mitil di mi 5:44

Kumo, ki vulam dudoko ar wala kum tehhe a muŋ, kum anta sipam dudok Buymisemuŋ pal naŋ mavula na ta ma na, anja kisa tiɓikiy mbri mbri zleˀe ka?

Ɓimezle ngi Yesu Kristu ZAŊ mitil di mi 6:27

Anja ki gam slra ngi luuma ɗaf mahiryi ta, amma ngi luuma ɗaf mazik, mavul siifa ngi sete. Ɗaf Mangal ngi mbur masavulukum di, asi mbur Cine Buymisemuŋ muɗuv haŋ angi naŋ na, i naŋ vuna.»

Ɓimezle ngi Yesu Kristu ZAŊ mitil di mi 6:37

Mizli Baha mavuliy taŋ gar na, a sa soko ng'avi ya. Yo mbur maso ng'avi ya na, y'anta sa hizigaŋ avra ta ndiɗaˀ.

Ɓimezle ngi Yesu Kristu ZAŊ mitil di mi 6:40

Asi gwat Baha mawuɗ na, n'anihĩ: Ko wa gar mupura Mangala le, yo mitiɓaŋ le na, anja a lum siifa ngi sete, angi hin ngi dirba na, yi sa slikiɗaŋ ti wuzla mumucahaya.»

ROMAHAY 6:23

Asi migir ngi mbur magi mungra na, i mucu. Amma gwat Buymisemuŋ mavula ngatara na, i siifa ngi sete, asi ndra mujom ati Buy ndra Yesu Kristu.

ƁIMUNJUYO 22:17

ˀUf ngi Buymisemuŋ ati ngwas a ɓam: «Sawa!» Anja mbur macina ɓi hana kwana, a ɓi: «Sawa!» Mbur, misi yam ara gaŋ na, anja a sawa. Mbur mawuɗ yam ngi siifa na, anja a lum ngataraŋ.